එසකියෙල් 28
28
තීර්හි රජුට එරෙහිව
1 ස්වාමින්වහන්සේගේ වචනය මා වෙත පැමිණ කියනුයේ: 2“මනුෂ්‍ය පුත්‍රය, තීර්හි පාලකයාට මෙසේ කියන්න. ‘පරමාධිපති ස්වාමින්වහන්සේ මෙසේ කියන සේක:
“ ‘නුඹේ හදේ උඩඟුවෙන්,
නුඹ මෙසේ කියා ඇත: “මම දෙවියෙක්මි;
මහ මුහුද මැද
මම දෙවියකුගේ සිහසුනෙහි හිඳගනිමි” යනුවෙනි.
එහෙත් දෙවියකු සේ නුඹ ප්‍රඥාවත් යයි නුඹ සිතුවත්,
නුඹ මිනිසකු මිස දෙවියකු නො වේ.
3නුඹ දානියෙල්ට වඩා ප්‍රඥාවත් ද?
කිසි රහසක් නුඹෙන් සැඟවී නැති ද?
4නුඹේ ප්‍රඥාවෙන් හා දැනුමෙන්
නුඹ ධනය අත්කර ගෙන ඇත.
නුඹේ භාණ්ඩාගාරවල
රන් ද රිදී ද ගොඩ ගසා ඇත.
5වෙළඳාම ගැන වූ නුඹේ මහා නිපුණත්වයෙන්
නුඹේ ධනය වැඩිකරගත් නුඹ,
ඒ ධනය නිසා ම
නුඹේ හද උඩඟුවෙන් පුරවා ගත්තේ ය.
6“ ‘එබැවින්, පරමාධිපති ස්වාමින්වහන්සේ මෙසේ කියන සේක:
“ ‘නුඹ ප්‍රඥාවත් යැයි, දෙවියකු සේ
ප්‍රඥාවත් යැයි නුඹ සිතන බැවින්,
7මෙන්න! මම නුඹට එරෙහිව
වඩාත් ම කෘෘරතර ජාතීන් වන විදෙස්සන් ගෙනෙන්නෙමි.
ඔවුන් නුඹේ අලංකාරයට හා ප්‍රඥාවට එරෙහිව තම අසිපත් ඇද,
බැබළෙන නුඹේ ශෝභාලංකාරය දූෂ්‍ය කරනු ඇත.
8ඔවුන් නරාවළට ම නුඹ බස්සවනු ඇත.
නුඹ මහ මුහුද මැදදී
සැහැසි මරණයකට පත් ව ඇත.
9එසේ වේ නම්, ඔබේ මිනී මරුවන් ඉදිරියේදීත්,
“මම දෙවියෙක්මි” යි නුඹ කියා ගන්නවා ද?
නුඹ, නුඹේ ඝාතකයින්ගේ අතට අසු වූ
හුදු මිනිසකු විනා, දෙවියකු නො වේ.
10විදේශිකයන්ගේ අත්වලට හසුව,
නුඹ චර්ම-අඡේදිතයකුගේ මරණයට පාත්‍ර වනු ඇත.
මන්ද මම එසේ පැවසීමියි පරමාධිපති ස්වාමින්වහන්සේ පවසන සේක.’ ”
11 ස්වාමින්වහන්සේගේ වචනය මා වෙත පැමිණ කියනුයේ, 12“මනුෂ්‍ය පුත්‍රය, තීර්හි රජු ගැන විලාප ගීයක් නගමින්, ඔහුට මෙසේ පවසන්න: ‘පරමාධිපති ස්වාමින්වහන්සේ මෙසේ පවසන සේක:
“ ‘ප්‍රඥාවෙන් පූර්ණ ව, අලංකාරයෙන් පරිපූර්ණ වූ
නුඹ සම්පූර්ණත්වයේ මුද්‍රාව වූයේ ය.
13නුඹ දෙවියන්වහන්සේගේ උද්‍යානය වූ
ඒදන්හි සිටියේ ය.
