එස්තර් 9
9
1රජුගේ නියෝගය හා ආඥාව ක්‍රියාත්මක කිරීමට නියමිත දොළොස් වන මාසයේ, අදාර් මාසයේ දහතුන් වන දිනය, එදින යුදෙව්වරුන් මැඬලීමට ඔවුන්ගේ සතුරන් බලාපොරොත්තු වූ දවස වුව ද, තත්වය අනෙක් අතට පෙරැළිණ; යුදෙව්වරු එය, තමන්ට වෛරකළවුන් මැඬලීමේ දවසකට හරවා ගත්හ. 2අහෂ්වේරොෂ් රජුගේ හැම ප්‍රාන්තයක ම යුදෙව්වරු, තමන් විනාශ කරන්නට සෙවූවන්ට පහර දෙන පිණිස, තම පුරවරයන්හි එක් රැස් වූහ. අන් හැම ජාතියකට ම අයත් ජනයා පිට යුදෙව්වරුන් කෙරේ වූ භයක් පතිත වූ බැවින් යුදෙව්වරුන්ට එරෙහිව නැගිටින්නට සමත් කිසිවකු හෝ නො වී ය. 3සියලු රජුගේ ප්‍රාදේශීය ආණ්ඩුකාරවරු ද විවිධ ප්‍රාන්ත-පාලකයෝ ද විවිධ ජන කොටස් හි අධිපතීහු ද මොර්දෙකයි කෙරේ වූ බියෙන් ඇලළී ගියාහු, යුදෙව්වරුන්ට ම උදවු උපකාර කළහ. 4මොර්දෙකයි, රජ මැදුරෙහි බලවතා විය. ඔහුගේ කීර්තිය ද ප්‍රාන්ත මුළුල්ලෙහි පැතිර ගියේ ය. මෙසේ මොර්දෙකයි වඩ වඩා බලවත් විය.
5යුදෙව්වරු ඔවුන්ගේ සියලු සතුරන් මරා දමමින්, වනසාලමින්, ඔවුන් කඩුවෙන් ගසා හෙළූහ. ඔවුහු, තමන්ට වෛර කළවුනට තමන් රිසි පරිද්දෙන් කළහ. 6යුදෙව්වරු ෂූෂන් බළකොටුවේ මිනිසුන් පන්සිය දෙනෙක් මරා දැමූහ. 7තවද ඔවුහු පර්ෂන්දාතා, දල්ෆෝන්, අස්පාතා, 8පෝරාතා, අදලියා, අරීදාතා, 9පර්මෂ්තා, අරීසයි, අරිදයි හා වයිසාතා 10යන දස දෙනා මරා දැමූහ. යුදෙව්වරුන්ගේ හතුරා වූ හම්මෙදාතාගේ පුත් හාමාන්ගේ පුතුන් දස දෙනා ඔවුහු ය. එහෙත් යුදෙව්වරුන් වස්තුව කොල්ලකෑමට අත පෙව්වේ නැත.
11ෂූෂන් බළකොටුවේ මරා දමනු ලැබූවන්ගේ ගණන ඒ දවසේ ම රජුට වාර්තා කරන ලදී. 12රජු එස්තර් බිසවට කතා කොට, “යුදෙව්වරුන් ෂූෂන් බළකොටුවේ පමණක් මිනිසුන් පන්සිය දෙනෙක් හා හාමාන්ගේ පුතුන් දස දෙනා මරා විනාශ කර දමා ඇත. රජුගේ සෙසු ප්‍රාන්තවල ඔවුන් මොනවා නො කරන්නට ඇද්ද? හොඳයි දැන්, මොකක් ද ඔබේ අයැදුම? ඔබට එය ඉටු කර දෙනු ලැබේ; මොකක් ද ඔබේ ඉල්ලීම? එය ද අනුමත කෙරේ” යි කීවේ ය.
