2 ලේකම් 34
34
යොෂීයා රජ
1යොෂීයා රජකමට පත් වන කල, ඔහුගේ වයස අවුරුදු අටකි. ඔහු අවුරුදු තිස්එකක් යෙරුසලමේ රජකම් කළේ ය. 2ඔහු කළේ ස්වාමින්වහන්සේගේ ඇස් හමුවෙහි හරි ව තිබූ දේ ය. තම පියා වූ දාවිත්ගේ මාර්ගවල හැසුරුණු ඔහු දකුණටවත්, වමටවත් හැරුණේ නැත.
3මන්ද ඔහුගේ රජකමේ අ‍ට වන වසරේ, ඔහු කොලු ගැටයකු ව සිටියදී ම, තම පියාණන් වූ දාවිත්ගේ දෙවියන්වහන්සේ සෙවීමට පටන් ගත් ඔහු දොළොස් වන වසරේ පටන් උස් තැන් පුදසුන්, අෂේරා කණු, කැටයමින් හා ලෝහයෙන් කළ පිළිම යනාදියෙන් යූදා හා යෙරුසලම පවිත්‍ර කරන්නට පටන් ගත්තේ ය. 4ඔවුහු ඔහු ඉදිරියෙහි තිබූ බාල් දෙවිවරුන්ගේ පූජාසන කපා හෙළා දැමූහ. ඒවාට ඉහළින් තිබූ දුම් පූජාසන ඔහු බිඳ හෙළී ය. තවද ඔහු අෂේරා කණු, කැපූ රූප හා වාත්තු පිළිම කඩා හෙළී ය. ඔහු ඒවා කුඩුකර, ඒවාට යාග පූජා කළවුන්ගේ සොහොන් මත විසිරවී ය. 5තවද ඔහු එම පූජකයින්ගේ ඇට ඔවුන්ගේ පූජාසන පිට දවා, යූදා හා යෙරුසලම පවිත්‍ර කළේ ය. 6ඔහු මනස්සේ, එප්‍රායිම් හා සිමියොන් පුර-නගරවල හා නෆ්තලී තෙක් දුරට හැම අත ම වූ ඔවුන්ගේ නටබුන්වල තිබූ 7පූජාසන හා අෂේරා කණු බිම හෙළා, පිළිම රූප කුඩු-පට්ටම් කර, ඉශ්‍රායෙල් මුළුල්ලේ වූ දුම් පූජාසන විනාශ කර දැමී ය. ඉන්පසු ඔහු යෙරුසලමට ආපසු ගියේ ය.
8ඔහු දේශය ද ගෘහය ද පවිත්‍ර කළ පසු, ඔහුගේ රාජ්‍ය පාලනයේ දහඅට වන වසරේ ඔහුගේ දෙවියන්වහන්සේ වන ස්වාමින්වහන්සේගේ ගෘහය පිළිසකර කරන පිණිස ඔහු අසලියාගේ පුත් ෂාෆාන් ද පුරවරයේ ආණ්ඩුකාර මාසේයා ද යෝවාහාස්ගේ පුත් යෝවා වාර්තාකරු ද යැවී ය.
9ඔවුහු උත්තම පූජක හිල්කීයා වෙත අවුත්, දෙවියන්වහන්සේගේ ගෘහය තුළට ගෙනැවිත් තිබූ මුදල් බාර දුන්හ. ඒවා, මනස්සේ හා එප්‍රායිම් වෙතින් ද ඉශ්‍රායෙල්හි ඉතිරි ව සිටි හැම දෙනා වෙතින් ද මුළු යූදා හා බෙන්යමින් වෙතින් හා යෙරුසලම් වාසීන් වෙතින් ද ලෙවීවරුන් හා පර්යන්ත භාරකරුවන් ද විසින් එකතු කර තිබූ ඒවා ය. 10ඔවුහු ඒවා ස්වාමින්වහන්සේගේ ගෘහය තුළ වැඩ පරීක්ෂා කිරීමට පත් වූ මිනිසුන්ට භාර දුන්හ. ස්වාමින්වහන්සේගේ ගෘහය තුළ වැඩ කළ ශිල්පීහු ඒවා ගෘහයේ පිළිසකර කිරීම් හා පිරියම් සඳහා දුන්හ. 11ඔවුහු, යූදා රජවරුන් විසින් ජරාවාස වන්නට හැර තිබූ ගොඩනැගිලි සඳහා කැපූ ගල් ද යටලීවලට හා බාල්කවලට ලී ද මිලේට ගැනීම සඳහා වඩුවන්ටත්, ගල් වඩුවන්ටත් මුදල් දුන්හ.
