Matthew Lefi 21
21
1-11Pan oeddynt yn agos i Gaersalem, wedi dyfod i Fethphage, gèr mynydd yr Oleẅwydd, Iesu á ddanfonodd ddau o’i ddysgyblion, gàn ddywedyd, Ewch i’r pentref sy gyferbyn â chwi, lle y cewch asen wedi ei rhwymo, a’i hebol gyda hi; gollyngwch hwynt, a dygwch hwynt yma. Os dywed neb ddim wrthych, dywedwch bod àr eich Meistr eu heisieu hwynt, ac efe á’u henfyn hwynt yn uniawn. A hyn oll á wnaethwyd, fel y cyflawnid geiriau y Proffwyd, “Dywedwch wrth ferch Seion, Wele y mae dy Frenin yn dyfod atat yn addfwyn, yn marchogaeth àr asen, sef llwdn anifail gweithio!” Yn ganlynol, y dysgyblion á aethant, a gwedi gwneuthur fel y gorchymynasai Iesu iddynt, á ddygasant yr asen a’r ebol, a gwedi eu gorchuddio â’u mantelli, á wnaethant iddo farchogaeth. A’r rhan fwyaf á daenasant eu mantelli àr y ffordd, ereill á dòrasant gangau o’r gwŷdd, ac á’u taenasant àr hyd y ffordd, tra yr oedd y dyrfa oedd yn myned o’r blaen, a’r hon oedd yn canlyn, yn gawrfloeddio, gàn ddywedyd, Hosanna i Fab Dafydd! Bendigedig fyddo yr Hwn sydd yn dyfod yn enw yr Arglwydd! Hosanna yn y goruchafion. Pan aeth efe i fewn i Gaersalem, yr holl ddinas á derfysgodd, pawb yn gofyn, Pwy yw hwn? Y dyrfa á atebodd, Iesu y Proffwyd o Nasareth yn Ngalilëa.
12-17Yna yr aeth Iesu i fewn i deml Duw, ac á ỳrodd allan oddyno bawb à werthent ac à brynent yn y deml, ac á ddymchwelodd fyrddau y newidwyr arian, ac ystalon y rhai à werthent golomenod, ac á ddywedodd wrthynt, Ysgrifenedig yw, “Tỳ gweddi y gelwir fy nhŷ i, ond chwi á’i gwnaethoch yn ffau ysbeilwyr.” Yna daeth y deillion a’r cloffion ato yn y deml, ac efe á’u hiachâodd hwynt. Eithr yr archoffeiriaid a’r ysgrifenyddion, wrth weled y rhyfeddodau à wnaethai efe, a’r bechgyn yn llefain yn y deml, Hosanna i Fab Dafydd, á ddywedasant wrtho gyda digllonrwydd, A wyt ti yn clywed beth y mae y rhai hyn yn ei ddywedyd? Iesu á atebodd, Ydwyf. Oni ddarllenasoch chwi erioed, “O enau mabanod a rhai yn sugno y perffeithiaist foliant.” A gwedi eu gadael hwynt, efe á aeth allan o’r ddinas i Fethania, lle yr arosodd efe y noson hòno.
18-22Wrth ddychwelyd i’r ddinas yn y bore, yr oedd arno eisieu bwyd, a gwedi gweled ffigysbren unig wrth y ffordd, efe á aeth ato; ond wrth ganfod dim ond dail arno, á ddywedodd, Na thyfed ffrwyth arnat ti o hyn allan. A’r ffigysbren á wywodd yn ebrwydd. Pan welai y dysgyblion ef, dywedasant dàn sỳnu, Mòr ebrwydd y gwywodd y ffigysbren! Iesu á atebodd, Yn wir, meddaf i chwi, pe byddai genych ffydd ddiysgog, gallech wneyd nid yn unig gymaint ag á wnaethwyd i’r ffigysbren, ond pe dywedech wrth y mynydd hwn, Coder di i fyny, a thafler di i’r môr, hyny á fyddai. Bethbynag á ofynwch mewn gweddi, gàn gredu, chwi á’i derbyniwch.
