යෙරමියා 2
2
ස්වාමින්වහන්සේට පිටුපෑම
1 ස්වාමින්වහන්සේගේ වචනය මෙසේ කියමින්, මා වෙත පැමිණියේ ය: 2“යන්න; යෙරුසලමට ඇසෙන සේ මෙසේ ප්‍රකාශ කරන්න:
“ස්වාමින්වහන්සේ මෙසේ පවසන සේක:
“ ‘යෞවනයේ නුඹේ කැපවීම,
මනාලියක සේ නුඹ මට පෙම් කළ හැටි,
පාළුකරය ඔස්සේ, නො වපුළ දේශය ඔස්සේ
නුඹ මා පසු පස ආ හැටි මට මතක ය.
3ඉශ්‍රායෙල් සිටියේ ස්වාමින්වහන්සේට ශුද්ධ ව ය;
උන්වහන්සේගේ අස්වැන්නේ ප්‍රථම-ඵල ව ය.
ඒවා කා දැමූ සියල්ලෝ වරදකරුවන් වූහ;
ව්‍යසනය ඔවුන් පිටට පැමිණියේ යැ’ යි”
ස්වාමින්වහන්සේ ප්‍රකාශ කරන සේක.
4 ස්වාමින්වහන්සේගේ වචනයට සවන් දෙනු, එම්බා යාකොබ් වංශය,
ඉශ්‍රායෙල් වංශික පෙළපත් සියල්ලෙනි.
5 ස්වාමින්වහන්සේ පවසන්නේ මෙයයි:
“නුඹලාගේ පියවරුන් මා වෙතින් ඒ සා ඈතට මුළාව ගියේත්,
කමකට නැති පිළිම රූප පසු පස ගොස්,
තුමූම කමකට නැති අය බවට පත් වූයේත්,
මා තුළ කවර වරදක් ඔවුන්ට හමු වූ නිසා ද?
6ඔවුහු මෙසේ ඇසුවේ නැත,
‘ඊජිප්තු දේශයෙන් පිටතට අප ගෙන ආ,
නිසරු පාළුකරය ඔස්සේ අපට මග පෙන් වූ,
කාන්තාර හා වළ-කුහර ගහන දේශයක් ඔස්සේ,
නියඟය හා මරණ සෙවණැලි අඳුරින් යුතු දේශයක් ඔස්සේ,
කිසිවකු යන නො එන-කිසිවකු නො වෙසෙන දේශයක් ඔස්සේ, අපට මග පෙන් වූ ස්වාමින්වහන්සේ කොහේ ද?’
7සාරවත් දේශයකට මා නුඹලා ගෙනාවේ,
එහි පල හා සාරවත් භාවය භුක්ති විඳින්නට ය.
එහෙත් නුඹලා එහි ඇතුළු ව, මගේ දේශය දූෂ්‍ය කර,
මගේ උරුමය පිළිකුලක් බවට පත් කළාහු ය.
8‘ස්වාමින්වහන්සේ කොහේ දැ?’ යි
පූජකයින් කීවේ නැත;
ව්‍යවස්ථාව මෙහෙයවන්නන් මා ගැන දැන සිටියේ නැත;
පාලකයෝ#2:8 පාලකයෝ හෙබ්‍රෙව් එඬේරු මට එරෙහිව කැරලි ගැසූහ.
දිවැසිවරු බොල් පිළිම පසු පස දුවමින්,
බාල් දෙවියාගේ නමින් දිවැසි වැකි කීහ.
9“එබැවින් නුඹලාට එරෙහිව, මම යළිත් චෝදනා ගෙනෙන්නෙමි” යි
ස්වාමින්වහන්සේ ප්‍රකාශ කරන සේක.
“නුඹලාගේ දරු-මුනුපුරන්ටත් එරෙහිව ද මම චෝදනා ගෙනෙමි.
10සයිප්‍රස්#2:10 සයිප්‍රස් හෙබ්‍රෙව් කිත්තීම් වෙරළ තීරය තරණය කර බලන්න;
කේදාර් වෙත පණිවුඩ යවා, හොඳින් විමසා බලන්න.
