ගීතාවලිය 124
124
ගීතාවලිය 124
ආරෝහණ ගීයකි. දාවිත්ගෙනි.
1අපේ පැත්තට සිටියේ ස්වාමින්වහන්සේ නො වේ නම්–
ඉශ්‍රායෙල් දැන් මෙසේ කියත්වා–
2අපේ පැත්තට සිටියේ ස්වාමින්වහන්සේ නො වේ නම්,
ජනයා අපට එරෙහිව නැගී සිටි කල,
3ඔවුන්ගේ කෝපය අපට එරෙහිව ඇවුළුණු වේලේ
ඔවුන්, අප පණ පිටින් ම ගිල දමන්නට ඉඩ තිබුණි;
4එවිට, ජලගැල්මෙන් අප යටවී යන්නට තිබුණි;
ජල ප්‍රවාහයෙන් අප ගසා ගෙන යන්නට තිබුණි.
5එවිට, රුදුරු ජල කඳ අප යට කර,
අපට ඉහළින් ගලා යන්නට තිබුණි.
6ඔවුන්ගේ දත් අතරේ අප ගොදුරක් කොට නො දුන්
ස්වාමින්වහන්සේට පැසසුම් වේවා!
7අප බේරී ගියේ කුරුලු දඩයම්කරුගේ උගුලෙන්
බේරී පලා යන කුරුල්ලකු පරිද්දෙනි;
උගුල බිඳී ගියේ ය,
අපි බේරී පලා ගියෙමු.
8අපගේ උපකාරය, අහසත් පොළොවත් නිම වූ
ස්වාමින්වහන්සේගේ නාමය තුළ ය.
දැනට තෝරාගෙන ඇත:
ගීතාවලිය 124: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.