O Isus Navin 19
19
E thana tare Simeoneso pleme
1I dujto kocka peli pe Simeoneso pleme thaj pe lese familije. Lengo nasledstvo sasa ani phuv savi nasledisada e Judaso pleme. 2Von dobisade:
i Beer-Ševa so si i Ševa, i Molada, 3o Hacar-Šual, i Baala, o Acem, 4o Eltolad, o Betul, i Horma, 5o Ciklag, o Bet-Markavot, i Hacar-Susa, 6o Bet-Levaot thaj o Šaruhen – dešutrin (13) forura thaj lenđe gava.
7O Ajin, o Rimon, o Eter thaj o Ašan – štar forura thaj lenđe gava 8thaj sa e gava trujal sa kala forura dži o Vaalat-Beer, so si Ramat-Negev. Gova sasa o nasledstvo tare Simeoneso pleme pale lese familije. 9Lengo nasledstvo sasa lindo taro jekh kotor e Judaso pleme, golese so o kotor savo sasa dindo e Judase plemese sasa po baro nego so trubuja lenđe. Gija e Simeoneso pleme dobisada piro nasledstvo ani phuv savi nasledisada e Judaso pleme.
E thana tare Zavuloneso pleme
10I trito kocka peli pe Zavuloneso pleme thaj pe lese familije. I granica tare lengo nasledstvo džala sa dži o Sarid. 11I granica džala ko zapad dži i Marala, avola pašo Dabašet thaj o potoko paše o Jokneam. 12Taro Sarid banđola ko istok dži i granica Kislot-Tavor thaj džala dži o Dovrat thaj gothar dži i Jafija. 13Gothar i granica džala ko istok dži o Git-Hefer thaj o It-Kacin. Ikljola ko Rimon thaj banđola premali Nea, 14a gothar banđola ko sever premalo Hanaton thaj ačhola ani dolina Jiftah-El. 15Katane e Katatasa, e Nahalalasa, e Šimronesa, e Jidalasa thaj e Vitlejemesa sesa dešuduj (12) forura thaj lenđe gava. 16Kala forura thaj lenđe gava sesa e Zavulonese plemeso thaj lese familijako nasledstvo.
E thana taro Isahareso pleme
17I štarto kocka peli pe Isahareso pleme thaj pe lese familije. 18Pe lenđi phuv sesa:
o Jizreel, o Kesulot, o Šunem, 19o Hafarajim, o Šion, o Anaharat, 20o Rabit, o Kišjon, o Avec, 21o Remet, o En-Ganim, i En-Hada thaj o Bet-Pacec. 22I granica avola pašo Tavor, i Šahacima thaj o Bet-Šemeš thaj ačhola ki len o Jordan. Sesa dešušov (16) forura thaj lenđe gava. 23Kala forura thaj lenđe gava sesa e Isaharese plemeso thaj lese familijako nasledstvo.
E thana tare Asireso pleme
24I pandžto kocka peli pe Asireso pleme thaj pe lese familije. 25Pe lenđi phuv sesa:
o Helkat, o Hali, o Beten, o Ahšaf, 26o Alameleh, o Amad thaj o Mišal. Ko zapad i granica džala pašo Karmel thaj o Šihor-Livnat. 27Tegani banđola ko istok premalo Bet-Dagon, avola pašo Zavulon thaj i dolina Jiftah-El. Gothar džala ko sever dži o Bet-Emek thaj o Neiel. Pale gova i granica džala ko sever dži o Kavul, 28o Avdon, o Rehov, o Hamon thaj i Kana, sa dži o Baro Sidon. 29Gothar i granica banđola premali Rama thaj dži o zuralo foro Tir, gothar banđola premali Hosa thaj ačhola ko Sredozemno more, ke thana kaj si o Ahziv, 30i Uma, o Afek thaj o Rehov – bišteduj (22) forura thaj lenđe gava. 31Kala forura thaj lenđe gava sesa e Asirese plemeso thaj lese familijako nasledstvo.
E thana tare Neftalimeso pleme
32I šovto kocka peli pe Neftalimeso pleme thaj pe lese familije.
33Lenđi granica džala taro Helef thaj taro baro kaš ano Caananim prekalo Adami-Nekev thaj o Javneel, dži o Lakum thaj ačhola ki len o Jordan. 34Tegani i granica banđola ko zapad premalo Aznot-Tavor thaj ikljola ko Hukok. Ko jug avola pašo Zavulon, ko zapad pašo Asir, a ko istok paši Jehuda, ki i len o Jordan.
35E zurale forura sesa: o Cidim, o Cer, o Hamat, o Rakat, o Kineret, 36i Adama, i Rama, o Hacor, 37o Kedeš, o Edrej, o En-Hacor, 38o Jiron, o Migdal-El, o Horem, o Bet-Anat thaj o Bet-Šemeš – dešenja (19) forura thaj lenđe gava. 39Kala forura thaj lenđe gava sesa e Neftalimese plemeso thaj lese familijako nasledstvo.
E thana tare Daneso pleme
40I eftato kocka peli pe Daneso pleme thaj pe lese familije. 41E thana save vov nasledisada sesa:
i Cora, o Eštaol, o Ir-Šemeš, 42o Šaalabin, o Ajalon, i Jitla, 43o Elon, i Timna, o Ekron, 44o Elteke, o Gibeton, o Vaalat, 45o Jehud, o Bene-Berak, o Gat-Rimon, 46o Me-Jarkon, o Rakon, thaj e thana paši Jopa.
47Al kala thana sesa but cikne baše Danovcura. Gija von đele, čalade po Lešem thaj prelije le. Sa e manušen gothar mudarde mačosa thaj osvojisade o foro, lije te bešen gothe thaj e forose dije alav Dan – pale lengo paradad.
48Kala forura thaj lenđe gava sesa e Danese plemeso thaj lese familijako nasledstvo.
E Isuseso e Navineso nasledstvo
49Kana sa ulade i phuv thaj čhute e međe pale plemenura, e Izraelcura dije maškar peste nasledstvo i e Isusese e Navinese, 50sar so zapovedisada o GOSPOD. Dije le o foro savo rodija – o Timnat-Serah ane Efremese bregura, a vov popravisada le thaj lija te bešol gothe.
51Gova si e phuva save o svešteniko o Eleazar, o Isus Navin thaj e šorutne tare Izraelska plemenura ulade kockasa ano Šilo, anglo GOSPOD, anglo ulaz e Šatoreso taro sastanko. Gija završisade o ulaipe e phuvako.
දැනට තෝරාගෙන ඇත:
O Isus Navin 19: GSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න