ගීතාවලිය 93

1 ස්වාමින්වහන්සේ රජකම් කරන සේක; උන්වහන්සේ, මහානුභාවය පැලඳ සිටින සේක;

ස්වාමින්වහන්සේ ශක්තියෙන් සන්නද්ධ ව සිටින සේක,

ලෝකය, ස්ථාවර ව ස්ථාපිත ය; ඇත්තෙන් ම, එය සොලවනු නො හැක.

2ඔබගේ සිංහාසනය, අනාදියේ පටන් ම ස්ථාපිත ය;

සදාතනයේ පටන් ම ඔබ පැවත සිටින සේක.

3අහෝ ස්වාමින්වහන්ස, මහ සමුදුරු ඉහළට නැගුණෝ ය,

ඒ මහ සමුදුරු තම රළ ගොස ඉහළ නැගුවෝ ය;

මහ සමුදුරු තම රළ රැළි පෙළ ඉහළට නැගුවෝ ය.

4ඉහළ ස්වර්ගයේ ස්වාමින්වහන්සේ, පරාක්‍රමවත් ය,

මහා ජල ධාරාවන්ගේ ගිගුරුමට වඩා බලවත් ය;

මහා ජල ප්‍රවාහයනට වඩා බලසම්පන්න ය.

5අහෝ ස්වාමින්වහන්ස, ඔබගේ පනත් ස්ථාවර ය;

අනන්තය දක්වා ම

ඔබගේ ගෘහය ශුද්ධත්වයෙන් අලංකෘත ය.

දැනට තෝරාගෙන ඇත:

ගීතාවලිය 93: SCV

සළකුණු කරන්න

බෙදාගන්න

පිටපත් කරන්න

ගීතාවලිය 93
වෙතින් ජනප්‍රිය බයිබල් පද