12ජනයා විශ්වාසවන්ත ව වැඩ කළහ. ඔවුන්ට ඉහළින් මෙරාරීගේ පුත්‍රයින් වූ යහත් හා ඔබදියා ද ඔවුන් සමඟ කොහාත් පුත්‍රයින් වූ සෙකරියා හා මෙෂුල්ලාම් ද ඔවුන් පාලනයට පත් කරන ලදහ. සංගීත වාදනයෙහි නිපුණ අනිකුත් ලෙවීවරුන්, 13බර උසුලන්නන් හා හැම සේවාවක ම සිටි සියල්ලන්ට ඉහළින් පත් ව සිටියහ. ඇතැම් ලෙවීවරුන් ලියන්නන්, නිලධාරීන් හා දොරටු-පාලකයින් වූහ.
නීති සංග්‍රහයේ පොත සම්භ වීම
14මෝසෙස් මගින් දෙන ලද ස්වාමින්වහන්සේගේ ව්‍යවස්ථා පොත, පූජක හිල්කීයාට සම්භ වුණේ ය. එය සිදු වූයේ ස්වාමින්වහන්සේගේ ගෘහය තුළට ගෙනෙනු ලැබ තිබූ මුදල් ඔවුන් පිටතට ගෙන එද්දී ය. 15ලේකම්වර ෂාෆාන් ඇමතූ හිල්කීයා, “ස්වාමින්වහන්සේගේ ගෘහයේදී ව්‍යවස්ථා පොත මට සම්බවිණි” යි කීවේ ය. හිල්කීයා පොත ෂාෆාන්ට දුන්නේ ය.
16පොත, රජු වෙත ගෙන ආ ෂාෆාන්, තවදුරටත් රජුට වාර්තා කරමින්, “ඔබගේ සේවකයින්ට ඔබ භාර කළ වැඩ ඔවුහු කරති. 17ඔවුහු ස්වාමින්වහන්සේගේ ගෘහය තුළ තිබී සම්බ වූ මුදල් ගෙන, වැඩ පරීක්ෂකයින් හා වැඩකරුවන් අතට ඒවා බෙදා දුන්හ” යි පැවසී ය. 18ලේකම්වරයා වූ ෂාෆාන් රජු දැනුම්වත් කරමින්, “පූජක හිල්කීයා මට පොතක් දුන්නා” යි පවසා, හඬ නගා රජුට එයින් කියවී ය.
19ව්‍යවස්ථාවේ වචන ඇසූ රජු තම හැඳිවත් ඉරා ගත්තේ ය. 20එවිට රජු, හිල්කීයාට ද ෂාෆාන්ගේ පුත් අහිකාම්ට ද මීකාගේ පුත්‍ර අබ්දෝන්ට ද ලේකම්වරයා වූ ෂාෆාන්ට ද රජුගේ සේවක අසායාට ද නියෝග කරමින්, 21“සම්භ වී ඇති පොතේ වචන පිළිබඳව මා උදෙසාත්, ඉශ්‍රායෙල්හි හා යූදාහි ඉතිරි ව සිටින්නන් උදෙසාත් ගොසින් ස්වාමින්වහන්සේගෙන් විමසන්න; මන්ද අප පිට වගුරා ඇති ස්වාමින්වහන්සේගේ උදහස අති මහත් ය; මන්ද මේ පොතේ ලියන ලද සියල්ලට අනුකූලව ක්‍රියා කරමින්, ස්වාමින්වහන්සේගේ වචනය, අපේ පියවරුන් පිළිපැද නැති නිසා යැ” යි කීවේ ය.