23-27Gwedi dyfod o hono i’r deml, yr archoffeiriaid a henuriaid y bobl á nesasant, fel yr oedd efe yn dysgu, ac á ddywedasant, Drwy ba awdurdod yr wyt ti yn gwneuthur y pethau hyn? a phwy á roddodd i ti yr awdurdod hwn? Iesu gàn ateb, á ddywedodd wrthynt, Y mae genyf finnau holiad iddei gynyg, yr hwn os atebwch fi, mi á ddywedaf i chwi drwy ba awdurdod yr wyf yn gwneuthur y pethau hyn. O ba le y cafodd Iöan awdurdod i drochi? Ai o’r nef, ynte oddwrth ddynion? Yna yr ymresymasant fel hyn ynynt eu hunain: Os dywedwn, O’r nef, efe á wrtheba, Paham, gàn hyny, na chredasech ef? Ac os dywedwn, Oddwrth ddynion, y mae arnom ofn y lliaws, yn mhlith y rhai y cyfrifir Iöan yn gyffredinol megys Proffwyd. Am hyny, hwy á’i hatebasant ef, Nis gwyddom. Iesu á atebodd, Nid wyf finnau yn dywedyd i chwi, drwy ba awdurdod yr wyf yn gwneuthur y pethau hyn.
28-32Ond beth dybygwch chwi am hyn? Yr oedd gàn ŵr ddau fab, ac efe á ddywedodd wrth ei fab hynach, Fab, dos gweithia heddyw yn fy ngwinllan. Yntau á atebodd, Nac af, ond wedi hyny á edifarâodd ac á aeth. Yna y dywedodd efe wrth yr ieuengach am wneuthur yr un modd. Yntau á atebodd, Yn ebrwydd, Syr, ond nid aeth. Yn awr, pa un o’r ddau á ufyddâodd iddei dad? Dywedasant, Y cyntaf. Iesu á atebodd, Yn wir, meddaf i chwi, y mae hyd yn nod y tollwyr a’r puteiniaid yn dangos i chwi y ffordd i deyrnas Duw. Canys daeth Iöan atoch yn ffordd santolaeth, a ni chredasoch ef; ond y tollwyr a’r puteiniaid á’i credasant ef; chwithau gwedi gweled hyn, nid edifarasoch wedi hyny, a’i gredu ef.
33-41Gwrandewch ddameg arall; meistr tir á blànodd winllan, ac á gaeodd o’i hamgylch, ac á gloddiodd winsang ynddi, ac á adeiladodd dŵr; a gwedi ei gosod hi i lafurwyr, á aeth oddicartref. Pan nesâodd amser gwinaethu, efe á ddanfonodd ei weision at y llafurwyr i dderbyn y ffrwythau. Ond hwy á ddaliasant ei weision ef, á gurasant un, á ỳrasant un arall ymaith â chèryg, ac a laddasant un arall. Drachefn, efe á ddanfonodd weision ereill mwy parchus; ond hwythau á gawsant yr un driniaeth. Yn ddiweddaf, efe á ddanfonodd ei fab atynt; canys efe á ddywedodd, Hwy á barchant fy mab. Ond pan welodd y llafurwyr y mab, hwy á ddywedasant yn eu plith eu hunain, Dyma yr etifedd, deuwch, lladdwn ef, a chadẅwn feddiant o’i etifeddiaeth ef. Yna y daliasant ef, á’i bwriasant allan o’r winllan, ac á’i lladdasant. Gan hyny, pan ddel perchenog y winllan, pa beth á wna efe i’r llafurwyr hyny? Hwythau á atebasant, Efe á ddyry yr adynod hyny i farwolaeth resynus, ac á esyd y winllan i ereill, à roddant iddo y ffrwythau yn y tymmor.
42-44Iesu á atebodd, Oni ddarllenasoch chwi erioed yn yr ysgrythyrau, “Maen à wrthododd yr adeiladwyr á wnaed yn ben y gongl. Hyn á wnaeth yr Arglwydd, a rhyfedd yw yn ein golwg ni.” Gwybyddwch, gàn hyny, y dygir teyrnas Duw oddarnoch chwi, ac y rhoddir hi i genedl à ddwg ei ffrwythau. Canys pwy bynag á syrthio àr y maen hwn, á falurir; ond àr bwybynag y syrthio y maen hwn, efe a’i mâl ef yn chwilfriw.
45-46Yr archoffeiriaid a’r Phariseaid, wedi clywed ei ddamegion ef, á wybuant mai am danynt hwy yr oedd efe yn llefaru; ond èr eu bod yn ewyllysio ei ddal ef, yr oedd arnynt ofn y werin, y rhai á’i cyfrifent ef megys proffwyd.
දැනට තෝරාගෙන ඇත:
Matthew Lefi 21: CJW
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Yr Oraclau Bywiol gan John Williams 1842. Cafodd y testun ei ddigideiddio gan Gymdeithas y Beibl yn 2021.