Exodus 26
26
De tabernacle
(Exo 36.8-19)
1“Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim. 2Haia malo buibui nei alodahi gi se haidenga daudahi: e madalua ma lua sugilima de lloa, gai e haa sugilima de llaha. 3Gai koe ga hagapuni e lima malo buibui nei, gai denga malo e lima ange laa e hagapuni i gilaadeu. 4Gai koe haia hanu mee hagalaulau buluu i de baasi o de malo e mua gi daha i dahi hagabuulingaa malo laa, gai e bei ai hogi de hagabuulingaa malo ange laa. 5Haia e dagimadalima mee hagalaulau i de baasi o dahi luu hagabuulingaa malo laa, gai e madalima hogi mee hagalaulau i de hagabuulingaa malo ange laa; gai koe ga hai gi hagadau ssoe ange denga mee hagalaulau laa. 6Gai koe ga hai e madalima biini goolo ga biini ai denga mee hagalaulau o luu hagabuulingaa malo laa, gi buni ai de tabernacle.
7Gai koe ga hai hanu malo i huluhulu guudi e odo ai de tabernacle; haia e madaangahulu ma dahi malo laa alodahi. 8Gai haia dahi malo laa gi matolu sugilima de looloa, gai e haa sugilima de lahalaha; haia malo e madaangahulu ma dahi nei gi se haidenga daudahi. 9Gai koe ga hagapuni e lima malo nei i gilaadeu, gai malo e ono ange laa i gilaadeu. Gai de ono malo i de lua hagabuulingaa malo laa e hhedu age i ma te hale malo. 10Gai koe ga hai e madalima mee hagalaulau i de baasi o dahi luu hagabuulingaa malo laa, gai e madalima mee hagalaulau i de hagabuulingaa malo ange laa. 11Gai koe ga hai e madalima biini bronze e biini ai denga mee hagalaulau laa, gi buni luu hagabuulingaa malo laa. 12Gai de bido e doe laa i luu hagabuulingaa malo laa e hai gi daudau iho i tua de buibui i de bido gi tua o de tabernacle. 13Gai luu sugilima o de malo e hulo laa ma e dubu gi daha, dilia gi daudau iho i luu baasi de tabernacle e haoli ai. 14Gai koe haia hogi dahi malo i gili ssiibi ga tao gi mmea, aama dahi malo i gili kaau lausedi e haoli iho ai laa honga malo ange laa.
Denga duludulu ma olaadeu dagelo
(Exo 36.20-38)
15“Gai haia laagau o de tabernacle i laagau acacia ga hagatuu age. 16Haia dahi laagau gi se madaangahulu sugilima de looloa, gai e dahi sugilima ma de baasi de lahalaha. 17Gai koe haia e lua hakauanga i de bido gi lalo o dahi laagau e hagadau hagamakaga ai denga laagau. Haia laagau alodahi o de tabernacle bee nei. 18Gai haia e madalua laagau ange gi de baasi gi ngaage o de tabernacle 19gai e madahaa dagelo selevaa e hagatuu ange aagena denga laagau e madalua laa: e dahi laagau e lua ono dagelo ma e lua hakauanga, gai e lua hogi dagelo i lalo denga laagau ange laa. 20Gai de baasi ngaiho o de tabernacle e madalua hogi laagau, 21ma e madahaa dagelo selevaa: e dagilua dagelo i lalo dahi laagau, gai e lua hogi dagelo i lalo denga laagau ange laa. 22Haia hogi e ono laagau ange gi de bido gi tua o de tabernacle, go de bido gi dai. 23Gai koe haia e dagilua laagau i luu dege o de tabernacle i de bido gi tua. 24Luu laagau nei e hai gi madoha i bido i lalo, aagai olaau ulu e ulumagi ange gi tahi buulei; deenei dau hai e hai ai denga laagau i luu dege ngaadahi. 25Gai e valu alodahi laagau laa ma e madaangahulu ma ono dagelo selevaa; e dagilua dagelo selevaa e hagaduu ange ai dahi laagau, gai e lua hogi dagelo i lalo de laagau ange laa.
26Gai koe haia hanu laagau hagamakaga i laagau acacia; e lima ange gi denga laagau i dahi baasi o de tabernacle, 27gai e lima hogi laagau hagamakaga i de baasi ange laa, gai e lima hogi laagau hagamakaga i de bido gi dai o de tabernacle. 28Gai de laagau hagamakaga i lo te ungaalodo o denga laagau e velo gi sula gi luu bido. 29Gai koe ga haoli denga laagau i goolo, ma de hai olaadeu buulei i goolo e daohi ai denga laagau hagamakaga; gai koe ga haoli hogi denga laagau hagamakaga i goolo. 30Gai koe ga hagaduu age de tabernacle bei de hagatau gu hagaago adu gi de goe i honga de mounga.
31Gai koe ga hai dahi malo buibui i huga malo buluu, ma de purple, ma de mmea aama linen danuaa e amu ga hilo, ga maaga ange aagena denga cherubim. 32Gai koe haia hanu mee hagalaulau goolo, ga daudau ai de malo buibui laa gi denga duludulu acacia e haa, gu haoli laa i goolo, gai e hagatuu ange gi honga e haa dagelo selevaa. 33Gai koe ga hai denga biini ga daudau age ai de malo buibui nei, ga gaamai de ngavesi o de tala hagadonu gi lo te mommee gu buibui laa; gai de malo buibui nei ga vvae ai magavaa o de Aabi Dabu ma de Aabi Dabu mmao. 34Gai koe dugua ange de pono o de tala haisala gi honga de ngavesi o de tala hagadonu i lo te Aabi Dabu mmao. 35Gai koe ga gaamai teebele i tua de Aabi Dabu mmao, gai koe ga hagaduu de mee dugu laama i de baasi gi ngaage o de tabernacle i de baasi gee teebele; gai teebele i de baasi gi ngaiho.
36Gai koe ga hai ange dahi malo buibui e dau i de haitoga o de hale malo i huga malo buluu, ma de purple ma de mmea aama linen danuaa e amu ga hilo, ga maaga i de niila. 37Gai koe ga hai e lima duludulu i laagau acacia ga haoli i goolo e daudau age ai de malo buibui, ga hagalau age i denga mee hagalaulau goolo. Gai koe ga hagadaakodo e lima dagelo bronze e hagatuu ange aagena denga duludulu.
දැනට තෝරාගෙන ඇත:
Exodus 26: DBD
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2022, Wycliffe Bible Translators, Inc. All rights reserved.