Matiye 25
25
Gusutar gə ɔji dɔ ꞌmbakumje gə dɔg
1Be ɓa ɓeko̰ gə Luba le a to ɗəw kara baa gə ꞌmbakumje gə dɔg gə d-odo lambeje lə-je cila ꞌne kəm nje jene. 2Nje gə mi horo-je gə ꞌto njekəm karəje, ɗaa kɛs-ɛje gə mi ꞌto mbəje baa. 3Mbəje gə mi le d-odo lambeje lə-je lal kunda ɗu ubu. 4Ngaa njekəm karəje gə mi le ɓa d-odo lambeje gə ubu kəne ngaɓa d-unda ɗu ubu mə ku gə. 5Logə gɔl nje jene le nay sir ɓi ɗaa ɓi ɗa-je ar-je ꞌcibi. 6Dan lo gə dana ngaɓa ꞌkuwi ɓar na: Nje jene le aw nee, a ꞌceje ꞌcilaje kəm-e ɓoo! 7Be ɓa, ꞌmbakumje le ꞌndol tɔ̰y, d-ḭ ꞌgɔl lambeje lə-je. 8Mbəje le ꞌɗe d-inga njekəm karəje ꞌdəji-je na: Ar-je-si ubu lə-si njɛ̰ na lambe lə-si a kaw kṵy. 9Njekəm karəje le ila-je kəne na: A kasə kar j-a kay j-ar-si ang, ngaa a̰yje awje ɓə lə njeɗab-ɛje aw ndogoje. 10Logə mbəje le d-ɔdə d-aw lo ndogo ubu lambe gə le ɗaa nje jene le ɗe toro-je gə, ɗaa nje gə ar pɛrɛrɛ le d-andə sə-a kəy ta naa gə to lo ɗa ndam, ngaɓa d-udu ta ɗəw bad. 11Go-e gə ngaɓa, ꞌmbakumje gə to mbəje le təl ɗe ɓar ne na: Mbayɓe, Mbayɓe ɔr ta kəy ar-si. 12Ngaa jingaw le ila-je kəne na: Tɔgərɔ ja, m-pa m-ar-si to gə m-gərə-si ang.
13Jeju tɔ dɔ gusutar nee le na: Ar-je mə-si to dɔ rɔ-si gə mba ꞌgərəje dɔ ndɔ-ɛ ang nəm dɔ kar-ɛ ang nəm.
Gusutar gə ɔji dɔ ngan njekulaje gə munda
Lug 19.12-27
14Ɓeko̰ lə Luba le to ɗəw kara baa to gə dəw gə aw gə mba gə ɗaa, ɓar ngan njekulaje lə-a, um nekingaje lə-a mə ji-je gə. 15N-ar dəw gə dɔngɔr mbɛl kula mi, n-ar ye gə njekum gə joo mbɛl kula joo, ngaɓa njekum gə munda n-ar-ɛ mbɛl kula kara, dəw gə ɗa-ɗa kara n-ar-ɛ asə dɔ singa-a ngaɓa n-ɔdə n-aw mba gə le. 16Ngon njekula gə d-ar-ɛ mbɛl kula mi le, ɔdə gə tɔg-ɛ baa ja aw ɗa ne kula ɗaa inga mar-ɛ kula mi um dɔ-ɛ gə. 17Ye gə d-ar-ɛ mbɛl kula joo kara ɗa to gə bənəng ɗaa inga mbɛl gə ɗangə kula joo um dɔ mar-ɛ gə. 18Ngaa dəw gə d-ar-ɛ mbɛl kula kara le ɔdə aw uru buwa nangə iya mbɛl lə ꞌɓəə-eje le kəne. 19Kuru lo əw go-e gə ɗaa ꞌɓəə ngan njekulaje le ḭ mba gə təl ɗe, ɗaa ɓar-je, dəji-je gə mba kar ꞌtura go nekingaje lə-a le d-ar-ɛ o. 20Be ɓa njekinga mbɛl kula mi le ɗe gə mbɛlje gə ɗangə gə inga mi le isi ne no ꞌɓəə-eje gə ngaɓa pa na: ꞌƁəə-mje, um mbɛl kula mi ji-m gə, ngaa a o, m-inga mar-ɛ mi m-um dɔ-ɛ gə. 21ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl. 22Ngon njekula gə nje kinga mbɛl gə kula joo le ɗe tɔ ɗaa pa na: ꞌƁəə-mje, ar-m mbɛl kula joo, a m-inga mar-ɛ kula joo m-um kəne nee. 23ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl. 24Dəw gə nje kinga mbɛl kula kara le kara ɗe tɔ ɗaa pa na: ꞌƁəə-mje, m-gərə to gə ꞌi le to dəw gə kədərə ya̰, lo gə ꞌdubu ne kəne ang kara unja nəm, ngaɓa mə ndɔ lə-i ang baa kara unja ne kəne nəm, 25m-ɓəəl, ɗaa m-aw m-uru buwa nangə m-iya lar lə-i le kəne: O, ne lə-i le ɓa nee. 26ꞌƁəə-eje le təl ila-a kəne na: Ngon njekula gə kṵra̰y gə njedabə, ꞌgərə to gə lo gə m-dubu ne kəne ang kara m-unja nəm ngaɓa ndɔ lə-m ang baa kara m-unja ne kəne nəm ɗaa, 27kəm kar ꞌngom lar lə-m le kəy ngom lar gə, a ɓo ndɔ gə m-təl m-ɗe nama m-a ta gə man-e dɔ-ɛ gə. 28Uwa-aje mbɛl gə ji-a gə le ꞌta-je ar-je dəw gə nje mbɛl gə kula dɔg. 29Mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə. 30Uwaje ngon njekula gə kṵra̰y nee le, ila-je cil ciməri gə ɗaga, lo gə d-a no gə d-a kusa ngangəje kəne mɔr-mɔr.