සියලු ආකාර අගනා මැණික්වලින් ඔබ සැරසී සිටියේ ය:
ලෝහිතංක, පුෂ්පරාග, මරකත,
රන්කාන්ති, ගෝමේද, සූර්යකාන්ති,
ඉඳුනිල්, නීලමාණික්‍ය හා වෛදූර්ය ය.
ඔබේ#28:13 ඔබේ හෝ නුඹේ රබන් හා බටනළා විය හැක. මැණික් රඳවන හා බඳන රත්තරනින් සැදුම් ලදී.
ඒවා පිළියෙල කරන ලද්දේ නුඹ මවනු ලැබූ දවසේ ය.
14නුඹ භාරකාර කෙරුබයකු ලෙස අභිෂේක ලද්දෙහි ය.
මම එලෙසින් නුඹ පත් කළෙමි.
නුඹ සිටියේ දෙවියන්වහන්සේගේ ශුද්ධ කන්ද මත ය.
නුඹ ගිනි ඇවිළෙන ගල් මධ්‍යයෙහි ඇවිද්දේ ය.
15දුෂ්ටකම නුඹ තුළෙහි හමුවන තෙක්,
නුඹ මවනු ලැබූ දවසේ පටන්
නුඹේ මාර්ගවල නුඹ නිර්දෝෂී ව සිටියේ ය.
16පුළුල් ව පැතිරුණු ඔබේ වෙළඳාම තුළින්
සැහැසිකමින් නුඹ පිරිණි.
එසේ නුඹ පව් කළේ ය.
එබැවින් මම දෙවියන්වහන්සේගේ කන්දෙන් පිළිකුලක් සේ නුඹ පන්නා දැමීමි.
එම්බා භාරකාර කෙරුබ්,
ගිනි ඇවිළෙන ගල් මධ්‍යයෙන් මම නුඹ පිට මං කළෙමි.
17නුඹේ ශෝභා අලංකාරය නිසා
නුඹේ හද අහංකාර විණ.
නුඹේ ශෝභාලංකාරය නිසා
නුඹේ ප්‍රඥාව නුඹ දූෂ්‍ය කර ගත්තේ ය.
එබැවින්, මම මහ පොළොවට නුඹ හෙළා දැමීමි.
රජුන් ඉදිරියෙහි නුඹ ප්‍රදර්ශන කරවීමි.
18නුඹේ පාප රාශියත්, වංක වෙළඳාමත් මගින්
නුඹ, නුඹේ ශුද්ධස්ථාන කෙලෙසා දැමී ය.
එබැවින් මම නුඹ තුළින් ම ගින්නක් හට ගැන්වූයෙමි.
එයින් නුඹ දැවී ගියේ ය.
බලා සිටි සියල්ලන් ඉදිරියෙහි
මම මේ පොළොව මත නුඹ අළු බවට පත් කළෙමි.
19නුඹ ගැන දන්නා-හඳුනන සියලු ජාතීහු
නුඹ ගැන තැති ගනිති.
නුඹ භයංකර අවසානයකට පැමිණ ඇත.
මින්මනත නුඹ සිටින්නේ නැත.’ ”
සීදොනයට එරෙහිව
20 ස්වාමින්වහන්සේගේ වචනය මා වෙත පැමිණ කියනුයේ, 21“මනුෂ්‍ය පුත්‍රය, සීදොන්ට එරෙහිව ඔබේ මුහුණ යොමු කොට, ඇයට එරෙහිව දිවැසි වැකි පවසමින්, 22මෙසේ කියන්න: ‘පරමාධිපති ස්වාමින්වහන්සේ මෙසේ පවසන සේක:
“ ‘එම්බා සීදොන්, මම නුඹට එරෙහිව සිටිමි.
නුඹ මධ්‍යයෙහි ගෞරව මහිම අත්කර ගනිමි.
දඬුවම ඇය පිට පතිත කළ කල්හි ද
ඇය මධ්‍යයෙහි මා ශුද්ධ වග පෙන් වූ කල්හි ද
ස්වාමින්වහන්සේ මා වග ඔවුන් දැනගන්නවා ඇත.
23මම වසංගතයක් ඇය පිටට එවන්නෙමි.
