ගීතාවලිය 71:3-6

හැම විට ගොස්, රැකවරණ ලබන්නට, මගේ සරණයේ පර්වතය වුව මැනවි; මගේ පර්වතයත්, මගේ බළකොටුවත් ඔබ ම බැවින්, මා ගලවන්නට නියෝගය දුන මැනවි. අහෝ මගේ දෙවියන්වහන්ස, දුෂ්ටයන්ගේ අත්වලින්, අසාධාරණ හා කෲර වූ මිනිසුන්ගේ ග්‍රහණයෙන් මා මුදා ගත මැනවි. අහෝ පරමාධිපති ස්වාමින්වහන්ස, මගේ බලාපොරොත්තුව ඔබ ය, බාල කාලයේ පටන් මගේ විශ්වාසය ඔබ ය. උපතේ පටන් මා විශ්වාසය තැබුවේ ඔබ මත ය; මගේ මවගේ කුසයෙන් මා පිටතට ගෙනාවේ ද ඔබ ම ය. සැමදා මම ඔබට පැසසුම් දෙන්නෙමි.