1 ලේකම් 6
6
ලෙවී ගෝත්‍ර වංශය
1ලෙවීගේ පුත්‍රයෝ:
ගෙර්ෂොන්, කොහාත් හා මෙරාරී ය.
2කොහාත්ගේ පුත්‍රයෝ:
අම්රාම්, ඉස්හාර්, හෙබ්‍රොන් හා උස්සියෙල් ය.
3අම්රාම්ගේ දරුවෝ:
ආරොන්, මෝසෙස් හා මිරියාම් ය.
ආරොන්ගේ පුත්‍රයෝ:
නාදාබ්, අබීහූ, එලෙයාසර් හා ඊතාමර් ය.
4එලෙයාසර්, පීනෙහාස්ගේ පියා ය.
පීනෙහාස්, අබිෂූවාගේ පියා ය.
5අබිෂූවා, බුක්කීගේ පියා ය.
බුක්කී, උස්සීගේ පියා ය.
6උස්සී, සෙරහියාගේ පියා ය.
සෙරහියා, මෙරායොත්ගේ පියා ය.
7මෙරායොත්, අමරියාගේ පියා ය.
අමරියා, අහිටූබ්ගේ පියා ය.
8අහිටූබ්, සාදෝක්ගේ පියා ය.
සාදෝක්, අහිමායස්ගේ පියා ය.
9අහිමායස්, අසරියාගේ පියා ය.
අසරියා, යෝහානාන්ගේ පියා ය.
10යෝහානාන්, අසරියාගේ පියා ය.
සාලමොන් යෙරුසලමේ ඉදි කළ ගෘහයේ පූජකයා ලෙස සේවය කළේ ඔහු ය.
11අසරියා, අමරියාගේ පියා ය.
අමරියා, අහිටූබ්ගේ පියා ය.
12අහිටූබ්, සාදෝක්ගේ පියා ය.
සාදෝක්, ෂල්ලූම්ගේ පියා ය.
13ෂල්ලූම්, හිල්කීයාගේ පියා ය.
හිල්කීයා, අසරියාගේ පියා ය.
14අසරියා, සෙරායාගේ පියා ය.
සෙරායා, යෙහෝසාදාක්ගේ පියා ය.
15 ස්වාමින්වහන්සේ, නෙබුකද්නෙසර් ලවා යූදා හා යෙරුසලම් ජනයා වහල්කමට යැවූ කල යෙහෝසාදාක් ද ගෙන යන ලදී.
16ලෙවීගේ පුත්‍රයෝ:
ගෙර්ෂොන්, කොහාත් හා මෙරාරී ය.
17ගෙර්ෂොන්ගේ පුත්‍රයන්ගේ නාම මෙසේ ය:
ලිබ්නි හා ෂිමෙයි ය.
18කොහාත්ගේ පුත්‍රයෝ:
අම්රාම්, ඉස්හාර්, හෙබ්‍රොන් හා උස්සියෙල් ය.
19මෙරාරීගේ පුත්‍රයෝ:
මාලී හා මූෂී ය.
තම පියවරුන්ට අනුව ලෙවීවරුන්ගේ පෙළපත් ඒවා ය.
20ගෙර්ෂොන්ගෙන්:
ඔහුගේ පුත්‍රයා ලිබ්නි ය. ඔහුගේ පුත්‍රයා යහත් ය.
ඔහුගේ පුත්‍රයා සිම්මා ය. 21ඔහුගේ පුත්‍රයා යෝවා ය.
ඔහුගේ පුත්‍රයා ඉද්දෝ ය. ඔහුගේ පුත්‍රයා සෙරා ය.
ඔහුගේ පුත්‍රයා යෙයාතෙරයි ය.
22කොහාත්ගේ පුත්‍රයෝ:
ඔහුගේ පුත්‍රයා අම්මිනාදාබ් ය. ඔහුගේ පුත්‍රයා කෝරා ය.
ඔහුගේ පුත්‍රයා අස්සීර් ය. 23ඔහුගේ පුත්‍රයා එල්කානා ය.