කවදාවත් මෙහෙම දෙයක් වී දැයි සොයා බලන්න:
11ඇත්තෙන් ම ඔවුන් දෙවිවරුන් නො වූවත්
යම් ජාතියක් තම දෙවියන් මාරු කළෝ ද?
එහෙත් මගේ ජනයා තම මහිමයාණන්
බොල් පිළිමවලට මාරු කළෝ ය.
12මේ ගැන තැති ගනු එම්බා ස්වර්ගයෙනි, වෙවුලව්!
මුළුමනින් පාළු වනු” යි
ස්වාමින්වහන්සේ ප්‍රකාශ කරන සේක.
13“මන්ද මගේ ජනයා දුෂ්ටකම් දෙකක් කර ඇත:
ඔවුහු ජීවන දිය උල්පත වන
මා අතහැර,
තමනට ජල රඳන,
කාන්දු වන, දිය රඳවා ගත නො හැකි ජල රඳන කපා ගත්හ.
14ඉශ්‍රායෙල් දාසයෙක් ද? උපතින් ම වහලෙක් ද?
නැත්නම් ඔහු කොල්ලයක් බවට පත් ව ඇත්තේ මන්ද?
15සිංහයෝ ඔහුට එරෙහිව ගෙරවූහ;
තම හඬින් නාද කළහ.
ඔහුගේ දේශය ඔවුහු නාස්ති කළෝ ය.
පදිංචියට කිසිවකු නැතුව ඔහුගේ පුරවර ගරා වැටිණ.
16තවද මෙම්ෆිස්#2:16 මෙම්ෆිස් හෙබ්‍රෙව් නොෆ් හා තාපන්හේස් මිනිස්සු
ඔබගේ හිස් මුඳුන රැහැ දැමූහ.
17මාර්ගයේදී උන්වහන්සේ ඔබට මග පෙන් වූ කල,
ඔබේ දෙවියන්වහන්සේ වන ස්වාමින්වහන්සේ අත්හැර දැමීමෙන්,
මෙය නුඹලා ම නුඹලා පිටට ගෙන්වා ගත්තා නො වේ ද?
18එසේ නම් ඊජිප්තුවට මේ යන්නේ කුමට ද?
නයිල් ගඟේ#2:18 නයිල් ගඟේ එනම් ෂීහොර් වතුර බොන්නට ද?
අසිරියාවට මේ යන්නේ කුමට ද?
යුප්‍රටීස්#2:18 යුප්‍රටීස් එනම් ගංගාවෙන් ගංඟාවෙන් වතුර බොන්නට ද?
19නුඹේ නපුරුකම නුඹට දඬුවම් කරනු ඇත,
නුඹේ පසුබට ව යෑම නුඹට තරවටු කරනු ඇත.
නුඹ, නුඹේ දෙවියන්වහන්සේ වන ස්වාමින්වහන්සේ ප්‍රතික්ෂේප කිරීම හා
මා ගැන ගෞරව-භයක් නුඹ තුළ නො වීම,
කෙතරම් නපුරු වූත්, තිත්ත වූත් දෙයක් දැයි
සිතා බලා-වටහාගන්නැ” යි
සේනාංකවල ස්වාමින්වහන්සේ වන ස්වාමින්වහන්සේ ප්‍රකාශ කරන සේක.
20“බොහෝ ඉහතදී නුඹ, නුඹේ වියගහ බිඳ,
නුඹේ බැමි ඉරා දමා,
‘මම ඔබට සේවය නො කරමි’ යි කීවේ ය.
ඇත්තෙන් ම නුඹ හැම උස් කන්දක් මත ද
අතු පතර ඇති හැම ගහක් යට ද
වෙසඟනක සේ වැතිරුණේ ය.
21මුළුමනින් විශ්වසනීය පැළ තවානෙන්
අනගි මිදි වැලක් වශයෙන් මම නුඹ පැළ කළෙමි.
එසේ නම් නුඹ මා ඉදිරියේ පිරිහුණු,
වල් මිදි වැලක් බවට පත් වූයේ කෙසේ ද?