22එබැවින් හිල්කීයා සහ රජු පිටත් කර යැවූ අය හුල්දා දිවැසිවරිය වෙත ගියහ. යෙරුසලමේ දෙවන වසමේ විසූ ඇඳුම් ආයිත්තම් භාරකරු වූ හස්රාගේ පුත්‍ර තොක්හත්ගේ පුත්‍ර ෂල්ලූම්ගේ බිරිඳ ඇයයි.
23ඈ ඔවුන්ට කියා සිටියේ, “ඉශ්‍රායෙල්ගේ දෙවියන්වහන්සේ වන ස්වාමින්වහන්සේ මෙසේ පවසන සේක: මා වෙත නුඹලා එවූ මිනිසාට මෙසේ කියන්න: 24‘ස්වාමින්වහන්සේ මෙසේ පවසන සේක: මෙන්න! මෙම මේ ස්ථානයටත්, එහි වෙසෙන ජනයා පිටටත් මම විපත්තිය, යූදාහි රජු ඉදිරියේ කියවන ලද පොතේ ලියන ලද සියලු ම ශාප ගෙනෙන්නෙමි. 25මන්ද ඔවුන් මා අත්හැර දමා, වෙනත් දෙවිවරුන්ට සුවඳ දුම් ඔප්පු කිරීමෙන් තමන්ගේ අත්වල හැම වැඩවලින් ඔවුන් මා කෝප ගැන් වූ බැවින්, මගේ උදහස මෙම ස්ථානය පිට වගුරුවනු ලැබේ; එය නිවා දමනු නො ලැබේ.’ 26එහෙත් ස්වාමින්වහන්සේගෙන් විමසන පිණිස නුඹලා එවූ යූදාහි රජුට ඔබ මෙසේ කිව යුතුයි: ‘ඉශ්‍රායෙල්ගේ දෙවියන්වහන්සේ වන ස්වාමින්වහන්සේ මෙසේ කියන සේක: ඔබ ඇසූ වචන සම්බන්ධවයි; 27මේ ස්ථානයටත්, එහි ජනයාටත් එරෙහි උන්වහන්සේගේ වචන ඇසූ කල, ඔබ හදවතින් ප්‍රතිචාර දක්වා, දෙවියන්වහන්සේ අබියස ඔබ යටහත් වූ බැවින්, මා අබියස ඔබ ම යටහත් වී, ඔබේ හැඳිවත් ඉරාගෙන, මා අබියස වැලපුණු බැවින් මම ඔබට සවන් දුනිමියි ස්වාමින්වහන්සේ පවසන සේක. 28ඔන්න! මම ඔබේ පියවරුන් අතරට ඔබ එකතු කරන්නෙමි; සමාදානය ඇතුව ඔබ මිනී වළට යනු ඇත. මෙම ස්ථානය පිට හා එහි වාසය කරන්නන් පිට මා පමුණු වන මුළු විපත්තිය ඔබේ ඇස්වලින් දකිනු නැත’ කියා” යි කීවා ය.
ඔවුහු මෙම වචනය රජු වෙත ගෙන ගියහ.
