1. Mojsije 25
25
E Avraamese avera potomkura
1O Avraam lija pese avere romnja savi akhardola Hetura.
2Voj bijanda lese e Zomrane, e Joksane, e Madane, e Madijame, e Jesvoke thaj e Soijene.
3E Joksanese bijandile o Savan thaj o Dedan.
E Dedanese potomkura si e Asurimcura, e Latusimcura thaj e Laomimcura.
4E Madijamese čhave sesa o Efa, o Efer, o Enoh, o Avida thaj o Eldaa. Sa kala manuša sesa e Heturaće potomkura.
5Sa o barvalipe so sasa e Avraame dija e Isaakose, 6al pe čhavenđe tare avera romnja-ropkinje dija darura, dok vadži sasa džuvdo, thaj bičhalda len ko istok – dur tare leso čhavo o Isaak.
E Avraameso meripe
7O Avraam sasa džuvdo šelueftavardeš thaj pandž (175) berš. 8Mulo ane emšukar berša thaj sasa prahome ano baro phuripe. 9Lese čhave o Isaak thaj o Jišmael prahosade le ani pećina Mahpela pašo Mamre, ko polje e Efroneso, e čhaveso e Cohareso e Hetiteso, 10ko polje savo ćinda o Avraam tare Hetitura. Odori prahosade e Avraame paši lesi romni i Sara.
11Palo meripe e Avraameso, o Dol blagoslovisada lese čhave e Isaako, savo tegani živisada pašo Beer-Lahaj-Roi.
E Ismailese potomkura
12Kava si o lil taro pleme e Ismaileso, e Avraameso čhaveso, kas bijanda lese i Egipćanka i Agara, sluškinja e Saraći. 13E Ismailese čhavenđe alava palo redo sar bijandile si:
E Ismaileso emphureder čhavo sasa o Navajot, pa o Kidar, o Navdeilo, o Masam, 14o Masma, o Duma, o Masa, 15o Hadar, o Teman, o Jetur, o Nafes thaj o Kedma.
16Gova si e Ismailese čhave, dešuduj plemenska šorutne, pale kaste si akharde e gava thaj e logora. 17O Jišmael sasa džuvdo šelutranda thaj efta (137) berš thaj mukhlja pi duša. Mulo thaj sasa prahome. 18Lese potomkura bešle taro Evilat dži ko Šur, taro istočno Egipat premali Asirija, a živisade ano dušmanluko e Avraamese avere potomkurencar.
O Isav thaj o Jakov
19Kava si o lil taro pleme e Isaakoso, e Avraamese čhaveso.
E Avraamese bijandilo o Isaak. 20E Isaako sasa saranda (40) berš kana lija e Reveka romnjaće, čhej e Betuelesi, e Aramejcosi taro Padan-Aram, phen e Aramejcosi e Lavanesi.
21O Isaak molisajlo e GOSPODESE baši pi romni, golese so naštine te aven la čhave. O GOSPOD šunda lesi molitva thaj i Reveka lesi romni ačhili khamni.
22E čhave ane lako vođi gurina jekh avere thaj golese voj pučlja: “So si mancar kava?”
Golese đeli te pučol e GOSPODE.
23A o GOSPOD phenda laće:
“Duj narodura si ane tute;
duj narodura ka ulaven pe andaro ćo vođi.
Jekh ka avol po zuralo taro aver,
thaj o phureder ka služil e ciknjedere.”
24Kana avilo o vreme e bijanimaso, ane lako vođi sesa duj čhave. 25O angluno čhavo savo bijandilo sasa sa lolo thaj pherdo bala sar ogrtači. Golese dije le alav Isav#25,25 Isav Kava alav značil “balalo.”. 26A pale gova bijandilo leso phral savo ićarola vastesa e Isavesi patum, golese dije le alav Jakov#25,26 Jakov Kava alav značil “ićarol tari patum” il “varalica.”. E Isaako sasa šovardeš (60) berš kana i Reveka bijanda lese čhaven.
O Isav biknol po pravo taro phurederipe
27E čhavore barile. O Isav ćerdilo šukar lovco, manuš savo manđol te avol avri ani pustinja, a o Jakov sasa manuš savo sasa krotko thaj pobut bešola ano šatori. 28O Isaak manglja pobut e Isave, golese so manglimasa xalja o mas savo o Isav dolola, a i Reveka pobut manglja e Jakove.
29Jekh đive kana o Jakov ćirada nesavi zumi, o Isav avilo andari pustinja but bokhalo, 30pa phenda e Jakovese: “De ma te xav goja loli zumi, golese kaj muljem tari bokh!” Gija dije le alav Edom.
31Al o Jakov phenda lese: “Angleder bićin manđe ćo pravo savo tut isi sar phureder čhavo!”
32A o Isav phenda lese: “Akh, samo so ni muljem tari bokh, so trubul man gova pravo taro phurederipe?”
33O Jakov tegani phenda lese: “Angleder xa tu sovli!”
O Isav xalja sovli thaj gija bićinda e Jakovese piro pravo taro phurederipe.
34Tegani o Jakov dija e Isave mangro thaj ćiradi zumi tari leća. Vov xalja thaj pilja, pale gova uštilo thaj đelo.
Gija o Isav ni marisada za ke piro pravo savo sasa le sar phureder čhavo.
දැනට තෝරාගෙන ඇත:
1. Mojsije 25: GSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න