ඔහුගේ පුත්‍රයා එබියාසාෆ් ය. ඔහුගේ පුත්‍රයා අස්සීර් ය.
24ඔහුගේ පුත්‍රයා තහත් ය. ඔහුගේ පුත්‍රයා ඌරියෙල් ය.
ඔහුගේ පුත්‍රයා උස්සියා ය. ඔහුගේ පුත්‍රයා ෂාවුල් ය.
25එල්කානාගේ පුත්‍රයෝ:
අමාසයි හා අහීමොත් ය.
26ඔහුගේ පුත්‍රයා එල්කානා ය. ඔහුගේ පුත්‍රයා සෝෆයි ය.
ඔහුගේ පුත්‍රයා නහත් ය. 27ඔහුගේ පුත්‍රයා එලියාබ් ය.
ඔහුගේ පුත්‍රයා යෙරොහාම් ය. ඔහුගේ පුත්‍රයා එල්කානා ය.
ඔහුගේ පුත්‍රයා සාමුවෙල්#6:27 ඔහුගේ පුත්‍රයා සාමුවෙල් යන වාක්‍යය හෙබ්‍රෙව් බසින් සඳහන් නො වූවත් 1 සාමු 1:19-20 සහ 1 ලේක 6:33-34 යන කොටස් සමඟ සංසන්දනයෙන් සහ ඇතැම් ග්‍රීක පිටපත්වල පෙනෙන නිසා ඇතුළත් කරන ලදී. ය.
28සාමුවෙල්ගේ පුත්‍රයෝ:
යෝවෙල්#6:28 යෝවෙල් යන වචනය හෙබ්‍රෙව් පිටපත්වල නැත. 1 සාමු 8;2 සහ 1 ලේක 6:33 සමඟ සංසන්දනයෙන් සහ ඇතැම් පැරණි අනුවාදවල පෙනෙන නිසා ඇතුළත් කරන ලදී. කුලුඳුලා ය.
අබියා දෙවැන්නා ය.
29මෙරාරීගේ පුත්‍රයෝ:
මාලී ය. ඔහුගේ පුත්‍රයා ලිබ්නී ය.
ඔහුගේ පුත්‍රයා ෂිමෙයි ය. ඔහුගේ පුත්‍රයා උස්සා ය.
30ඔහුගේ පුත්‍රයා ෂිමෙයා ය. ඔහුගේ පුත්‍රයා හග්ගීයා ය.
ඔහුගේ පුත්‍රයා අසායා ය.
මාලිග සංගීතවේදීන්
31ගිවිසුම් කරඬුව ස්වාමින්වහන්සේගේ ගෘහයේ නැවතුම් ගත් පසු, එහි ගීතිකා මෙහෙයට දාවිත් විසින් පත් කළෝ මොවුහු ය. 32සාලමොන්, යෙරුසලමේ ස්වාමින්වහන්සේගේ ගෘහය ඉදිකරන තුරු ඔවුහු හමුවීමේ කූඩාරම් මණ්ඩපය අබියස ගීතිකා මෙහෙයයෙහි නියැළුණහ. ඔවුහු තමනට පවරා තිබූ නියමයන්ට අනුව තම සේවය ඉටු කළහ.
33තම පුතුන් සමඟ එක් ව සේවය කළෝ මොවුහු ය.
කොහාත් පුත්‍රයන්ගෙන්:
සංගීතවේදී හේමාන් ය.
ඔහු යෝවෙල්ගේ පුත්‍රයා ය. ඔහු සාමුවෙල්ගේ පුත්‍රයා ය.
34ඔහු එල්කානාගේ පුත්‍රයා. ඔහු යෙරොහාම්ගේ පුත්‍රයා ය.
ඔහු එලියෙල්ගේ පුත්‍රයා ය. ඔහු තෝවාගේ පුත්‍රයා ය.
35ඔහු සූෆ්ගේ පුත්‍රයා ය. ඔහු එල්කානාගේ පුත්‍රයා ය.
ඔහු මහත්ගේ පුත්‍රයා ය. ඔහු අමාසයිගේ පුත්‍රයා ය.
