Genesis 13
13
1 Abram a Lot yn dychwelyd o’r Aifft. 7 Trwy anghytundeb yn ymadael â’i gilydd. 10 Lot yn myned i Sodom ddrygionus. 14 Duw yn adnewyddu y cyfamod i Abram. 18 Yntau yn symud i Hebron, ac yn adeiladu allor yno.
1Ac Abram a aeth i fyny o’r Aifft, efe a’i wraig, a’r hyn oll oedd eiddo, a Lot gydag ef, i’r deau. 2Ac Abram oedd gyfoethog iawn o anifeiliaid, ac o arian, ac aur. 3Ac efe a aeth ar ei deithiau, o’r deau hyd Bethel, hyd #Pen 12:8y lle y buasai ei babell ef ynddo yn y dechreuad, rhwng Bethel a Hai; 4I le yr allor a wnaethai efe yno o’r cyntaf: ac yno y galwodd Abram ar enw yr Arglwydd.
5Ac i Lot hefyd, yr hwn a aethai gydag Abram, yr oedd defaid, a gwartheg, a phebyll. 6#Pen 36:7A’r wlad nid oedd abl i’w cynnal hwynt i drigo ynghyd; am fod eu cyfoeth hwynt yn helaeth, fel na allent drigo ynghyd. 7Cynnen hefyd oedd rhwng bugeiliaid anifeiliaid Abram a bugeiliaid anifeiliaid Lot: #Pen 12:6y Canaaneaid hefyd a’r Pheresiaid oedd yna yn trigo yn y wlad. 8Ac Abram a ddywedodd wrth Lot, Na fydded cynnen, atolwg, rhyngof fi a thi, na rhwng fy mugeiliaid i a’th fugeiliaid di; oherwydd #13:8 Heb. gwŷr o frodyr. Edrych Pen 11:27; Exod 2:13; Act 7:26brodyr ydym ni. 9#Pen 20:15; 34:10Onid yw yr holl dir o’th flaen di? Ymneilltua, atolwg, oddi wrthyf: os ar y llaw aswy y troi di, minnau a droaf ar y ddeau; ac os ar y llaw ddeau, minnau a droaf ar yr aswy. 10A Lot a gyfododd ei olwg, ac a welodd holl wastadedd yr Iorddonen, mai dyfradwy ydoedd oll, cyn i’r Arglwydd ddifetha Sodom a Gomorra, fel gardd yr Arglwydd, fel tir yr Aifft, ffordd yr elych i Soar. 11A Lot a ddewisodd iddo holl wastadedd yr Iorddonen, a Lot a aeth tua’r dwyrain: felly yr ymneilltuasant bob un oddi wrth ei gilydd. 12Abram a drigodd yn nhir Canaan a Lot a drigodd yn ninasoedd y gwastadedd, ac a luestodd hyd Sodom. 13A #Pen 18:20; Esec 16:40dynion Sodom oedd ddrygionus, ac yn pechu yn erbyn yr Arglwydd yn ddirfawr.
14A’r Arglwydd a ddywedodd wrth Abram, wedi ymneilltuo o Lot oddi wrtho ef, Cyfod dy lygaid, ac edrych o’r lle yr wyt ynddo, tua’r gogledd, a’r deau, a’r dwyrain, a’r gorllewin. 15Canys yr holl dir a weli, #Pen 12:7; 15:18; 17:8; 24:7; 26:4; Deut 34:4; Act 7:5i ti y rhoddaf ef, ac i’th had byth. 16#Pen 15:5; 22:17; 26:4; 28:14; 32:12; Exod 32:13; Num 23:10; Deut 1:10; 1 Bren 4:20; 1 Cron 27:23; Esa 48:19; Jer 33:22; Heb 11:12Gwnaf hefyd dy had di fel llwch y ddaear; megis os dichon gŵr rifo llwch y ddaear, yna y rhifir dy had dithau. 17Cyfod, rhodia trwy’r wlad, ar ei hyd, ac ar ei lled; canys i ti y rhoddaf hi. 18Ac Abram a symudodd ei luest, ac a ddaeth, ac #Pen 14:13a drigodd yng ngwastadedd Mamre, #Pen 35:27; 37:14yr hwn sydd yn Hebron, ac a adeiladodd yno allor i’r Arglwydd.
දැනට තෝරාගෙන ඇත:
Genesis 13: BWM1955C
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society