22අපුල්ලන දියරින් හා බෙහෙවින් සබන් යොදා,
ඔබ හොඳහැටි සෝදා ගත්තත්
ඔබේ අපරාධයෙහි ලප-පැල්ලම් තවමත් මා ඉදිරියෙහි යැ” යි
පරමාධිපති ස්වාමින්වහන්සේ ප්‍රකාශ කරන සේක.
23“ ‘මා දූෂ්‍ය වී නැත;
මා බාල් දෙවිවරුන් පසු පස ගියේ නැතැ’ යි නුඹ කියන්නේ කෙසේ ද?
බලන්න; මිටියාවතේදී නුඹ හැසුරුණු හැටි;
නුඹ කර ඇති දෑ ගැන සිතා බලන්න.
නුඹ අතන-මෙතන දුවන,
දඟලන ඔටු දෙනකි.
24කාන්තාරයට ඇබ්බැහි වූ, රාගයෙන් වෙළී,
හුළඟට ඉව අල්ලන, වල් බූරු දෙනකි.
රාගයෙන් ඇවිස්සුණු කල ඇය දමනය කළ හැක්කේ කවරකුට ද?
පිරිමි සතකුට ඇය සොයා යෑමේ වෙහෙසක් නැත.
පට්ටි ගැසෙන සමයේදී ඇය උන් හමුවෙහි ය.
25වහන් ගෙවී, ඔබේ පාද නග්න වන තුරු
ඔබේ උගුර වියළෙන තුරු නො දුවන්න.
එහෙත්, ‘එය නිෂ්ඵල ය,
මම විදෙස් දෙවියනට ආලය කරමි.
මම ඔවුන් පසු පස්සේ ම යමි’ යි ඔබ කීවේ ය.
26“සොරකු හසු වූ කල, ඔහු ලජ්ජාවට පත් කරනු ලබන්නා සේ,
ඉශ්‍රායෙල් වංශය ද ලජ්ජාවට පත් කෙරේ;
ඔවුන්, ඔවුන්ගේ රජුන්, ඔවුන්ගේ අධිපතීන්,
ඔවුන්ගේ පූජකයින් හා ඔවුන්ගේ දිවැසිවරුන් යන වශයෙනි.
27ඔවුහු ගසක් අමතා, ‘මගේ පියා නුඹ යැ’ යි කියති;
ගලක් අමතා, ‘මට උපත දුන්නේ නුඹ යැ’ යි කියති.
මන්ද ඔවුන් මවෙත පෑවේ, ඔවුන්ගේ පිටුපස ය;
මුහුණු නො වේ.
එහෙත් තමනට කරදර පැමිණි කල,
‘අනේ නැගිටින්න, අප මුදා ගන්නැ’ යි ඔවුහු කියති.
28ඇයි! නුඹලාට නුඹලා ම සාදා ගත්, නුඹලාගේ දෙවිවරුන් කොහේ ද?
නුඹලාට කරදර පැමිණි කල,
නුඹලා මුදා ගන්නට ඔවුනට හැකි නම්, ඔවුන් නැගිටිත්වා!
අහෝ යූදා, නුඹලාට නගර බොහොමයක් තියෙන්නා සේ
දෙවිවරු ද බොහොමයක් සිටිති.
29“නුඹලා මට එරෙහිව චෝදනා කරන්නේ මන්ද?
නුඹලා හැම මට එරෙහිව කැරලි ගසා ඇතැ” යි
ස්වාමින්වහන්සේ ප්‍රකාශ කරන සේක.
30“මා ඔබේ ජනයාට දුන් දඬුවමින් පලක් වූයේ නැත;
හික්මවීම ඔවුන් පිළිගත්තේ නැත.
ඔබේ අසිපත, සාගිනි සිංහයකු මෙන්
ඔබේ දිවැසිවරුන් කා දැමී ය.
31“නුඹලා! එම්බා පරම්පරාව මෙන්න, ස්වාමින්වහන්සේගේ වචනය ගැන සිතා බලනු:
“ඉශ්‍රායෙල්ට මම කාන්තාරයක් වුණෙම් ද?
ඝන අන්ධකාරයේ දේශයක් වුණෙම් ද?
නො එසේ නම්, ‘අපට නිදහස තියේ; තවත් අප ඔබ වෙත එන්නේ නැතැ’ යි
මගේ ජනයා කියන්නේ මන්ද?