36ඔහු එල්කානාගේ පුත්‍රයා ය. ඔහු යෝවෙල්ගේ පුත්‍රයා ය.
ඔහු අසරියාගේ පුත්‍රයා ය. ඔහු සෙෆනියාගේ පුත්‍රයා ය.
37ඔහු තහත්ගේ පුත්‍රයා ය. ඔහු අස්සීර්ගේ පුත්‍රයා ය.
ඔහු එබියාසාෆ්ගේ පුත්‍රයා ය. ඔහු කෝරාගේ පුත්‍රයා ය.
38ඔහු ඉස්හාර්ගේ පුත්‍රයා ය. ඔහු කොහාත්ගේ පුත්‍රයා ය.
ඔහු ලෙවීගේ පුත්‍රයා ය. ඔහු ඉශ්‍රායෙල්ගේ පුත්‍රයා ය.
39හේමාන්ගේ දකුණු පස සිට සේවය කළේ ඔහුගේ හවුල්කාර ආසාෆ් ය.
ආසාෆ්, බෙරෙකියාගේ පුත්‍රයා ය. ඔහු ෂිමෙයාගේ පුත්‍රයා ය.
40ඔහු මිකායෙල්ගේ පුත්‍රයා ය. ඔහු බාසේයාගේ පුත්‍රයා ය.
ඔහු මල්කීයාගේ පුත්‍රයා ය. 41ඔහු එත්නීගේ පුත්‍රයා ය.
ඔහු සෙරාගේ පුත්‍රයා ය. ඔහු අදායාගේ පුත්‍රයා ය.
42ඔහු ඒතාන්ගේ පුත්‍රයා ය. ඔහු සිම්මාගේ පුත්‍රයා ය.
ඔහු ෂිමෙයිගේ පුත්‍රයා ය. 43ඔහු යහත්ගේ පුත්‍රයා ය.
ඔහු ගෙර්ෂොන්ගේ පුත්‍රයා ය. ඔහු ලෙවීගේ පුත්‍රයා ය.
44ඔවුන්ගේ සහෝදර මෙරාරී පුත්‍රයෝ ඔහුට වම් පසින් සිටියහ:
ඒතාන් ය. ඔහු කීෂිගේ පුත්‍රයා ය. ඔහු අබ්දීගේ පුත්‍රයා ය.
ඔහු මල්ලූක්ගේ පුත්‍රයා ය. 45ඔහු හෂබියාගේ පුත්‍රයා ය.
ඔහු අමසියාගේ පුත්‍රයා ය. ඔහු හිල්කීයාගේ පුත්‍රයා ය.
46ඔහු අම්සීගේ පුත්‍රයා ය. ඔහු බානීගේ පුත්‍රයා ය.
ඔහු ෂෙමෙර්ගේ පුත්‍රයා ය. 47ඔහු මාලීගේ පුත්‍රයා ය.
ඔහු මූෂීගේ පුත්‍රයා ය. ඔහු මෙරාරීගේ පුත්‍රයා ය.
ඔහු ලෙවීගේ පුත්‍රයා ය.
48ඔවුන්ගේ සහෝදර ලෙවීවරු දෙවියන්වහන්සේගේ ගෘහ මණ්ඩපයේ සෙසු සියලු මෙහෙයයන්ට පත් කෙරිණි. 49එහෙත් දෙවියන්වහන්සේගේ සේවක මෝසෙස් අණ කළ සියල්ලට අනුව අතිශුද්ධස්ථානයට අදාළ කටයුතු සියල්ල වන දවන යාග පූජාසනය පිට හා දුම් පූජාසනය පිට පූජා ඔප්පු කිරීමත්, ඉශ්‍රායෙල් උදෙසා පාප වන්දි නිවාරණය සැලැසීමත් ඉටු කළේ ආරොන් හා ඔහුගෙන් පැවත එන්නන් විසිනි.
50ආරොන්ගේ පුත්‍රයෝ මොවුහු ය:
ඔහුගේ පුත්‍රයා එලෙයාසර් ය. ඔහුගේ පුත්‍රයා පීනෙහාස් ය.