ඇගේ වීදිවල ලේ ගලා යවන්නෙමි.
ඇයට එරෙහිව හැම අතකින් ම නැගෙන කඩුවෙන් ඝාතනයට ලක්වන්නෝ,
ඇය තුළෙහි ම වැටී යන්නෝ ය.
එවිට, ස්වාමින්වහන්සේ මා වග ඔවුන් දැනගන්නවා ඇත.
24“ ‘ඉශ්‍රායෙල් ජනතාව රිදවන ගොකටු හෝ තියුණු කටු බඳු කුඩුකේඩු අසල්වාසීන් තවත් නො වනු ඇත. එවිට, පරමාධිපති ස්වාමින්වහන්සේ මා වග ඔවුන් දැනගනු ඇත.
25“ ‘පරමාධිපති ස්වාමින්වහන්සේ මෙසේ පවසන සේක: ඉශ්‍රායෙල් ජනතාව විසුරුවනු ලැබ සිටි ජාතීන් වෙතින් මා ඔවුන් කැඳවාගන්නා කල, ඔවුන් අතරෙහි මගේ ශුද්ධත්වය සෙසු ජාතීන් හමුවේ පෙන්නුම් කරන්නෙමි. මගේ සේවක යාකොබ්ට මා දී තිබූ දේශය වන ඔවුන්ගේ ම දේශයෙහි එවිට ඔවුන් වාසය කරනු ඇත. 26ඔවුන් සුරැකි ව එහි වෙසෙමින්, ගෙවල් ගොඩ නගා, මිදි වතු වවනු ඇත. ඔවුන්ට අවමන් කළ ඔවුන්ගේ සියලු සතුරන් පිට මා දඬුවම් පමුණු වන කල, ඔවුන් සුරැකි ව වෙසෙනු ඇත. එවිට ඔවුන්ගේ දෙවියන්වහන්සේ වන ස්වාමින්වහන්සේ මා වග ඔවුන් දැනගන්නවා ඇත.’ ”
දැනට තෝරාගෙන ඇත:
එසකියෙල් 28: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
එසකියෙල් 28
28
තීර්හි රජුට එරෙහිව
1 ස්වාමින්වහන්සේගේ වචනය මා වෙත පැමිණ කියනුයේ: 2“මනුෂ්‍ය පුත්‍රය, තීර්හි පාලකයාට මෙසේ කියන්න. ‘පරමාධිපති ස්වාමින්වහන්සේ මෙසේ කියන සේක:
“ ‘නුඹේ හදේ උඩඟුවෙන්,
නුඹ මෙසේ කියා ඇත: “මම දෙවියෙක්මි;
මහ මුහුද මැද
මම දෙවියකුගේ සිහසුනෙහි හිඳගනිමි” යනුවෙනි.
එහෙත් දෙවියකු සේ නුඹ ප්‍රඥාවත් යයි නුඹ සිතුවත්,
නුඹ මිනිසකු මිස දෙවියකු නො වේ.
3නුඹ දානියෙල්ට වඩා ප්‍රඥාවත් ද?
කිසි රහසක් නුඹෙන් සැඟවී නැති ද?
4නුඹේ ප්‍රඥාවෙන් හා දැනුමෙන්
නුඹ ධනය අත්කර ගෙන ඇත.
නුඹේ භාණ්ඩාගාරවල
රන් ද රිදී ද ගොඩ ගසා ඇත.
5වෙළඳාම ගැන වූ නුඹේ මහා නිපුණත්වයෙන්
නුඹේ ධනය වැඩිකරගත් නුඹ,
ඒ ධනය නිසා ම
නුඹේ හද උඩඟුවෙන් පුරවා ගත්තේ ය.
6“ ‘එබැවින්, පරමාධිපති ස්වාමින්වහන්සේ මෙසේ කියන සේක:
“ ‘නුඹ ප්‍රඥාවත් යැයි, දෙවියකු සේ
ප්‍රඥාවත් යැයි නුඹ සිතන බැවින්,
7මෙන්න! මම නුඹට එරෙහිව
වඩාත් ම කෘෘරතර ජාතීන් වන විදෙස්සන් ගෙනෙන්නෙමි.