29ඉන්පසු රජු පණිවුඩ යවා, යූදා සහ යෙරුසලම් වැඩිහිටි සියල්ලන් එකට එක් රැස් කළේ ය. 30රජු ස්වාමින්වහන්සේගේ ගෘහයට ගියේ, යූදාහි සියලු ජනයා ද යෙරුසලමෙහි වාසය කරන්නන් ද පූජකයින් හා ලෙවීවරුන් ද ලොකු කුඩා සියලු ජනයා ද සමඟිනි. ස්වාමින්වහන්සේගේ ගෘහයේදී හමුව තිබූ ගිවිසුම් පොතේ සියලු වචන ඔවුන් අසාගෙන සිටිද්දී ඔහු කියවී ය. 31ඉන්පසු රජු තමාගේ ස්ථානයේ සිටගෙන, ස්වාමින්වහන්සේ අනුගමන කිරීමටත්, උන්වහන්සේගේ ආඥා, උන්වහන්සේගේ පනත් හා උන්වහන්සේගේ නියෝග තමාගේ මුළු හදවතින් ද තමාගේ මුළු ජීවයෙන් ද පිළිපැදීමටත්, මෙම පොතේ ලියනු ලැබ ඇති ගිවිසුමේ වචන ඉෂ්ට කිරීමටත් ස්වාමින්වහන්සේ අබියස ගිවිසුමක් කළේ ය.
32ඔහු ඉන්පසු, යෙරුසලමේ හා බෙන්යමින්හි සිටියවුන් ඊට ප්‍රතිඥා දෙන්නට සැලැස්වී ය. යෙරුසලමේ වාසය කරන්නෝ දෙවියන්වහන්සේගේ, තම පියවරුන්ගේ දෙවියන්වහන්සේගේ ගිවිසුමට අනුකූලව ක්‍රියා කළහ.
33තවද යොෂීයා, ඉශ්‍රායෙල් ජනතාවට අයත් භූමි ප්‍රදේශ සියල්ලෙහි වූ සියලු පිළිකුල් දෑ ඉවත් කළේ ය. ඉශ්‍රායෙල්හි සිටි සියලු දෙනා ඔවුන්ගේ දෙවියන්වහන්සේ වන ස්වාමින්වහන්සේට සේවය කරන්නට ඔහු සැලැස්වී ය. ඔහුගේ සියලු දවස්හි ඔවුන් තම පියවරුන්ගේ දෙවියන්වහන්සේ වන ස්වාමින්වහන්සේ අනුගමන කිරීමෙන් ඉවත හැරුණේ නැත.
දැනට තෝරාගෙන ඇත:
2 ලේකම් 34: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
2 ලේකම් 34
34
යොෂීයා රජ
1යොෂීයා රජකමට පත් වන කල, ඔහුගේ වයස අවුරුදු අටකි. ඔහු අවුරුදු තිස්එකක් යෙරුසලමේ රජකම් කළේ ය. 2ඔහු කළේ ස්වාමින්වහන්සේගේ ඇස් හමුවෙහි හරි ව තිබූ දේ ය. තම පියා වූ දාවිත්ගේ මාර්ගවල හැසුරුණු ඔහු දකුණටවත්, වමටවත් හැරුණේ නැත.
3මන්ද ඔහුගේ රජකමේ අ‍ට වන වසරේ, ඔහු කොලු ගැටයකු ව සිටියදී ම, තම පියාණන් වූ දාවිත්ගේ දෙවියන්වහන්සේ සෙවීමට පටන් ගත් ඔහු දොළොස් වන වසරේ පටන් උස් තැන් පුදසුන්, අෂේරා කණු, කැටයමින් හා ලෝහයෙන් කළ පිළිම යනාදියෙන් යූදා හා යෙරුසලම පවිත්‍ර කරන්නට පටන් ගත්තේ ය. 4ඔවුහු ඔහු ඉදිරියෙහි තිබූ බාල් දෙවිවරුන්ගේ පූජාසන කපා හෙළා දැමූහ. ඒවාට ඉහළින් තිබූ දුම් පූජාසන ඔහු බිඳ හෙළී ය. තවද ඔහු අෂේරා කණු, කැපූ රූප හා වාත්තු පිළිම කඩා හෙළී ය. ඔහු ඒවා කුඩුකර, ඒවාට යාග පූජා කළවුන්ගේ සොහොන් මත විසිරවී ය. 5තවද ඔහු එම පූජකයින්ගේ ඇට ඔවුන්ගේ පූජාසන පිට දවා, යූදා හා යෙරුසලම පවිත්‍ර කළේ ය. 6ඔහු මනස්සේ, එප්‍රායිම් හා සිමියොන් පුර-නගරවල හා නෆ්තලී තෙක් දුරට හැම අත ම වූ ඔවුන්ගේ නටබුන්වල තිබූ 7පූජාසන හා අෂේරා කණු බිම හෙළා, පිළිම රූප කුඩු-පට්ටම් කර, ඉශ්‍රායෙල් මුළුල්ලේ වූ දුම් පූජාසන විනාශ කර දැමී ය. ඉන්පසු ඔහු යෙරුසලමට ආපසු ගියේ ය.