Tar gangə gə ɔji dɔ dəwje gə ꞌto Jiibije ang
31Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m. 32Gəl kuji dəwje tɔ̰y d-a mbo̰ naa no-m gə, ngaɓa m-a kay horo-je gə loe-loe, to to gə njenekuul kay ne horo badəmje gə biya̰je be, 33ɗaa m-a kum badəmje dɔ ji kɔl-m gə, gə biya̰je dɔ ji gəl-m gə. 34Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə. 35Mba ɓo ɔr-m ɗaa ar-mje ne m-usa; kunda ɔr-m ɗaa ar-mje man m-ay; m-to mba ɗaa uwa-mje mba gə maj-ɛ; 36m-aw kudu-m dum ɗaa ar-mje kubu m-ula, rɔ-m to-m ɗaa awje aw o-mje, d-uwa-m d-ila-m kəy kula gə ɗaa awje go-m gə. 37Be ɓa dəwje gə gadə-gadə nee le d-a təl kila kəne na: Mbayɓe, ndɔ gə ɗa gə ɓa j-o-i ɓo ɔr-i ɓa j-ar-i ne usa ose kunda ɔr-i ɓa j-ar-i man ay wa? 38Ndɔ gə ɗa gə ɓa j-o-i ꞌto mba ngaɓa j-uwa-i gə rɔ-si gə ose aw kud-i dum ngaɓa j-ar-i kubu ula wa? 39Ndɔ gə ɗa gə ɓa rɔ-i to-i ose d-uwa-i d-ila-i kəy kula gə ngaɓa j-aw j-o-i wa? 40Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən. 41Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a. 42Mba ɓo ɔr-m ɓa ar-mje ne m-usa ang, kunda ɔr-m ɓa ar-mje man m-ay ang. 43M-to mba ngaa uwa-mje gə rɔ-si gə ang, m-aw kudu-m dum ngaa ar-mje kubu m-ula ang nəm; rɔ-m to-m ose d-uwa-m d-ila kəy kula gə kara awje aw o-mje ang. 44Be ɓa d-a təl kila kəne na: Mbayɓe ndɔ gə ɗa gə ɓa j-o-i gə ɓo ose kunda ɔr-i, ose ꞌto mba, ose aw kud-i dum, ose rɔ-i to-i, ose d-uwa-i d-ila-i kəy kula gə ɓa jeje j-a la sə-i ang wa? 45Mbay le a təl kila-je kəne na: Tɔgərɔ ja, m-pa m-ar-si, dɔ karje tɔ̰y gə ꞌɗaje neje ne ang gə dəw d-o-e ne ang horo ngan mar-ɛje kara to ꞌma ja ɓa ꞌɗaje sə-m ang kən. 46Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.