13එස්තර් පිළිතුරු දෙමින්, “රජ්ජුරුවන් කැමති නම්, අද දවසේ රාජාඥාව හෙට දවසේත් ක්‍රියාත්මක කරන්නට ෂූෂන්හි යුදෙව්වරුන්ට අවසර දෙනු මැනවි. තවද හාමාන්ගේ පුතුන් දස දෙනාගේ සිරුරු එල්ලුම් ගස්වල එල්ලා තබනු ලැබේවා” යි කීවා ය.
14එබැවින්, එසේ කරන ලෙස රජු නියෝග කළේ ය. ෂූෂන්හි ආඥාවක් නිකුත් කරන ලදී. හාමාන්ගේ පුතුන් දස දෙනාගේ සිරුරු ද එල්ලා තබන ලදී. 15ෂූෂන්හි යුදෙව්වරු රංචු ගැසී, අදාර් මස දාහතර වන දින ෂූෂන්හි තුන්සිය දෙනෙක් මරා දැමූහ. එහෙත් ඔවුන් කොල්ලකෑමට අත පෙව්වේ නැත.
16මේ අතර රජුගේ ප්‍රාන්තවල සෙසු යුදෙව්වරු ද තමන්ගේ ආරක්ෂාව සඳහා එක් රොක් වී ඔවුන්ගේ සතුරන්ගෙන් නිදහස් වූහ. ඔවුහු සතුරන් හැත්තෑපන්දහස් දෙනෙක් මරා දැමූහ; එහෙත් කොල්ලයට අත පෙව්වේ නැත. 17එය සිදු වූයේ අදාර් මස දහතුන් වන දා ය. දාහතර වන දින ඔවුහු විවේක ගනිමින්, ඒ දවස, ප්‍රීති උත්සව දවසක් කර ගත්හ.
18කෙසේ වෙතත් ෂූෂන්හි යුදෙව්වරු දහතුන් වනදාත්, දහහතර වනදාත් එක් රොක් වූවෝ, පහළොස් වන දා විවේක ගනිමින්, ඒ දවස ප්‍රීති උත්සව දවසක් කර ගත්හ.
19ගම්මානවල වෙසෙන ගැමි යුදෙව් ජනයා අදාර් මස දස සතර වන දින එකිනෙකාට තෑගි දෙන, ප්‍රීති උත්සව පවත්වන දවසක් ලෙස පවත්වන්නේ ඒ නිසා ය.
පූරීම් සැමරීම
20මොර්දෙකයි මෙම සිද්ධීන් වාර්තා කරමින්, අහෂ්වේරොෂ් රජුගේ ප්‍රාන්ත මුළුල්ලෙහි ළඟ පාත මෙන් ම ඈත එපිට විසූ සියලු යුදෙව්වරුන්ට ලිපි ලියා යැවී ය. 21ඔහු ලියා යැවුවේ, අවුරුදු පතා අදාර් මස දාහතර වන දා හා පහළොස් වන දා උත්සව පවත්වන ලෙස ය. 22යුදෙව්වරුන් තම සතුරන්ගෙන් නිදහස ලද දවස් ලෙසින් ද ඔවුන්ගේ ශෝකය ප්‍රීතියටත්, ඔවුන්ගේ වැලපීම ප්‍රීති උත්සව දිනයකටත් හැරුණු මාසය ලෙසින් ද සමරන ලෙස ය. එම දවස් උත්සව දවස් හා ප්‍රීතියේ දවස් ලෙස සැමරීමටත්, එකිනෙකාට ආහාර ත්‍යාග පිළිගන්වන ලෙස හා දුප්පතුන්ට තෑගි දෙන ලෙසත් ඔහු ලියා යැවී ය.