8ඔහු දේශය ද ගෘහය ද පවිත්‍ර කළ පසු, ඔහුගේ රාජ්‍ය පාලනයේ දහඅට වන වසරේ ඔහුගේ දෙවියන්වහන්සේ වන ස්වාමින්වහන්සේගේ ගෘහය පිළිසකර කරන පිණිස ඔහු අසලියාගේ පුත් ෂාෆාන් ද පුරවරයේ ආණ්ඩුකාර මාසේයා ද යෝවාහාස්ගේ පුත් යෝවා වාර්තාකරු ද යැවී ය.
9ඔවුහු උත්තම පූජක හිල්කීයා වෙත අවුත්, දෙවියන්වහන්සේගේ ගෘහය තුළට ගෙනැවිත් තිබූ මුදල් බාර දුන්හ. ඒවා, මනස්සේ හා එප්‍රායිම් වෙතින් ද ඉශ්‍රායෙල්හි ඉතිරි ව සිටි හැම දෙනා වෙතින් ද මුළු යූදා හා බෙන්යමින් වෙතින් හා යෙරුසලම් වාසීන් වෙතින් ද ලෙවීවරුන් හා පර්යන්ත භාරකරුවන් ද විසින් එකතු කර තිබූ ඒවා ය. 10ඔවුහු ඒවා ස්වාමින්වහන්සේගේ ගෘහය තුළ වැඩ පරීක්ෂා කිරීමට පත් වූ මිනිසුන්ට භාර දුන්හ. ස්වාමින්වහන්සේගේ ගෘහය තුළ වැඩ කළ ශිල්පීහු ඒවා ගෘහයේ පිළිසකර කිරීම් හා පිරියම් සඳහා දුන්හ. 11ඔවුහු, යූදා රජවරුන් විසින් ජරාවාස වන්නට හැර තිබූ ගොඩනැගිලි සඳහා කැපූ ගල් ද යටලීවලට හා බාල්කවලට ලී ද මිලේට ගැනීම සඳහා වඩුවන්ටත්, ගල් වඩුවන්ටත් මුදල් දුන්හ.
12ජනයා විශ්වාසවන්ත ව වැඩ කළහ. ඔවුන්ට ඉහළින් මෙරාරීගේ පුත්‍රයින් වූ යහත් හා ඔබදියා ද ඔවුන් සමඟ කොහාත් පුත්‍රයින් වූ සෙකරියා හා මෙෂුල්ලාම් ද ඔවුන් පාලනයට පත් කරන ලදහ. සංගීත වාදනයෙහි නිපුණ අනිකුත් ලෙවීවරුන්, 13බර උසුලන්නන් හා හැම සේවාවක ම සිටි සියල්ලන්ට ඉහළින් පත් ව සිටියහ. ඇතැම් ලෙවීවරුන් ලියන්නන්, නිලධාරීන් හා දොරටු-පාලකයින් වූහ.
නීති සංග්‍රහයේ පොත සම්භ වීම
14මෝසෙස් මගින් දෙන ලද ස්වාමින්වහන්සේගේ ව්‍යවස්ථා පොත, පූජක හිල්කීයාට සම්භ වුණේ ය. එය සිදු වූයේ ස්වාමින්වහන්සේගේ ගෘහය තුළට ගෙනෙනු ලැබ තිබූ මුදල් ඔවුන් පිටතට ගෙන එද්දී ය. 15ලේකම්වර ෂාෆාන් ඇමතූ හිල්කීයා, “ස්වාමින්වහන්සේගේ ගෘහයේදී ව්‍යවස්ථා පොත මට සම්බවිණි” යි කීවේ ය. හිල්කීයා පොත ෂාෆාන්ට දුන්නේ ය.