32කන්‍යාවියකට ඇගේ අබරණ අමතක වේ ද?
මනාලියකට ඇගේ වස්ත්‍රාභරණ අමතක වේ ද?
එහෙත් මගේ ජනයා ගැණිය නො හැකි දවස් ගණනාවක්
මා අමතක කර දමා ඇත.
33නරක ම ස්ත්‍රීන්ට පවා ඔබේ මාර්ගවලින් ඉගෙන ගත හැකි තරමට
ආලය හඹා යෑමෙහි නුඹලා මොන තරම් සමර්ථ ද!
34නිදොස් දුප්පතුන් නුඹේ ගේ බිඳිනු හසු වූයේ නැතත්,
ඔවුන්ගේ ජීවන-ලේ,
නුඹේ ඇඳුම්වල දැකිය හැකි ය.
ඒ හැම එසේ තිබියදීත්
35ඔබ කියන්නේ, ‘මා නිදොස් ය;
උන්වහන්සේගේ උදහස මවෙතින් පහව ගොසිනි’ කියා ය.
එහෙත්, ‘මම පව් නො කළෙමි’ යි ඔබ කියන නිසා
ඔන්න! මම ඔබ විනිශ්චයට පමුණුවමි.
36යන මාර්ග වෙනස් කරමින්,
නුඹ ඔය හැටි තැන තැන යන්නේ මොකද?
අසිරියාවෙන් නුඹ ලජ්ජාවට පත් වූ සේ
ඊජිප්තුවෙන් ද නුඹ ලජ්ජාවට පත් වනු ඇත.
37නුඹේ හිසේ අත ගසා ගෙන,
නුඹ ඔතැනත් හැර යනු ඇත.
මන්ද ඔබ විශ්වාසය තැබූවන් ස්වාමින්වහන්සේ විසින් ප්‍රතික්ෂේප කර ඇති බැවිනි.
ඔවුන්ගෙන් නුඹට උපකාර නො ලැබේ.
දැනට තෝරාගෙන ඇත:
යෙරමියා 2: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
යෙරමියා 2
2
ස්වාමින්වහන්සේට පිටුපෑම
1 ස්වාමින්වහන්සේගේ වචනය මෙසේ කියමින්, මා වෙත පැමිණියේ ය: 2“යන්න; යෙරුසලමට ඇසෙන සේ මෙසේ ප්‍රකාශ කරන්න:
“ස්වාමින්වහන්සේ මෙසේ පවසන සේක:
“ ‘යෞවනයේ නුඹේ කැපවීම,
මනාලියක සේ නුඹ මට පෙම් කළ හැටි,
පාළුකරය ඔස්සේ, නො වපුළ දේශය ඔස්සේ
නුඹ මා පසු පස ආ හැටි මට මතක ය.
3ඉශ්‍රායෙල් සිටියේ ස්වාමින්වහන්සේට ශුද්ධ ව ය;
උන්වහන්සේගේ අස්වැන්නේ ප්‍රථම-ඵල ව ය.
ඒවා කා දැමූ සියල්ලෝ වරදකරුවන් වූහ;
ව්‍යසනය ඔවුන් පිටට පැමිණියේ යැ’ යි”
ස්වාමින්වහන්සේ ප්‍රකාශ කරන සේක.
4 ස්වාමින්වහන්සේගේ වචනයට සවන් දෙනු, එම්බා යාකොබ් වංශය,
ඉශ්‍රායෙල් වංශික පෙළපත් සියල්ලෙනි.
5 ස්වාමින්වහන්සේ පවසන්නේ මෙයයි:
“නුඹලාගේ පියවරුන් මා වෙතින් ඒ සා ඈතට මුළාව ගියේත්,
කමකට නැති පිළිම රූප පසු පස ගොස්,
තුමූම කමකට නැති අය බවට පත් වූයේත්,
මා තුළ කවර වරදක් ඔවුන්ට හමු වූ නිසා ද?