23මොර්දෙකයි විසින් ඔවුන්ට ලියා දැක් වූ උපදෙස් අනුව, යුදෙව් ජනයා තමන් ඇරඹූ එම උත්සව දිගට ම පැවැත්වීමට එකඟ වූහ. 24මන්ද සියලු යුදෙව්වරුන්ගේ හතුරා වන අගාගීය හම්මෙදාතාගේ පුත් හාමාන්, යුදෙව්වරුන් වනසා දැමීමට ඔවුනට එරෙහිව කුමන්ත්‍රණ කොට, ඔවුන් වනසා, නැති-භංග කර දැමීමට පූර් නම් වූ පස ඇට දමා තිබිණි. 25එහෙත් එම කුමන්ත්‍රණය රජුගේ අවධානයට ලක් කරනු ලැබූ කල, හාමාන් විසින් යුදෙව් ජනයාට එරෙහිව යොදා තිබූ ප්‍රයෝගකාරී වැඩ පිළිවෙළ ඔහුගේ ම හිස මතට කැරකී ඒමට ද ඔහුත්, ඔහුගේ පුත්‍රයනුත් පෝරකයෙහි එල්ලා දමනු ලැබීමටත් නියෝග ලියවිලි නිකුත් කෙරිණි. 26එබැවින් පූර් යන වදනට අනුකූලව මෙම දවස් පූරීම් නමින් හැඳින්විණ. මෙම ලිපියේ ලියා තිබූ සියල්ල නිසාත්, ඔවුන් ම දැක තිබූ දෑ හා ඔවුන්ට සිදු වූ දෑ නිසාත්, 27යුදෙව්වරු එම දෙදින සැමරීමේ චාරිත්‍රය ස්ථාපිත කිරීමේ වගකීම භාර ගත්හ. එනම් ඔවුන් ද ඔවුන්ගෙන් පැවත එන්නන් ද ඔවුන් සමඟ එක් වූ සියල්ලන් ද විසින් නියම කළ අයුරින් ම, නියම කළ කාලයට ම අවුරුදු පතා නොවැරදීම ඒ දෙදින ප්‍රීති උත්සව පැවැත්වීමයි. 28මේ දෙදවස් පරපුරින් පරපුරට හැම පවුලක් විසින් ම, හැම ප්‍රාන්තයක, හැම නගරයක සැමරිය යුතු විණි; පැවැත් විය යුතු විණි. මෙම පූරීම් දවස් පැවැත්වීම යුදෙව්වරුන් විසින් කිසි කලෙකත් නො නැවැත්විය යුතු විය. එම දවස් පිළිබඳ මතකය ද ඔවුන්ගෙන් පැවතෙන්නන් වෙතින් මැකී නො යා යුතු විය.
29එබැවින් අබිහයිල්ගේ දියණිය වූ එස්තර් බිසව, යුදෙව්වර මොර්දෙකයි හා එක් ව, “පූරීම්” සම්බන්ධයෙන් මෙම දෙවන ලිපිය සහතික කරමින්, ඇගේ පූර්ණ ආධිපත්‍යයෙන් යුතු ව ලිව්වා ය. 30අහෂ්වේරොෂ් රාජධානියේ ප්‍රාන්ත එකසිය විසිහතේ සියලු යුදෙව්වරුන් වෙත ශාන්තියේත්, සුරක්ෂිත භාවයේත් වදනින් යුතු ලිපි යැවූ මොර්දෙකයි, 31යුදෙව්වරුන් ද ඔවුන්ගෙන් පැවත එන්නන් ද උදෙසා උපවාසයේ හා වැලපීමේ කාල සම්බන්ධ ව, ඔවුන් ම ස්ථාපිත කළ පරිදි හා යුදෙව්වර මොර්දෙකයි ද එස්තර් බිසව ද ඔවුන්ට නියෝග දී තිබූ පරිදි, නියමිත දවස්වල පූරීම් සමරන ලෙස දැන්වී ය. 32පූරීම් පිළිබඳ මෙම චාරිත්‍ර එස්තර්ගේ නියෝගයෙන් ස්ථිර කෙරිණි. එය ලේඛනගත කරන ලදී.