16පොත, රජු වෙත ගෙන ආ ෂාෆාන්, තවදුරටත් රජුට වාර්තා කරමින්, “ඔබගේ සේවකයින්ට ඔබ භාර කළ වැඩ ඔවුහු කරති. 17ඔවුහු ස්වාමින්වහන්සේගේ ගෘහය තුළ තිබී සම්බ වූ මුදල් ගෙන, වැඩ පරීක්ෂකයින් හා වැඩකරුවන් අතට ඒවා බෙදා දුන්හ” යි පැවසී ය. 18ලේකම්වරයා වූ ෂාෆාන් රජු දැනුම්වත් කරමින්, “පූජක හිල්කීයා මට පොතක් දුන්නා” යි පවසා, හඬ නගා රජුට එයින් කියවී ය.
19ව්‍යවස්ථාවේ වචන ඇසූ රජු තම හැඳිවත් ඉරා ගත්තේ ය. 20එවිට රජු, හිල්කීයාට ද ෂාෆාන්ගේ පුත් අහිකාම්ට ද මීකාගේ පුත්‍ර අබ්දෝන්ට ද ලේකම්වරයා වූ ෂාෆාන්ට ද රජුගේ සේවක අසායාට ද නියෝග කරමින්, 21“සම්භ වී ඇති පොතේ වචන පිළිබඳව මා උදෙසාත්, ඉශ්‍රායෙල්හි හා යූදාහි ඉතිරි ව සිටින්නන් උදෙසාත් ගොසින් ස්වාමින්වහන්සේගෙන් විමසන්න; මන්ද අප පිට වගුරා ඇති ස්වාමින්වහන්සේගේ උදහස අති මහත් ය; මන්ද මේ පොතේ ලියන ලද සියල්ලට අනුකූලව ක්‍රියා කරමින්, ස්වාමින්වහන්සේගේ වචනය, අපේ පියවරුන් පිළිපැද නැති නිසා යැ” යි කීවේ ය.
22එබැවින් හිල්කීයා සහ රජු පිටත් කර යැවූ අය හුල්දා දිවැසිවරිය වෙත ගියහ. යෙරුසලමේ දෙවන වසමේ විසූ ඇඳුම් ආයිත්තම් භාරකරු වූ හස්රාගේ පුත්‍ර තොක්හත්ගේ පුත්‍ර ෂල්ලූම්ගේ බිරිඳ ඇයයි.
23ඈ ඔවුන්ට කියා සිටියේ, “ඉශ්‍රායෙල්ගේ දෙවියන්වහන්සේ වන ස්වාමින්වහන්සේ මෙසේ පවසන සේක: මා වෙත නුඹලා එවූ මිනිසාට මෙසේ කියන්න: 24‘ස්වාමින්වහන්සේ මෙසේ පවසන සේක: මෙන්න! මෙම මේ ස්ථානයටත්, එහි වෙසෙන ජනයා පිටටත් මම විපත්තිය, යූදාහි රජු ඉදිරියේ කියවන ලද පොතේ ලියන ලද සියලු ම ශාප ගෙනෙන්නෙමි. 25මන්ද ඔවුන් මා අත්හැර දමා, වෙනත් දෙවිවරුන්ට සුවඳ දුම් ඔප්පු කිරීමෙන් තමන්ගේ අත්වල හැම වැඩවලින් ඔවුන් මා කෝප ගැන් වූ බැවින්, මගේ උදහස මෙම ස්ථානය පිට වගුරුවනු ලැබේ; එය නිවා දමනු නො ලැබේ.’ 