ඔවුන් නුඹේ අලංකාරයට හා ප්‍රඥාවට එරෙහිව තම අසිපත් ඇද,
බැබළෙන නුඹේ ශෝභාලංකාරය දූෂ්‍ය කරනු ඇත.
8ඔවුන් නරාවළට ම නුඹ බස්සවනු ඇත.
නුඹ මහ මුහුද මැදදී
සැහැසි මරණයකට පත් ව ඇත.
9එසේ වේ නම්, ඔබේ මිනී මරුවන් ඉදිරියේදීත්,
“මම දෙවියෙක්මි” යි නුඹ කියා ගන්නවා ද?
නුඹ, නුඹේ ඝාතකයින්ගේ අතට අසු වූ
හුදු මිනිසකු විනා, දෙවියකු නො වේ.
10විදේශිකයන්ගේ අත්වලට හසුව,
නුඹ චර්ම-අඡේදිතයකුගේ මරණයට පාත්‍ර වනු ඇත.
මන්ද මම එසේ පැවසීමියි පරමාධිපති ස්වාමින්වහන්සේ පවසන සේක.’ ”
11 ස්වාමින්වහන්සේගේ වචනය මා වෙත පැමිණ කියනුයේ, 12“මනුෂ්‍ය පුත්‍රය, තීර්හි රජු ගැන විලාප ගීයක් නගමින්, ඔහුට මෙසේ පවසන්න: ‘පරමාධිපති ස්වාමින්වහන්සේ මෙසේ පවසන සේක:
“ ‘ප්‍රඥාවෙන් පූර්ණ ව, අලංකාරයෙන් පරිපූර්ණ වූ
නුඹ සම්පූර්ණත්වයේ මුද්‍රාව වූයේ ය.
13නුඹ දෙවියන්වහන්සේගේ උද්‍යානය වූ
ඒදන්හි සිටියේ ය.
සියලු ආකාර අගනා මැණික්වලින් ඔබ සැරසී සිටියේ ය:
ලෝහිතංක, පුෂ්පරාග, මරකත,
රන්කාන්ති, ගෝමේද, සූර්යකාන්ති,
ඉඳුනිල්, නීලමාණික්‍ය හා වෛදූර්ය ය.
ඔබේ#28:13 ඔබේ හෝ නුඹේ රබන් හා බටනළා විය හැක. මැණික් රඳවන හා බඳන රත්තරනින් සැදුම් ලදී.
ඒවා පිළියෙල කරන ලද්දේ නුඹ මවනු ලැබූ දවසේ ය.
14නුඹ භාරකාර කෙරුබයකු ලෙස අභිෂේක ලද්දෙහි ය.
මම එලෙසින් නුඹ පත් කළෙමි.
නුඹ සිටියේ දෙවියන්වහන්සේගේ ශුද්ධ කන්ද මත ය.
නුඹ ගිනි ඇවිළෙන ගල් මධ්‍යයෙහි ඇවිද්දේ ය.
15දුෂ්ටකම නුඹ තුළෙහි හමුවන තෙක්,
නුඹ මවනු ලැබූ දවසේ පටන්
නුඹේ මාර්ගවල නුඹ නිර්දෝෂී ව සිටියේ ය.
16පුළුල් ව පැතිරුණු ඔබේ වෙළඳාම තුළින්
සැහැසිකමින් නුඹ පිරිණි.
එසේ නුඹ පව් කළේ ය.
එබැවින් මම දෙවියන්වහන්සේගේ කන්දෙන් පිළිකුලක් සේ නුඹ පන්නා දැමීමි.
එම්බා භාරකාර කෙරුබ්,
ගිනි ඇවිළෙන ගල් මධ්‍යයෙන් මම නුඹ පිට මං කළෙමි.
17නුඹේ ශෝභා අලංකාරය නිසා
නුඹේ හද අහංකාර විණ.
නුඹේ ශෝභාලංකාරය නිසා
නුඹේ ප්‍රඥාව නුඹ දූෂ්‍ය කර ගත්තේ ය.