දැනට තෝරාගෙන ඇත:
එස්තර් 9: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
එස්තර් 9
9
1රජුගේ නියෝගය හා ආඥාව ක්‍රියාත්මක කිරීමට නියමිත දොළොස් වන මාසයේ, අදාර් මාසයේ දහතුන් වන දිනය, එදින යුදෙව්වරුන් මැඬලීමට ඔවුන්ගේ සතුරන් බලාපොරොත්තු වූ දවස වුව ද, තත්වය අනෙක් අතට පෙරැළිණ; යුදෙව්වරු එය, තමන්ට වෛරකළවුන් මැඬලීමේ දවසකට හරවා ගත්හ. 2අහෂ්වේරොෂ් රජුගේ හැම ප්‍රාන්තයක ම යුදෙව්වරු, තමන් විනාශ කරන්නට සෙවූවන්ට පහර දෙන පිණිස, තම පුරවරයන්හි එක් රැස් වූහ. අන් හැම ජාතියකට ම අයත් ජනයා පිට යුදෙව්වරුන් කෙරේ වූ භයක් පතිත වූ බැවින් යුදෙව්වරුන්ට එරෙහිව නැගිටින්නට සමත් කිසිවකු හෝ නො වී ය. 3සියලු රජුගේ ප්‍රාදේශීය ආණ්ඩුකාරවරු ද විවිධ ප්‍රාන්ත-පාලකයෝ ද විවිධ ජන කොටස් හි අධිපතීහු ද මොර්දෙකයි කෙරේ වූ බියෙන් ඇලළී ගියාහු, යුදෙව්වරුන්ට ම උදවු උපකාර කළහ. 4මොර්දෙකයි, රජ මැදුරෙහි බලවතා විය. ඔහුගේ කීර්තිය ද ප්‍රාන්ත මුළුල්ලෙහි පැතිර ගියේ ය. මෙසේ මොර්දෙකයි වඩ වඩා බලවත් විය.
5යුදෙව්වරු ඔවුන්ගේ සියලු සතුරන් මරා දමමින්, වනසාලමින්, ඔවුන් කඩුවෙන් ගසා හෙළූහ. ඔවුහු, තමන්ට වෛර කළවුනට තමන් රිසි පරිද්දෙන් කළහ. 6යුදෙව්වරු ෂූෂන් බළකොටුවේ මිනිසුන් පන්සිය දෙනෙක් මරා දැමූහ. 7තවද ඔවුහු පර්ෂන්දාතා, දල්ෆෝන්, අස්පාතා, 8පෝරාතා, අදලියා, අරීදාතා, 9පර්මෂ්තා, අරීසයි, අරිදයි හා වයිසාතා 10යන දස දෙනා මරා දැමූහ. යුදෙව්වරුන්ගේ හතුරා වූ හම්මෙදාතාගේ පුත් හාමාන්ගේ පුතුන් දස දෙනා ඔවුහු ය. එහෙත් යුදෙව්වරුන් වස්තුව කොල්ලකෑමට අත පෙව්වේ නැත.
11ෂූෂන් බළකොටුවේ මරා දමනු ලැබූවන්ගේ ගණන ඒ දවසේ ම රජුට වාර්තා කරන ලදී. 12රජු එස්තර් බිසවට කතා කොට, “යුදෙව්වරුන් ෂූෂන් බළකොටුවේ පමණක් මිනිසුන් පන්සිය දෙනෙක් හා හාමාන්ගේ පුතුන් දස දෙනා මරා විනාශ කර දමා ඇත. රජුගේ සෙසු ප්‍රාන්තවල ඔවුන් මොනවා නො කරන්නට ඇද්ද? හොඳයි දැන්, මොකක් ද ඔබේ අයැදුම? ඔබට එය ඉටු කර දෙනු ලැබේ; මොකක් ද ඔබේ ඉල්ලීම? එය ද අනුමත කෙරේ” යි කීවේ ය.