26එහෙත් ස්වාමින්වහන්සේගෙන් විමසන පිණිස නුඹලා එවූ යූදාහි රජුට ඔබ මෙසේ කිව යුතුයි: ‘ඉශ්‍රායෙල්ගේ දෙවියන්වහන්සේ වන ස්වාමින්වහන්සේ මෙසේ කියන සේක: ඔබ ඇසූ වචන සම්බන්ධවයි; 27මේ ස්ථානයටත්, එහි ජනයාටත් එරෙහි උන්වහන්සේගේ වචන ඇසූ කල, ඔබ හදවතින් ප්‍රතිචාර දක්වා, දෙවියන්වහන්සේ අබියස ඔබ යටහත් වූ බැවින්, මා අබියස ඔබ ම යටහත් වී, ඔබේ හැඳිවත් ඉරාගෙන, මා අබියස වැලපුණු බැවින් මම ඔබට සවන් දුනිමියි ස්වාමින්වහන්සේ පවසන සේක. 28ඔන්න! මම ඔබේ පියවරුන් අතරට ඔබ එකතු කරන්නෙමි; සමාදානය ඇතුව ඔබ මිනී වළට යනු ඇත. මෙම ස්ථානය පිට හා එහි වාසය කරන්නන් පිට මා පමුණු වන මුළු විපත්තිය ඔබේ ඇස්වලින් දකිනු නැත’ කියා” යි කීවා ය.
ඔවුහු මෙම වචනය රජු වෙත ගෙන ගියහ.
29ඉන්පසු රජු පණිවුඩ යවා, යූදා සහ යෙරුසලම් වැඩිහිටි සියල්ලන් එකට එක් රැස් කළේ ය. 30රජු ස්වාමින්වහන්සේගේ ගෘහයට ගියේ, යූදාහි සියලු ජනයා ද යෙරුසලමෙහි වාසය කරන්නන් ද පූජකයින් හා ලෙවීවරුන් ද ලොකු කුඩා සියලු ජනයා ද සමඟිනි. ස්වාමින්වහන්සේගේ ගෘහයේදී හමුව තිබූ ගිවිසුම් පොතේ සියලු වචන ඔවුන් අසාගෙන සිටිද්දී ඔහු කියවී ය. 31ඉන්පසු රජු තමාගේ ස්ථානයේ සිටගෙන, ස්වාමින්වහන්සේ අනුගමන කිරීමටත්, උන්වහන්සේගේ ආඥා, උන්වහන්සේගේ පනත් හා උන්වහන්සේගේ නියෝග තමාගේ මුළු හදවතින් ද තමාගේ මුළු ජීවයෙන් ද පිළිපැදීමටත්, මෙම පොතේ ලියනු ලැබ ඇති ගිවිසුමේ වචන ඉෂ්ට කිරීමටත් ස්වාමින්වහන්සේ අබියස ගිවිසුමක් කළේ ය.
32ඔහු ඉන්පසු, යෙරුසලමේ හා බෙන්යමින්හි සිටියවුන් ඊට ප්‍රතිඥා දෙන්නට සැලැස්වී ය. යෙරුසලමේ වාසය කරන්නෝ දෙවියන්වහන්සේගේ, තම පියවරුන්ගේ දෙවියන්වහන්සේගේ ගිවිසුමට අනුකූලව ක්‍රියා කළහ.
33තවද යොෂීයා, ඉශ්‍රායෙල් ජනතාවට අයත් භූමි ප්‍රදේශ සියල්ලෙහි වූ සියලු පිළිකුල් දෑ ඉවත් කළේ ය. ඉශ්‍රායෙල්හි සිටි සියලු දෙනා ඔවුන්ගේ දෙවියන්වහන්සේ වන ස්වාමින්වහන්සේට සේවය කරන්නට ඔහු සැලැස්වී ය. ඔහුගේ සියලු දවස්හි ඔවුන් තම පියවරුන්ගේ දෙවියන්වහන්සේ වන ස්වාමින්වහන්සේ අනුගමන කිරීමෙන් ඉවත හැරුණේ නැත.
දැනට තෝරාගෙන ඇත:
:
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.