O Isus Navin 1
1
O Dol ćerol e Isuse e Navine vođa
1Palo meripe e Mojsijaso, savo sasa sluga e GOSPODESO, o GOSPOD vaćarda e Isusese e Navinese, e Mojsijase pomoćnikose: 2“Mingro sluga o Mojsije mulo. Golese akana spremi tut, tu thaj sa kava narodo, te naćhe prekali len o Jordan, ani phuv savi ka dav e Izraelcurenđe. 3Ka dav tumen dži jekh than pe savo ka ačhen pingresa, sar so obećisadem e Mojsijase. 4Tumari granica ka avol tari pustinja ko jug dži o Liban ko sever, thaj tari bari len, i len o Eufrat ko istok – maškari sa i phuv e Hetiturenđi – dži ko Sredozemno more ko zapad. 5Dži kaj san džuvdo, khoni ni ka šaj te suprostavil pe tuće. Sar so sema e Mojsijasa, gija ka avav i tusa: nikad ni ka ačhavav tut niti ka mukhav tut. 6Av zuralo thaj hrabro, golese so tu ka inđare kale manušen te len i phuv baše savi xaljem sovli lenđe paradadenđe kaj ka dav len ano nasledstvo.
7Samo av zuralo thaj but hrabro. Šukar ićar sa o Zakon savo dija tut mo sluga o Mojsije. Ma dža lestar ni levo ni desno, te bi avesa uspešno kaj god te dža. 8Bizo ačhaipe vaćar e lafura taro kava Lil e zakoneso. Đive thaj rat de gođi lendar te bi šajine šukar te ćere sa so si ane leste pisimo. Tegani ka avol tuće šukar thaj ka ave uspešno.
9Zapovedisadem tuće: ‘Av zuralo thaj hrabro. Ma dara thaj ma av obeshrabrime, golese so o GOSPOD, ćiro Dol, ka avol tusa bilo kaj te dža.’”
O narodo obećil kaj ka šunol e Isuse e Navine
10O Isus Navin vaćarda e narodose nadglednikurenđe: “Naćhen maškaro logori thaj vaćaren e narodose: 11‘Spremin tumenđe xape. Baše trin đive ka naćhen prekali len o Jordan te bi dena ani phuv savi dol tumen o GOSPOD, tumaro Dol. Goja phuv te avol tumari thaj te bešen odori.’”
12A e Ruvimcurenđe, e Gadovcurenđe thaj opaš e Manasijase plemese vaćarda: 13“Den tumen gođi taro zapovest savo dija tumen o Mojsije, o sluga e GOSPODESO. O GOSPOD, o Dol tumaro, savo dol tumen odmor, dija tumen kaja phuv. 14Tumare romnja, e čhave thaj i stoka šaj ačhen ani phuv savi dija tumen o Mojsije tari kaja istočno rig e lejaći, o Jordan. Al savore tumen, e ratnikura, trubul naoružime te džan angle tumare phrala thaj te pomognin lenđe 15dži kaj o GOSPOD ni dol len odmor sar tumenđe thaj dži kaj i von ni osvojin i phuv savi dol len o GOSPOD, tumaro Dol. Pale gova šaj te irin tumen thaj te prelen tumari phuv savi dija tumen o Mojsije, o sluga e GOSPODESO, tari kaja istočno rig e lejaći, o Jordan.”
16Von phende e Isusese e Navinese: “Ka ćera sa so zapovedisadan amenđe thaj ka dža kaj god te bičhale amen. 17Sar so ane sa šundam e Mojsija, gija ka šuna i tut. Samo, o GOSPOD, ćiro Dol, nek avol tusa sar so sasa e Mojsijasa. 18Ko god te bunil pe protiv ćire zapovestura thaj ni šunol ćire lafura so god te zapovedi lese, ka avol mudardo. Samo av zuralo thaj hrabro!”
දැනට තෝරාගෙන ඇත:
O Isus Navin 1: GSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න