6ඔවුහු මෙසේ ඇසුවේ නැත,
‘ඊජිප්තු දේශයෙන් පිටතට අප ගෙන ආ,
නිසරු පාළුකරය ඔස්සේ අපට මග පෙන් වූ,
කාන්තාර හා වළ-කුහර ගහන දේශයක් ඔස්සේ,
නියඟය හා මරණ සෙවණැලි අඳුරින් යුතු දේශයක් ඔස්සේ,
කිසිවකු යන නො එන-කිසිවකු නො වෙසෙන දේශයක් ඔස්සේ, අපට මග පෙන් වූ ස්වාමින්වහන්සේ කොහේ ද?’
7සාරවත් දේශයකට මා නුඹලා ගෙනාවේ,
එහි පල හා සාරවත් භාවය භුක්ති විඳින්නට ය.
එහෙත් නුඹලා එහි ඇතුළු ව, මගේ දේශය දූෂ්‍ය කර,
මගේ උරුමය පිළිකුලක් බවට පත් කළාහු ය.
8‘ස්වාමින්වහන්සේ කොහේ දැ?’ යි
පූජකයින් කීවේ නැත;
ව්‍යවස්ථාව මෙහෙයවන්නන් මා ගැන දැන සිටියේ නැත;
පාලකයෝ#2:8 පාලකයෝ හෙබ්‍රෙව් එඬේරු මට එරෙහිව කැරලි ගැසූහ.
දිවැසිවරු බොල් පිළිම පසු පස දුවමින්,
බාල් දෙවියාගේ නමින් දිවැසි වැකි කීහ.
9“එබැවින් නුඹලාට එරෙහිව, මම යළිත් චෝදනා ගෙනෙන්නෙමි” යි
ස්වාමින්වහන්සේ ප්‍රකාශ කරන සේක.
“නුඹලාගේ දරු-මුනුපුරන්ටත් එරෙහිව ද මම චෝදනා ගෙනෙමි.
10සයිප්‍රස්#2:10 සයිප්‍රස් හෙබ්‍රෙව් කිත්තීම් වෙරළ තීරය තරණය කර බලන්න;
කේදාර් වෙත පණිවුඩ යවා, හොඳින් විමසා බලන්න.
කවදාවත් මෙහෙම දෙයක් වී දැයි සොයා බලන්න:
11ඇත්තෙන් ම ඔවුන් දෙවිවරුන් නො වූවත්
යම් ජාතියක් තම දෙවියන් මාරු කළෝ ද?
එහෙත් මගේ ජනයා තම මහිමයාණන්
බොල් පිළිමවලට මාරු කළෝ ය.
12මේ ගැන තැති ගනු එම්බා ස්වර්ගයෙනි, වෙවුලව්!
මුළුමනින් පාළු වනු” යි
ස්වාමින්වහන්සේ ප්‍රකාශ කරන සේක.
13“මන්ද මගේ ජනයා දුෂ්ටකම් දෙකක් කර ඇත:
ඔවුහු ජීවන දිය උල්පත වන
මා අතහැර,
තමනට ජල රඳන,
කාන්දු වන, දිය රඳවා ගත නො හැකි ජල රඳන කපා ගත්හ.
14ඉශ්‍රායෙල් දාසයෙක් ද? උපතින් ම වහලෙක් ද?
නැත්නම් ඔහු කොල්ලයක් බවට පත් ව ඇත්තේ මන්ද?
15සිංහයෝ ඔහුට එරෙහිව ගෙරවූහ;
තම හඬින් නාද කළහ.
ඔහුගේ දේශය ඔවුහු නාස්ති කළෝ ය.
පදිංචියට කිසිවකු නැතුව ඔහුගේ පුරවර ගරා වැටිණ.
16තවද මෙම්ෆිස්#2:16 මෙම්ෆිස් හෙබ්‍රෙව් නොෆ් හා තාපන්හේස් මිනිස්සු
ඔබගේ හිස් මුඳුන රැහැ දැමූහ.
17මාර්ගයේදී උන්වහන්සේ ඔබට මග පෙන් වූ කල,
ඔබේ දෙවියන්වහන්සේ වන ස්වාමින්වහන්සේ අත්හැර දැමීමෙන්,
මෙය නුඹලා ම නුඹලා පිටට ගෙන්වා ගත්තා නො වේ ද?