දැනට තෝරාගෙන ඇත:
Matiye 25: lap
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2020, ATALTRAB. All rights reserved
Matiye 25
25
Gusutar gə ɔji dɔ ꞌmbakumje gə dɔg
1Be ɓa ɓeko̰ gə Luba le a to ɗəw kara baa gə ꞌmbakumje gə dɔg gə d-odo lambeje lə-je cila ꞌne kəm nje jene. 2Nje gə mi horo-je gə ꞌto njekəm karəje, ɗaa kɛs-ɛje gə mi ꞌto mbəje baa. 3Mbəje gə mi le d-odo lambeje lə-je lal kunda ɗu ubu. 4Ngaa njekəm karəje gə mi le ɓa d-odo lambeje gə ubu kəne ngaɓa d-unda ɗu ubu mə ku gə. 5Logə gɔl nje jene le nay sir ɓi ɗaa ɓi ɗa-je ar-je ꞌcibi. 6Dan lo gə dana ngaɓa ꞌkuwi ɓar na: Nje jene le aw nee, a ꞌceje ꞌcilaje kəm-e ɓoo! 7Be ɓa, ꞌmbakumje le ꞌndol tɔ̰y, d-ḭ ꞌgɔl lambeje lə-je. 8Mbəje le ꞌɗe d-inga njekəm karəje ꞌdəji-je na: Ar-je-si ubu lə-si njɛ̰ na lambe lə-si a kaw kṵy. 9Njekəm karəje le ila-je kəne na: A kasə kar j-a kay j-ar-si ang, ngaa a̰yje awje ɓə lə njeɗab-ɛje aw ndogoje. 10Logə mbəje le d-ɔdə d-aw lo ndogo ubu lambe gə le ɗaa nje jene le ɗe toro-je gə, ɗaa nje gə ar pɛrɛrɛ le d-andə sə-a kəy ta naa gə to lo ɗa ndam, ngaɓa d-udu ta ɗəw bad. 11Go-e gə ngaɓa, ꞌmbakumje gə to mbəje le təl ɗe ɓar ne na: Mbayɓe, Mbayɓe ɔr ta kəy ar-si. 12Ngaa jingaw le ila-je kəne na: Tɔgərɔ ja, m-pa m-ar-si to gə m-gərə-si ang.
13Jeju tɔ dɔ gusutar nee le na: Ar-je mə-si to dɔ rɔ-si gə mba ꞌgərəje dɔ ndɔ-ɛ ang nəm dɔ kar-ɛ ang nəm.
Gusutar gə ɔji dɔ ngan njekulaje gə munda
Lug 19.12-27
14Ɓeko̰ lə Luba le to ɗəw kara baa to gə dəw gə aw gə mba gə ɗaa, ɓar ngan njekulaje lə-a, um nekingaje lə-a mə ji-je gə. 15N-ar dəw gə dɔngɔr mbɛl kula mi, n-ar ye gə njekum gə joo mbɛl kula joo, ngaɓa njekum gə munda n-ar-ɛ mbɛl kula kara, dəw gə ɗa-ɗa kara n-ar-ɛ asə dɔ singa-a ngaɓa n-ɔdə n-aw mba gə le. 16Ngon njekula gə d-ar-ɛ mbɛl kula mi le, ɔdə gə tɔg-ɛ baa ja aw ɗa ne kula ɗaa inga mar-ɛ kula mi um dɔ-ɛ gə. 17Ye gə d-ar-ɛ mbɛl kula joo kara ɗa to gə bənəng ɗaa inga mbɛl gə ɗangə kula joo um dɔ mar-ɛ gə. 18Ngaa dəw gə d-ar-ɛ mbɛl kula kara le ɔdə aw uru buwa nangə iya mbɛl lə ꞌɓəə-eje le kəne. 19Kuru lo əw go-e gə ɗaa ꞌɓəə ngan njekulaje le ḭ mba gə təl ɗe, ɗaa ɓar-je, dəji-je gə mba kar ꞌtura go nekingaje lə-a le d-ar-ɛ o. 20Be ɓa njekinga mbɛl kula mi le ɗe gə mbɛlje gə ɗangə gə inga mi le isi ne no ꞌɓəə-eje gə ngaɓa pa na: ꞌƁəə-mje, um mbɛl kula mi ji-m gə, ngaa a o, m-inga mar-ɛ mi m-um dɔ-ɛ gə. 21ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl. 22Ngon njekula gə nje kinga mbɛl gə kula joo le ɗe tɔ ɗaa pa na: ꞌƁəə-mje, ar-m mbɛl kula joo, a m-inga mar-ɛ kula joo m-um kəne nee. 23ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl. 24Dəw gə nje kinga mbɛl kula kara le kara ɗe tɔ ɗaa pa na: ꞌƁəə-mje, m-gərə to gə ꞌi le to dəw gə kədərə ya̰, lo gə ꞌdubu ne kəne ang kara unja nəm, ngaɓa mə ndɔ lə-i ang baa kara unja ne kəne nəm, 25m-ɓəəl, ɗaa m-aw m-uru buwa nangə m-iya lar lə-i le kəne: O, ne lə-i le ɓa nee. 26ꞌƁəə-eje le təl ila-a kəne na: Ngon njekula gə kṵra̰y gə njedabə, ꞌgərə to gə lo gə m-dubu ne kəne ang kara m-unja nəm ngaɓa ndɔ lə-m ang baa kara m-unja ne kəne nəm ɗaa, 27kəm kar ꞌngom lar lə-m le kəy ngom lar gə, a ɓo ndɔ gə m-təl m-ɗe nama m-a ta gə man-e dɔ-ɛ gə. 28Uwa-aje mbɛl gə ji-a gə le ꞌta-je ar-je dəw gə nje mbɛl gə kula dɔg. 29Mba dəw gə ne ga̰ ji-a gə ɓa d-a kar-ɛ mar-ɛ ɗaa a ɗusu ji-a, ngaa dəw gə ne godo ji-a gə le, ye gə ga̰ ji-a gə njɛ̰ ja kara d-a ta ɗɔdə. 30Uwaje ngon njekula gə kṵra̰y nee le, ila-je cil ciməri gə ɗaga, lo gə d-a no gə d-a kusa ngangəje kəne mɔr-mɔr.
