Psalms 1
1
[PAIRT ANE.]
PSALM I.
Folk are but frute-stoks — the gude weel plantit an’ heartsome; the ill ne’er plantit ava, whase frute is but stoure, an’ their cleedin stibble: the Lord kens them baith.
[By wha’s no said.]
1Blythe may the man be, wha airts-na his gate by the guidin o’ the godlowse;#Prov 4:14, 15 an’ wha stans-na i’ the road o’ wrang-doers; an’ wha louts-na at the down-sittin o’ lowse jaukers.#Ps 26:4; Jer 15:17
2Bot wi’ the law o’ the Lord is his hail heart’s-gree; an’ owre his rede sigheth he baith day an’ night.#Josh 1:8; Ps 119:1, 97
3For he sal be#1:3 Heb. like, needsna here the frute-stok#Jer 17:8; Ezek 47:12 plantit by the watir-rins, that frutes ay weel in his ain frute saison; an’ his vera blade blights-na, bot a’ the growthe he maks luckens.
4Siclike war ne’er the godlowse; bot like caff#Job 21:18; Ps 35:5; Isaiah 17:13; 29:5; Hos 13:3 are they a’, that the win’ ’s ay strewin.
5Syne sae, at the rightin, sal the godlowse ne’er stan’; nor wrang-doers win ben till the gath’ran o’ the rightous.
6For the Lord kens weel the gate o’ the rightous;#Nah 1:7 bot the gate o’ the godlowse sal dwinnle.
දැනට තෝරාගෙන ඇත:
Psalms 1: SCOWAD
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Published as The Psalms: frae Hebrew intil Scottis in 1871.