18එසේ නම් ඊජිප්තුවට මේ යන්නේ කුමට ද?
නයිල් ගඟේ#2:18 නයිල් ගඟේ එනම් ෂීහොර් වතුර බොන්නට ද?
අසිරියාවට මේ යන්නේ කුමට ද?
යුප්‍රටීස්#2:18 යුප්‍රටීස් එනම් ගංගාවෙන් ගංඟාවෙන් වතුර බොන්නට ද?
19නුඹේ නපුරුකම නුඹට දඬුවම් කරනු ඇත,
නුඹේ පසුබට ව යෑම නුඹට තරවටු කරනු ඇත.
නුඹ, නුඹේ දෙවියන්වහන්සේ වන ස්වාමින්වහන්සේ ප්‍රතික්ෂේප කිරීම හා
මා ගැන ගෞරව-භයක් නුඹ තුළ නො වීම,
කෙතරම් නපුරු වූත්, තිත්ත වූත් දෙයක් දැයි
සිතා බලා-වටහාගන්නැ” යි
සේනාංකවල ස්වාමින්වහන්සේ වන ස්වාමින්වහන්සේ ප්‍රකාශ කරන සේක.
20“බොහෝ ඉහතදී නුඹ, නුඹේ වියගහ බිඳ,
නුඹේ බැමි ඉරා දමා,
‘මම ඔබට සේවය නො කරමි’ යි කීවේ ය.
ඇත්තෙන් ම නුඹ හැම උස් කන්දක් මත ද
අතු පතර ඇති හැම ගහක් යට ද
වෙසඟනක සේ වැතිරුණේ ය.
21මුළුමනින් විශ්වසනීය පැළ තවානෙන්
අනගි මිදි වැලක් වශයෙන් මම නුඹ පැළ කළෙමි.
එසේ නම් නුඹ මා ඉදිරියේ පිරිහුණු,
වල් මිදි වැලක් බවට පත් වූයේ කෙසේ ද?
22අපුල්ලන දියරින් හා බෙහෙවින් සබන් යොදා,
ඔබ හොඳහැටි සෝදා ගත්තත්
ඔබේ අපරාධයෙහි ලප-පැල්ලම් තවමත් මා ඉදිරියෙහි යැ” යි
පරමාධිපති ස්වාමින්වහන්සේ ප්‍රකාශ කරන සේක.
23“ ‘මා දූෂ්‍ය වී නැත;
මා බාල් දෙවිවරුන් පසු පස ගියේ නැතැ’ යි නුඹ කියන්නේ කෙසේ ද?
බලන්න; මිටියාවතේදී නුඹ හැසුරුණු හැටි;
නුඹ කර ඇති දෑ ගැන සිතා බලන්න.
නුඹ අතන-මෙතන දුවන,
දඟලන ඔටු දෙනකි.
24කාන්තාරයට ඇබ්බැහි වූ, රාගයෙන් වෙළී,
හුළඟට ඉව අල්ලන, වල් බූරු දෙනකි.
රාගයෙන් ඇවිස්සුණු කල ඇය දමනය කළ හැක්කේ කවරකුට ද?
පිරිමි සතකුට ඇය සොයා යෑමේ වෙහෙසක් නැත.
පට්ටි ගැසෙන සමයේදී ඇය උන් හමුවෙහි ය.
25වහන් ගෙවී, ඔබේ පාද නග්න වන තුරු
ඔබේ උගුර වියළෙන තුරු නො දුවන්න.
එහෙත්, ‘එය නිෂ්ඵල ය,
මම විදෙස් දෙවියනට ආලය කරමි.
මම ඔවුන් පසු පස්සේ ම යමි’ යි ඔබ කීවේ ය.
26“සොරකු හසු වූ කල, ඔහු ලජ්ජාවට පත් කරනු ලබන්නා සේ,
ඉශ්‍රායෙල් වංශය ද ලජ්ජාවට පත් කෙරේ;
ඔවුන්, ඔවුන්ගේ රජුන්, ඔවුන්ගේ අධිපතීන්,
ඔවුන්ගේ පූජකයින් හා ඔවුන්ගේ දිවැසිවරුන් යන වශයෙනි.