ඔහුගේ පුත්‍රයා අබිෂූවා ය. 51ඔහුගේ පුත්‍රයා බුක්කී ය.
ඔහුගේ පුත්‍රයා උස්සී ය. ඔහුගේ පුත්‍රයා සෙරහියා ය.
52ඔහුගේ පුත්‍රයා මෙරායොත් ය. ඔහුගේ පුත්‍රයා අමරියා ය.
ඔහුගේ පුත්‍රයා අහිටූබ් ය. 53ඔහුගේ පුත්‍රයා සාදෝක් ය.
ඔහුගේ පුත්‍රයා අහිමායස් ය.
54ඔවුන්ගේ දේශ සීමා තුළ ඔවුන්ගේ වාස භූමිවලට අනුව ඔවුන්ගේ වාසස්ථාන මේවා ය. කොහාත් පෙළපතින් එන ආරොන්ගේ පුත්‍රයනට ඒවා වෙන් කෙරිණි. මන්ද පළමු පස ඇටය වැටුණේ ඔවුන්ට ය.
55යූදාහි හෙබ්‍රොන් හා ඒ අවට තණ බිම් ඔවුන්ට දෙනු ලැබිණි. 56එහෙත් පුරවරය වටා වූ කෙත්වත් හා ගම්බිම් යෙෆුන්නෙගේ පුත් කාලෙබ්ට දෙනු ලැබිණි. 57එබැවින් ආරොන්ගෙන් පැවත එන්නවුන්ට අභය නගරයක්#6:57 අභය නගරයක් හෙබ්‍රෙව් අභය නගර 67 වන පදය ද එසේ ම ය. වන හෙබ්‍රොන් ද ලිබ්නා සමඟ එහි තණ බිම් ද යත්තීර්, එෂ්තෙමොවා සමඟ එහි තණ බිම් ද 58හීලේන් සමඟ එහි තණ බිම් ද දෙබීර් සමඟ එහි තණ බිම් ද 59ආෂාන් සමඟ එහි තණ බිම් ද බෙත්-ෂෙමෙෂ් සමඟ එහි තණ බිම් ද දෙනු ලැබිණි.
60බෙන්යමින් ගෝත්‍ර වංශයෙන් ගිබෙයොන්#6:60 ගිබෙයොන් යන වචනය හෙබ්‍රෙව් බසින් නො පෙනේ. යෝෂු 21;17 සමඟ සංසන්දනය කර ඇතුළත් කර ඇත. ද ගෙබා සමඟ එහි තණ බිම් ද ආලෙමෙත් සමඟ එහි තණ බිම් ද අනාතොත් සමඟ එහි තණ බිම් ද දෙනු ලැබිණි.
කොහාත් පිය පෙළපත් අතරේ බෙදා දුන් ඒ නගර සියල්ල ම දහතුනකි.
61කොහාත්වරුන්ගේ ඉතිරි වූවන්ට මනස්සේගේ අර්ධ ගෝත්‍ර වංශික පිය පෙළපත්වලින් නගර දහයක් පස ඇට දැමීමෙන් වෙන් කර දෙන ලදී.
62ගෙර්ෂොන්වරුන්ගේ පෙළපත්වලට අනුකූලව නගර දහතුනක් ඉස්සාකර්, ආෂෙර් හා නෆ්තලී යන ගෝත්‍ර වංශවලින් ද බාෂාන්හි මනස්සේගේ ගෝත්‍ර වංශ කොටසෙන් ද පස ඇට ක්‍රමයට වෙන් කර දෙන ලදී.
63මෙරාරීවරුන්ගේ පිය පෙළපත්වලට අනුකූලව රූබෙන්, ගාද් හා සාබුලොන් යන ගෝත්‍ර වංශවලින් නගර දොළොසක් පස ඇට ක්‍රමයට වෙන් කර දෙන ලදී.
64මෙසේ ඉශ්‍රායෙල්වරු ඒ නගර හා ඒවායේ තණ බිම් ලෙවීවරුන්ට දුන්හ.
