O Isus Navin 17
17
E phuva tare Manasijaso pleme
1Kava si i phuv savi ulada pe kockasa e Manasijase plemese, golese so o Manasija sasa e Josifeso angluno bijando čhavo. E Mahirese prepele o Gilad thaj o Bašan istočno tari len o Jordan, golese so sasa but zuralo ano maripe. O Mahir sasa e Manasijaso angluno bijando čhavo thaj paradad e Gilađanurengo. 2Thaj i avera e Manasijase familije dobisade piro kotor e phuvako zapadno tari len o Jordan. Gova sesa e potomkura taro Aviezer, taro Helek, taro Asriel, taro Sihem, taro Hefer thaj taro Šemida. Gova sesa muršane potomkura e Manasijase, e Josifese čhavese, a lenđe familije dobisade kotor e phuvako.
3O Celofhad sasa čhavo e Hefereso, o Hefer sasa čhavo e Giladeso, o Gilad sasa čhavo e Mahireso, a o Mahir sasa čhavo e Manasijaso. Al e Celofhade ni sesa murša, samo čheja: i Mahla, i Noa, i Hogla, i Milka thaj i Tirca. 4E Celofhadese čheja avile anglo svešteniko o Eleazar, anglo Isus Navin thaj angle šorutne e narodose thaj phende: “O GOSPOD zapovedisada e Mojsijase te dol amen nasledstvo maškari amari familija.”
Gija von dije len o nasledstvo maškari familija lenđe dadesi, sar so o GOSPOD zapovedisada. 5Gija o Manasija pašo Gilad thaj o Bašan save dobisada istočno tari len o Jordan, dobisada vadži deš kotora tari phuv, 6golese so e Manasijase čheja dobisade nasledstvo sar i e murša. A o Gilad prepelo avere Manasijase potomkurenđe.
7E Manasijaso područje sasa taro Asir dži o Mihmetat, istočno taro Sihem. Gothar i granica džala južno dži o naselje ano En-Tapuah. 8I phuv trujal o Tapuah preperola e Manasijase, al o foro Tapuah, ki Manasijasi granica preperola e Efremcurenđe. 9Tegani i granica džala ko jug, dži o potoko e Kanako. (E forura save sesa odori pripadisade e Efremcurenđe, iako gova područje sasa e Manasijaso.) I granica tare Manasijase thana džala tari severno obala e potokosi thaj završila pe pašo Sredozemno more. 10I phuv ki južno rig preperola e Efremese, a i phuv ki severno rig preperola e Manasijase. E Manasijase thana sesa dži o Sredozemno more, dži i granica tare Asireso pleme ko sever thaj dži i granica tare Isahareso pleme ko istok. 11Ani phuv e Isaharesi thaj e Asiresi, e Manasija sesa forura o Bet Šean thaj o Jivleam thaj e naseljura trujal lende. E manuša tare Manasijaso pleme živisade i ane forura: o Dor, o Endor, o Taanah thaj o Megido, thaj ane naseljura trujal lende. Von ćerena trin regije.
12E potomkura e Manasijase naštine te prelen kala forura, golese so e Hanaancura zurale ande odluka te ačhen gothe. 13Kana e Izraelcura zurajle, čhute e Hanaancuren te ćeren bući sar robura, al ni ikalde len gothar dži o krajo.
E Efremeso thaj e Manasijaso pleme roden vadži phuv
14E potomkura e Josifese pučlje e Isuse e Navine: “Sose dijan amen samo jekh kotor e phuvako ano nasledstvo kana sam amen baro narodo, golese so dži akana o GOSPOD but blagoslovisada amen?”
15O Isus Navin vaćarda: “Te sen gaći baro narodo thaj tumenđe si cikno e Efremeso brego, džan upre ano veš, čhinen e kašta, tegani i phuv e Perižanurenđi thaj e Refajcurenđi len tumenđe.”
16E potomkura e Josifese vaćarde: “E Efremese bregura but si cikne amenđe. Thaj sa e Hanaancura save bešen ani dolina isi len sastrunale vordona bašo maripe, a gija i e manuša ano Bet-Šean thaj e naseljura trujal leste thaj e manuša ani dolina Jizreel.”
17Tegani o Isus Navin vaćarda e Josifese potomkurenđe, e Efremese thaj e Manasijase plemenurenđe: “Tumen sen baro thaj but zuralo narodo. Ni ka avol tumen samo jekh kotor e phuvako 18nego i e bregura kaj isi veša. Čhinen e kašta thaj sa e bregura ka aven tumare. Iako e Hanaancuren isi sastrunale vordona bašo maripe thaj si zurale, tumen ka ikalen len gothar.”
දැනට තෝරාගෙන ඇත:
O Isus Navin 17: GSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න