27ඔවුහු ගසක් අමතා, ‘මගේ පියා නුඹ යැ’ යි කියති;
ගලක් අමතා, ‘මට උපත දුන්නේ නුඹ යැ’ යි කියති.
මන්ද ඔවුන් මවෙත පෑවේ, ඔවුන්ගේ පිටුපස ය;
මුහුණු නො වේ.
එහෙත් තමනට කරදර පැමිණි කල,
‘අනේ නැගිටින්න, අප මුදා ගන්නැ’ යි ඔවුහු කියති.
28ඇයි! නුඹලාට නුඹලා ම සාදා ගත්, නුඹලාගේ දෙවිවරුන් කොහේ ද?
නුඹලාට කරදර පැමිණි කල,
නුඹලා මුදා ගන්නට ඔවුනට හැකි නම්, ඔවුන් නැගිටිත්වා!
අහෝ යූදා, නුඹලාට නගර බොහොමයක් තියෙන්නා සේ
දෙවිවරු ද බොහොමයක් සිටිති.
29“නුඹලා මට එරෙහිව චෝදනා කරන්නේ මන්ද?
නුඹලා හැම මට එරෙහිව කැරලි ගසා ඇතැ” යි
ස්වාමින්වහන්සේ ප්‍රකාශ කරන සේක.
30“මා ඔබේ ජනයාට දුන් දඬුවමින් පලක් වූයේ නැත;
හික්මවීම ඔවුන් පිළිගත්තේ නැත.
ඔබේ අසිපත, සාගිනි සිංහයකු මෙන්
ඔබේ දිවැසිවරුන් කා දැමී ය.
31“නුඹලා! එම්බා පරම්පරාව මෙන්න, ස්වාමින්වහන්සේගේ වචනය ගැන සිතා බලනු:
“ඉශ්‍රායෙල්ට මම කාන්තාරයක් වුණෙම් ද?
ඝන අන්ධකාරයේ දේශයක් වුණෙම් ද?
නො එසේ නම්, ‘අපට නිදහස තියේ; තවත් අප ඔබ වෙත එන්නේ නැතැ’ යි
මගේ ජනයා කියන්නේ මන්ද?
32කන්‍යාවියකට ඇගේ අබරණ අමතක වේ ද?
මනාලියකට ඇගේ වස්ත්‍රාභරණ අමතක වේ ද?
එහෙත් මගේ ජනයා ගැණිය නො හැකි දවස් ගණනාවක්
මා අමතක කර දමා ඇත.
33නරක ම ස්ත්‍රීන්ට පවා ඔබේ මාර්ගවලින් ඉගෙන ගත හැකි තරමට
ආලය හඹා යෑමෙහි නුඹලා මොන තරම් සමර්ථ ද!
34නිදොස් දුප්පතුන් නුඹේ ගේ බිඳිනු හසු වූයේ නැතත්,
ඔවුන්ගේ ජීවන-ලේ,
නුඹේ ඇඳුම්වල දැකිය හැකි ය.
ඒ හැම එසේ තිබියදීත්
35ඔබ කියන්නේ, ‘මා නිදොස් ය;
උන්වහන්සේගේ උදහස මවෙතින් පහව ගොසිනි’ කියා ය.
එහෙත්, ‘මම පව් නො කළෙමි’ යි ඔබ කියන නිසා
ඔන්න! මම ඔබ විනිශ්චයට පමුණුවමි.
36යන මාර්ග වෙනස් කරමින්,
නුඹ ඔය හැටි තැන තැන යන්නේ මොකද?
අසිරියාවෙන් නුඹ ලජ්ජාවට පත් වූ සේ
ඊජිප්තුවෙන් ද නුඹ ලජ්ජාවට පත් වනු ඇත.
37නුඹේ හිසේ අත ගසා ගෙන,
නුඹ ඔතැනත් හැර යනු ඇත.
මන්ද ඔබ විශ්වාසය තැබූවන් ස්වාමින්වහන්සේ විසින් ප්‍රතික්ෂේප කර ඇති බැවිනි.
ඔවුන්ගෙන් නුඹට උපකාර නො ලැබේ.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.