Matiyu 28
28
Abu Ehwya è ti Yeso nyi etkyen a dì ángá
(Marku 16:1-10; Luka 24:1-12; Yohana 20:1-10)
1Tsǝnò akan chashin mo Nò nya Etkem, anofon tàtà, Meri ya a Magadala ngge Meri efki hon è vǝ́ a je evǝa be e ken e di dì hon.
2Kè akan, sǝnsen è chìju ngge echakpo, adia maleka mo Ehwya Etsodwe è shwa ara a sen, nè dgyén vǝ ara ten a be ti twape kpevǝ di ángá, nè chuno a chu mo nó. 3Ju ye è no mbǝgezǝ anga abu zǝ embǝgem mo chù, ngge mokàn mbwe è tén ten no àywá. 4Atan a be yakàn éè edgon dì hon anga, è di maleka hon ángá, bè tsen etsentsen mbwe, emme è bu be a ju, bè no abu be kǝn nobǝ.
5Tea maleka hon è jan be ndegwa hon jan, “Nye e tsen nye etsentsen ra, adia m yi jan nye tkunda anga Yeso, a bè kenfu a chu eswafǝ ángá. 6Ge fwa ye ana ra, ge nyi ara etkyen a dì abu gè jan ángá. Nye bwa di zǝn a bè twà ye ángá. 7Nye nya myan myan, ken jan be etsonchi mbwe jan, ‘Ge nyi ara etkyen a dì, ge kwafya mo nye nyaken a Galili, a zǝn nya di ye. Di, m jan ara nye.’ ”
8Enona, be ndegwa hon è nyagwa dì hon myan myan, ngge a tswa etsǝn etsentsen. Tea bè mbo ngge vǝtsen, nè tse ken evǝa be e ken e jan be etsonchi mbwe mò a maleka hon è jan be ángá. 9Dgyen ye fon ra, Yeso ben be ndegwa hon nè jan, “M bi nye fwa anga.” Bè bwa a zǝn ye nè hò a sen. Bè fu fù mbwe nè fen ye. 10Kǝnggwa Yeso è jan be jan, “Nye e tsen nye etsentsen ra. Nye ken jan be nwenjwa m, be e ken a Galili ba di m a zǝn.”
Fwa a be edgonzǝn yakàn è jan ángá
11A be ndegwa hon è chà no efǝ ángá, be yakàn ya ehwyà ya è dgon dì hon anga è kwashi a tswa eten efifi hon nè jan be Ekǝ́n echa binbin mo be mò è bwe ángá. 12Atan a be Ekǝ́n echa hon è fǝn ara chu ngge be atkwen nobǝ ángá, bè te engga nè senvǝ ngge be yakàn hon nè no be tse embo. 13Bè jan be e jan, “Nye e jan, ‘Be etsonchi mbwe è bwa zǝ́ ti ara kǝn mbwe etsǝ atan a jé dwa dan ángá.’ 14Ano fwa hon ena, kengga a tón mo gomna, je jan a jwa nye fwa hon a zǝn ye evǝa fwa a ben ye nye ra.” 15Enona, be yakàn hon cha tse hon nè bwe abu bè jan be ángá. Etkyen mo fwa hon è kpò kwa gu engga mo be ya a Yahuda, ti bwangga nòmo na, be chà jan nó kan anga.
Mochi a Yeso è no be etsonchi mbwe ángá
(Marku 16:14-18; Luka 24:36-49; Yohana 20:19-23; Be Mochi 1:6-8)
16Be etsonchi gwi chu akan hon e ken a Galili, nè ken vǝ́ngga a hwì zǝn a Yeso è jan ara be jan be e vǝ́ ángá. 17Atan a bè di ye ángá, be fen ye, tea ya ehwyà mo be è tsen tsuruku. 18Kǝnggwa Yeso è bwa tenten a zǝn be nè jan, “Ehwya no gu ara m emwentì a chu binbin mo be mò, a kpe ngge a tswa zǝnchaje. 19No enona, nye e ken e bwe binbin mo be nobǝ a tswa zǝnchaje ena be e nga be ya e ba m anga. Nye e bwe be batisǝma adi ti mo Àtà hon, ngge ḿ mo Nwen hon, ngge ḿ mo Engǝ́ Echanwenwen. 20Nye e tú be, be e tse binbin mo be mò a m̀ jan nye ángá. Nye e yi adi ebi jan, m no ngge nye nogwa nogwa ti ken a ngga ekǝn-etkyen mo zǝnchaje.”
දැනට තෝරාගෙන ඇත:
Matiyu 28: ICH
සළකුණු කරන්න
බෙදාගන්න
සසඳන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2024 Luke Initiative for Scripture Translation