13එස්තර් පිළිතුරු දෙමින්, “රජ්ජුරුවන් කැමති නම්, අද දවසේ රාජාඥාව හෙට දවසේත් ක්‍රියාත්මක කරන්නට ෂූෂන්හි යුදෙව්වරුන්ට අවසර දෙනු මැනවි. තවද හාමාන්ගේ පුතුන් දස දෙනාගේ සිරුරු එල්ලුම් ගස්වල එල්ලා තබනු ලැබේවා” යි කීවා ය.
14එබැවින්, එසේ කරන ලෙස රජු නියෝග කළේ ය. ෂූෂන්හි ආඥාවක් නිකුත් කරන ලදී. හාමාන්ගේ පුතුන් දස දෙනාගේ සිරුරු ද එල්ලා තබන ලදී. 15ෂූෂන්හි යුදෙව්වරු රංචු ගැසී, අදාර් මස දාහතර වන දින ෂූෂන්හි තුන්සිය දෙනෙක් මරා දැමූහ. එහෙත් ඔවුන් කොල්ලකෑමට අත පෙව්වේ නැත.
16මේ අතර රජුගේ ප්‍රාන්තවල සෙසු යුදෙව්වරු ද තමන්ගේ ආරක්ෂාව සඳහා එක් රොක් වී ඔවුන්ගේ සතුරන්ගෙන් නිදහස් වූහ. ඔවුහු සතුරන් හැත්තෑපන්දහස් දෙනෙක් මරා දැමූහ; එහෙත් කොල්ලයට අත පෙව්වේ නැත. 17එය සිදු වූයේ අදාර් මස දහතුන් වන දා ය. දාහතර වන දින ඔවුහු විවේක ගනිමින්, ඒ දවස, ප්‍රීති උත්සව දවසක් කර ගත්හ.
18කෙසේ වෙතත් ෂූෂන්හි යුදෙව්වරු දහතුන් වනදාත්, දහහතර වනදාත් එක් රොක් වූවෝ, පහළොස් වන දා විවේක ගනිමින්, ඒ දවස ප්‍රීති උත්සව දවසක් කර ගත්හ.
19ගම්මානවල වෙසෙන ගැමි යුදෙව් ජනයා අදාර් මස දස සතර වන දින එකිනෙකාට තෑගි දෙන, ප්‍රීති උත්සව පවත්වන දවසක් ලෙස පවත්වන්නේ ඒ නිසා ය.
පූරීම් සැමරීම
20මොර්දෙකයි මෙම සිද්ධීන් වාර්තා කරමින්, අහෂ්වේරොෂ් රජුගේ ප්‍රාන්ත මුළුල්ලෙහි ළඟ පාත මෙන් ම ඈත එපිට විසූ සියලු යුදෙව්වරුන්ට ලිපි ලියා යැවී ය. 21ඔහු ලියා යැවුවේ, අවුරුදු පතා අදාර් මස දාහතර වන දා හා පහළොස් වන දා උත්සව පවත්වන ලෙස ය. 22යුදෙව්වරුන් තම සතුරන්ගෙන් නිදහස ලද දවස් ලෙසින් ද ඔවුන්ගේ ශෝකය ප්‍රීතියටත්, ඔවුන්ගේ වැලපීම ප්‍රීති උත්සව දිනයකටත් හැරුණු මාසය ලෙසින් ද සමරන ලෙස ය. එම දවස් උත්සව දවස් හා ප්‍රීතියේ දවස් ලෙස සැමරීමටත්, එකිනෙකාට ආහාර ත්‍යාග පිළිගන්වන ලෙස හා දුප්පතුන්ට තෑගි දෙන ලෙසත් ඔහු ලියා යැවී ය.