එබැවින්, මම මහ පොළොවට නුඹ හෙළා දැමීමි.
රජුන් ඉදිරියෙහි නුඹ ප්‍රදර්ශන කරවීමි.
18නුඹේ පාප රාශියත්, වංක වෙළඳාමත් මගින්
නුඹ, නුඹේ ශුද්ධස්ථාන කෙලෙසා දැමී ය.
එබැවින් මම නුඹ තුළින් ම ගින්නක් හට ගැන්වූයෙමි.
එයින් නුඹ දැවී ගියේ ය.
බලා සිටි සියල්ලන් ඉදිරියෙහි
මම මේ පොළොව මත නුඹ අළු බවට පත් කළෙමි.
19නුඹ ගැන දන්නා-හඳුනන සියලු ජාතීහු
නුඹ ගැන තැති ගනිති.
නුඹ භයංකර අවසානයකට පැමිණ ඇත.
මින්මනත නුඹ සිටින්නේ නැත.’ ”
සීදොනයට එරෙහිව
20 ස්වාමින්වහන්සේගේ වචනය මා වෙත පැමිණ කියනුයේ, 21“මනුෂ්‍ය පුත්‍රය, සීදොන්ට එරෙහිව ඔබේ මුහුණ යොමු කොට, ඇයට එරෙහිව දිවැසි වැකි පවසමින්, 22මෙසේ කියන්න: ‘පරමාධිපති ස්වාමින්වහන්සේ මෙසේ පවසන සේක:
“ ‘එම්බා සීදොන්, මම නුඹට එරෙහිව සිටිමි.
නුඹ මධ්‍යයෙහි ගෞරව මහිම අත්කර ගනිමි.
දඬුවම ඇය පිට පතිත කළ කල්හි ද
ඇය මධ්‍යයෙහි මා ශුද්ධ වග පෙන් වූ කල්හි ද
ස්වාමින්වහන්සේ මා වග ඔවුන් දැනගන්නවා ඇත.
23මම වසංගතයක් ඇය පිටට එවන්නෙමි.
ඇගේ වීදිවල ලේ ගලා යවන්නෙමි.
ඇයට එරෙහිව හැම අතකින් ම නැගෙන කඩුවෙන් ඝාතනයට ලක්වන්නෝ,
ඇය තුළෙහි ම වැටී යන්නෝ ය.
එවිට, ස්වාමින්වහන්සේ මා වග ඔවුන් දැනගන්නවා ඇත.
24“ ‘ඉශ්‍රායෙල් ජනතාව රිදවන ගොකටු හෝ තියුණු කටු බඳු කුඩුකේඩු අසල්වාසීන් තවත් නො වනු ඇත. එවිට, පරමාධිපති ස්වාමින්වහන්සේ මා වග ඔවුන් දැනගනු ඇත.
25“ ‘පරමාධිපති ස්වාමින්වහන්සේ මෙසේ පවසන සේක: ඉශ්‍රායෙල් ජනතාව විසුරුවනු ලැබ සිටි ජාතීන් වෙතින් මා ඔවුන් කැඳවාගන්නා කල, ඔවුන් අතරෙහි මගේ ශුද්ධත්වය සෙසු ජාතීන් හමුවේ පෙන්නුම් කරන්නෙමි. මගේ සේවක යාකොබ්ට මා දී තිබූ දේශය වන ඔවුන්ගේ ම දේශයෙහි එවිට ඔවුන් වාසය කරනු ඇත. 26ඔවුන් සුරැකි ව එහි වෙසෙමින්, ගෙවල් ගොඩ නගා, මිදි වතු වවනු ඇත. ඔවුන්ට අවමන් කළ ඔවුන්ගේ සියලු සතුරන් පිට මා දඬුවම් පමුණු වන කල, ඔවුන් සුරැකි ව වෙසෙනු ඇත. එවිට ඔවුන්ගේ දෙවියන්වහන්සේ වන ස්වාමින්වහන්සේ මා වග ඔවුන් දැනගන්නවා ඇත.’ ”
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.