යොනාතාන් ගෙබාහි පිලිස්ති මුරපොළ පැරදවී ය. පිලිස්තිවරුනට එය අසන්නට ලැබිණ. එවිට සාවුල්, “හෙබ්‍රෙව්වනි අසත්වා!” කියමින් මුළු දේශය පුරා හොරණෑ හැඬවී ය. සාවුල් පිලිස්ති මුර පොළට පහර දී ඇති වගත්, දැන් ඉශ්‍රායෙල්වරුන් පිලිස්තිවරුනට පිළිකුලක් ව ඇති වගත් මුළු ඉශ්‍රායෙල් ජනතාවට ම අසන්නට ලැබිණ. ගිල්ගාල්හි දී සාවුල් සමඟ එක් වන ලෙසට ජනයා කැඳවන ලදහ. පිලිස්තිවරු යුද්ධ රථ තිස්දහසක් ද අසරුවන් හයදහසක් ද මුහුදු වෙරළේ වැලි මෙන් ගණන් කළ නො හැකි තරමේ සේනාවක් සමඟ ඉශ්‍රායෙල්වරුන්ට එරෙහිව සටනට එක් රැස් වූහ. ඔවුහු අවුත්, බෙත්-ආවෙන්ට නැගෙනහිරින් මික්මාස්හි කඳවුරු බැන්දහ. ඉශ්‍රායෙල්වරු තමන්ගේ තත්වය අවදානම් වගත්, තම හමුදාව අසීරුවට පත් ව ඇති වගත් දුටු කල, ගුහා තුළත්, කුහර තුළත්, පර්වත අතරේත්, පතල්වල හා පාළු ළිංවල ද සැඟවුණහ. ඇතැම් හෙබ්‍රෙව්වෝ ගාද් දේශයටත්, ගිලියාද් දේශයටත් යොර්දාන් ගඟින් එතෙර ව ගියහ. එහෙත් සාවුල්, ගිල්ගාල්හි රැඳී සිටියේ ය. ඔහු සමඟ වූ මුළු සෙබළ පිරිස භයින් වෙවුලූහ. සාමුවෙල් නියම කළ කාලය වන හත් දවසක් සාවුල් බලා සිටියේ ය. එහෙත් සාමුවෙල් ගිල්ගාල් වෙත ආවේ නැත. මිනිස්සු ඔහු වෙතින් විසිර යන්නට වන්හ. එබැවින් සාවුල්, “දවන යාග පූජාවත්, ශාන්ති පූජාවත් මෙහි මා ළඟට ගෙනෙන්නැ” යි කීවේ ය. මෙසේ සාවුල් දවන යාග පූජාව ඔප්පු කළේ ය. ඔහු දවන යාග පූජාව ඔප්පු කර නිම වනවාත් සමඟ ම, සාමුවෙල් පැමිණියේ ය. ඔහුට ආචාර කරන පිණිස ඔහු හමු වන්නට සාවුල් පිටතට ගියේ ය. “මොනවද ඔබ මේ කළේ?” යි සාමුවෙල් ඇසී ය. එබැවින් සාවුල් පිළිතුරු දෙමින්, “මිනිසුන් මා වෙතින් විසිර යනවා මා දුටු නිසාත්, නියම කර ගත් වෙලාවට ඔබ නො ආ නිසාත්, පිලිස්තිවරුන් මික්මාස්හි එක් රැස් වී සිටි නිසාත්, මා සිතුවේ පිලිස්තිවරුන් දැන් පිටත් ව, මට එරෙහිව ගිල්ගාල් වෙත එනු ඇති; මා ස්වාමින්වහන්සේගේ ප්‍රසාදය සෙව්වේ ද නැත කියායි. එනිසා දවන යාග පූජාව ඔප්පු කිරීමට මා තුළ බලකිරීමක් ඇති වුණා” යි කී ය. එවිට සාමුවෙල් කතා කරමින්, “ඔබ කර ඇත්තේ අනුවණ වැඩකි; උන්වහන්සේ ඔබට අණ කළ පරිදි ඔබේ දෙවියන්වහන්සේ වන ස්වාමින්වහන්සේගේ ආඥාව, ඔබ පිළිපැද්දේ නැහැ. පිළිපැද්දා නම්, උන්වහන්සේ ඔබගේ රාජ්‍යය ඉශ්‍රායෙල්හි සදහට ම ස්ථිර කරන්නට තිබුණි. එහෙත් දැන් ඔබගේ රාජ්‍යය දිගට ම පවතින්නේ නැත. ස්වාමින්වහන්සේ උන්වහන්සේගේ හදවතට එකඟ මනුෂ්‍යයකු සොයා, ස්වකීය ජනයාගේ අධිපතියා කොට ඔහු පත් කොට ඇත්තේ, ඔබ ස්වාමින්වහන්සේගේ ආඥාව පිළිපැද්දේ නැති නිසා යැ” යි කීවේ ය.
1 සාමුවෙල් 13 කියවන්න
බෙදාගන්න
සියලුම අනුවාද සසඳන්න: 1 සාමුවෙල් 13:3-14
5 Days
Embrace a 5-day study to help you align your leadership with biblical principles, exploring God's call on your life with honesty, humility, and a Christ-like character. Each day offers practical insights and reflections to help you grow into the leader you’re meant to be.
7 days
Three times in I Samuel, Jonathan said to his young armor bearer, "Come, Let's Go!" Three times in Revelation 22 Jesus said, "I'm coming soon!" It's been more than 2,000 years since Jesus made this promise. Jesus gave the church a simple job to do. It's called the Great Commission. So church, why hasn't Jesus COME back yet? We need discipleship in evangelism! COME, LET'S GO!
7 Days
Whether you’ve messed up a little or a lot by human standards, you’re a prime candidate to be used by God. In this 7-day Plan, we’ll learn about six individuals from the Bible whom God used despite where they came from, what their capabilities were, or how colossal their mistakes were.
No matter what comparison mindset you struggle with, the answer is right in front of you in the Bible! Dive into the truths from Scripture that will help you break free from the comparison trap.
බයිබල් පද ලකුණු කරගන්න, අන්තර්ජාලය නොමැතිව බයිබලය කියවන්න, බයිබලය අධ්යනය කරන කුඩා වීඩියෝ පටි නරඹන්න සහ තවත් බොහෝමයක්!
නිවස
බයිබලය
සැලසුම්
වීඩියෝ
Bible App
Bible App for Kids