65යූදා, සිමියොන් හා බෙන්යමින් යන ගෝත්‍ර වංශවලින් නම් කළ නගර ඔවුහු පස ඇට දැමීමෙන් වෙන් කර දුන්හ.
66කොහාත්වරුන්ගේ ඇතැම් පෙළපත්වලට ඔවුන්ගේ පළාත් නගර එප්‍රායිම් ගෝත්‍ර වංශයෙන් ලැබිණි.
67ඔවුන්ට එප්‍රායිම් කඳු රටේ අභය නගරයක් වන ෂෙකෙම් සමඟ එහි තණ බිම්, ගෙසෙර් සමඟ එහි තණ බිම්, 68යොක්මෙයාම් සමඟ එහි තණ බිම්, බෙත්-හෝරෝන් සමඟ එහි තණ බිම්, 69අයියාලොන් සමඟ එහි තණ බිම්, ගාත්-රිම්මෝන් සමඟ එහි තණ බිම් දෙනු ලැබිණි.
70කොහාත්වරුන්ගේ ඉතිරි පෙළපත්වලට මනස්සේ අර්ධ ගෝත්‍ර වංශයෙන් ආනේර් සමඟ එහි තණ බිම් ද බිලෙයාම් සමඟ එහි තණ බිම් ද දෙනු ලැබිණි.
71ගෙර්ෂොන්වරුන්ට
මනස්සේ අර්ධ ගෝත්‍ර වංශයෙන් බාෂාන්හි ගෝලාන් සමඟ එහි තණ බිම් ද අෂ්තාරෝත් සමඟ එහි තණ බිම් ද සමඟ ඒවායේ තණ බිම් දෙනු ලැබිණි.
72ඉස්සාකර් ගෝත්‍ර වංශයෙන් කෙදෙෂ් සමඟ එහි තණ බිම් ද දාබෙරත් සමඟ එහි තණ බිම් ද 73රාමොත් සමඟ එහි තණ බිම් ද අනෙම් සමඟ එහි තණ බිම් ද දෙනු ලැබිණි.
74ආෂෙර් ගෝත්‍ර වංශයෙන් මාෂාල් සමඟ එහි තණ බිම් ද අබ්දෝන් සමඟ එහි තණ බිම් ද 75හූකොක් සමඟ එහි තණ බිම් ද රෙහොබ් සමඟ එහි තණ බිම් ද දෙනු ලැබිණි.
76නෆ්තලී ගෝත්‍ර වංශයෙන් ගලීලයේ කෙදෙෂ් සමඟ එහි තණ බිම් ද හම්මෝන් සමඟ එහි තණ බිම් ද කිරියාතායිම් සමඟ එහි තණ බිම් ද දෙනු ලැබිණි.
77සෙසු මෙරාරීවරුන්ට
සාබුලොන් ගෝත්‍ර වංශයෙන් රිම්මෝනෝ සමඟ එහි තණ බිම් ද තාබෝර් සමඟ එහි තණ බිම් ද පස ඇට ක්‍රමයට වෙන් කර දෙන ලදී.
78තවද යෙරිකෝවේ, යොර්දානයෙන් එතෙර යොර්දානයට නැගෙනහිරින්, රූබෙන් ගෝත්‍ර වංශයෙන් පාළුකරයේ බෙසෙර් සමඟ එහි තණ බිම් ද යහස් සමඟ එහි තණ බිම් ද 79කෙදේමොත් සමඟ එහි තණ බිම් ද මේෆාත් ද සමඟ ඒවායේ තණ බිම් දෙනු ලැබිණි.
80ගාද් ගෝත්‍ර වංශයෙන් ගිලියාද්හි රාමොත් සමඟ එහි තණ බිම් ද මහනයිම් සමඟ එහි තණ බිම් ද 81හෙෂ්බෝන් සමඟ එහි තණ බිම් ද යාසේර් සමඟ එහි තණ බිම් ද දෙනු ලැබිණි.
දැනට තෝරාගෙන ඇත:
1 ලේකම් 6: SCV
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්‍රවේශ වීමට අවශ්‍යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.