Tar gangə gə ɔji dɔ dəwje gə ꞌto Jiibije ang
31Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m. 32Gəl kuji dəwje tɔ̰y d-a mbo̰ naa no-m gə, ngaɓa m-a kay horo-je gə loe-loe, to to gə njenekuul kay ne horo badəmje gə biya̰je be, 33ɗaa m-a kum badəmje dɔ ji kɔl-m gə, gə biya̰je dɔ ji gəl-m gə. 34Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə. 35Mba ɓo ɔr-m ɗaa ar-mje ne m-usa; kunda ɔr-m ɗaa ar-mje man m-ay; m-to mba ɗaa uwa-mje mba gə maj-ɛ; 36m-aw kudu-m dum ɗaa ar-mje kubu m-ula, rɔ-m to-m ɗaa awje aw o-mje, d-uwa-m d-ila-m kəy kula gə ɗaa awje go-m gə. 37Be ɓa dəwje gə gadə-gadə nee le d-a təl kila kəne na: Mbayɓe, ndɔ gə ɗa gə ɓa j-o-i ɓo ɔr-i ɓa j-ar-i ne usa ose kunda ɔr-i ɓa j-ar-i man ay wa? 38Ndɔ gə ɗa gə ɓa j-o-i ꞌto mba ngaɓa j-uwa-i gə rɔ-si gə ose aw kud-i dum ngaɓa j-ar-i kubu ula wa? 39Ndɔ gə ɗa gə ɓa rɔ-i to-i ose d-uwa-i d-ila-i kəy kula gə ngaɓa j-aw j-o-i wa? 40Ɗaa Mbay le a təl kila-je kəne na: Tɔgərɔ ja, m-pa m-ar-si, lo gə ɗa gə ja ɓa ꞌɗaje məmay gə dəw kara baa ja horo ngan ko̰-mje gə nee ɗaa, to ꞌma ja ɓa ꞌɗaje sə-m kən. 41Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a. 42Mba ɓo ɔr-m ɓa ar-mje ne m-usa ang, kunda ɔr-m ɓa ar-mje man m-ay ang. 43M-to mba ngaa uwa-mje gə rɔ-si gə ang, m-aw kudu-m dum ngaa ar-mje kubu m-ula ang nəm; rɔ-m to-m ose d-uwa-m d-ila kəy kula gə kara awje aw o-mje ang. 44Be ɓa d-a təl kila kəne na: Mbayɓe ndɔ gə ɗa gə ɓa j-o-i gə ɓo ose kunda ɔr-i, ose ꞌto mba, ose aw kud-i dum, ose rɔ-i to-i, ose d-uwa-i d-ila-i kəy kula gə ɓa jeje j-a la sə-i ang wa? 45Mbay le a təl kila-je kəne na: Tɔgərɔ ja, m-pa m-ar-si, dɔ karje tɔ̰y gə ꞌɗaje neje ne ang gə dəw d-o-e ne ang horo ngan mar-ɛje kara to ꞌma ja ɓa ꞌɗaje sə-m ang kən. 46Be ɓa njeməndulje nee le a kaw kəm pər gə a to gə no gə, ngaa dəwje gə gadə-gadə a kinga təbə gə a to gə ndɔ gə ndɔ.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2020, ATALTRAB. All rights reserved