Exod 1
1
imiṣriyen merjen g aṯ israyil
1ṭarwa n yeƹquwb lliy mmalnas zada aṯ israyil, usend yiḏes s nesnesen al miṣr. 2nihnin d rewbiyn aḏ cemƹuwn aḏ lawiy aḏ yehuwḏa. 3aḏ yesaker aḏ zebuwluwn aḏ benyamin. 4aḏ dan aḏ neftaliy aḏ jaḏ aḏ uciyr. 5aḏ s yuwsef lliy yedder g miṣr, ṭarwa n yeƹquwb aḏ ṭarwesen lkul wsiyn 70.
6wembeƹd yemmuṯ yuwsef aḏ yeṯmas aḏ iqrinnis lkul. 7aḏ rnin aṯ israyil. irewen ggeṯ aḏ yeḏwel leƹdedesen d meqqar ggeṯ lmi tečur sisen tammurt.
8beƹd isuggesen, yeḥkem lmelek d jdiḏ g miṣr. wiyiwiḍc af yuwsef. 9yuwa y midden lliy nneḍḍen siyes:
«qa aṯ israyil ggeṯ aḏ qwenneγ. 10yexs anḥekker mammeḵ asenneg bac wirenninc aḏ wittisenc yid leƹdanneγ almiy iṣar nuγu, naγ aγenḥerben we arulen seg tammurtenneγ.»
11yaxy ggenten adug ṭiṭewin n lliy ssexdemen midden bac atensexdmen b siyf g lxeḏmeṯ lliy tuƹer. aḏ bnan sen tmurewin; fiyṯuwm aḏ reƹmesis bac adelneṯ d lemxazen y ferƹuwn. 12lekenti kul man rnin asenmerjen tesensen rnin akeṯren almiy ḏwellen imiṣriyen ttegeḏen sisen. 13aḏ rnin g mrejesen iṭer s lxeḏmeṯ lliy tuƹer man γiyr man asexfen fellasen. 14aḏ teḏwel temeddurt n aṯ israyil tseḥḥeq lufaḏ s lxeḏmeṯ temeqqart lliy yexs atetteggen; am rway n teγuri aḏ igga n ṭṭuwb aḏ knes g lxeḏmeṯ n imezdeγen lkul. aḏ sexdementen imiṣriyen man γiyr man asexfen fellasen g ayuh n lxeḏmeṯ lliy tuƹer lkul.
temenγiwt n imeckenen
15wembeƹd yesγuy lmelk n miṣr y sen tƹebraniyin; cifra aḏ fuwƹa lliy usineṯ serewneṯ g tseḏnan aḏ yuweyesneṯ: 16«ḥekermeṯ almiy diyes ijeṯ tatiru, kan jjar d afrux neγmet, amma kan d tefruxt dejmetteṯ atedder.»
17lekenti aydin n sen tseḏnan lliy serewneṯ usineṯ tegeḏneṯ seg rebbiy aḏ wigginec s dwiy n lmelek. aḏ djenneṯ imeckenen dderen. 18yaxy yesγuyesneṯ lmelek ysesetnineṯ: «maγer teggimeṯ ayuh aḏ tedjimeṯ imeckenen dderen?»
19rentas: «afelxaḍert tiƹebraniyin resneṯ yezhel muc am timiṣriyin. rahiy tṭeruneṯ qebbel man aneṣel al γaresneṯ.» 20aḏ yerniy leƹded n israyiliyen. aḏ yeḏwel d meqqar ggeṯ. yaxy ynumer rebbiy ayuh n sen tseḏnan, 21yucesneṯ mam aƹemmeren tizegwinesneṯ afelxaḍert ugeḏneṯ siyes.
22wembeƹd yuwa ferƹuwn y midden lkul: «lewḥeṯ g lwaḏ n niyl kul afrux d ƹebreni yluled. amma timeckunin adj dderneṯ.»
දැනට තෝරාගෙන ඇත:
Exod 1: IGJ
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).