23මොර්දෙකයි විසින් ඔවුන්ට ලියා දැක් වූ උපදෙස් අනුව, යුදෙව් ජනයා තමන් ඇරඹූ එම උත්සව දිගට ම පැවැත්වීමට එකඟ වූහ. 24මන්ද සියලු යුදෙව්වරුන්ගේ හතුරා වන අගාගීය හම්මෙදාතාගේ පුත් හාමාන්, යුදෙව්වරුන් වනසා දැමීමට ඔවුනට එරෙහිව කුමන්ත්‍රණ කොට, ඔවුන් වනසා, නැති-භංග කර දැමීමට පූර් නම් වූ පස ඇට දමා තිබිණි. 25එහෙත් එම කුමන්ත්‍රණය රජුගේ අවධානයට ලක් කරනු ලැබූ කල, හාමාන් විසින් යුදෙව් ජනයාට එරෙහිව යොදා තිබූ ප්‍රයෝගකාරී වැඩ පිළිවෙළ ඔහුගේ ම හිස මතට කැරකී ඒමට ද ඔහුත්, ඔහුගේ පුත්‍රයනුත් පෝරකයෙහි එල්ලා දමනු ලැබීමටත් නියෝග ලියවිලි නිකුත් කෙරිණි. 26එබැවින් පූර් යන වදනට අනුකූලව මෙම දවස් පූරීම් නමින් හැඳින්විණ. මෙම ලිපියේ ලියා තිබූ සියල්ල නිසාත්, ඔවුන් ම දැක තිබූ දෑ හා ඔවුන්ට සිදු වූ දෑ නිසාත්, 27යුදෙව්වරු එම දෙදින සැමරීමේ චාරිත්‍රය ස්ථාපිත කිරීමේ වගකීම භාර ගත්හ. එනම් ඔවුන් ද ඔවුන්ගෙන් පැවත එන්නන් ද ඔවුන් සමඟ එක් වූ සියල්ලන් ද විසින් නියම කළ අයුරින් ම, නියම කළ කාලයට ම අවුරුදු පතා නොවැරදීම ඒ දෙදින ප්‍රීති උත්සව පැවැත්වීමයි. 28මේ දෙදවස් පරපුරින් පරපුරට හැම පවුලක් විසින් ම, හැම ප්‍රාන්තයක, හැම නගරයක සැමරිය යුතු විණි; පැවැත් විය යුතු විණි. මෙම පූරීම් දවස් පැවැත්වීම යුදෙව්වරුන් විසින් කිසි කලෙකත් නො නැවැත්විය යුතු විය. එම දවස් පිළිබඳ මතකය ද ඔවුන්ගෙන් පැවතෙන්නන් වෙතින් මැකී නො යා යුතු විය.
29එබැවින් අබිහයිල්ගේ දියණිය වූ එස්තර් බිසව, යුදෙව්වර මොර්දෙකයි හා එක් ව, “පූරීම්” සම්බන්ධයෙන් මෙම දෙවන ලිපිය සහතික කරමින්, ඇගේ පූර්ණ ආධිපත්‍යයෙන් යුතු ව ලිව්වා ය. 30අහෂ්වේරොෂ් රාජධානියේ ප්‍රාන්ත එකසිය විසිහතේ සියලු යුදෙව්වරුන් වෙත ශාන්තියේත්, සුරක්ෂිත භාවයේත් වදනින් යුතු ලිපි යැවූ මොර්දෙකයි, 31යුදෙව්වරුන් ද ඔවුන්ගෙන් පැවත එන්නන් ද උදෙසා උපවාසයේ හා වැලපීමේ කාල සම්බන්ධ ව, ඔවුන් ම ස්ථාපිත කළ පරිදි හා යුදෙව්වර මොර්දෙකයි ද එස්තර් බිසව ද ඔවුන්ට නියෝග දී තිබූ පරිදි, නියමිත දවස්වල පූරීම් සමරන ලෙස දැන්වී ය. 32පූරීම් පිළිබඳ මෙම චාරිත්‍ර එස්තර්ගේ නියෝගයෙන් ස්ථිර කෙරිණි. එය ලේඛනගත කරන ලදී.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.