Matiye 24
24
ƁEKO̰ LƏ LUBA AW ƊE
Tar lə ɓe gə Jerujalɛm gə a tuji, gə ɗe lə Ngon lə dəw
Mrk 13.1-37
1Logə Jeju ce kəy gə lə Luba aw aw ɗaa ngan njenendoje lə-a ꞌɗe d-inga ꞌtɔj-ɛ ji kunda kəy lə Luba gə d-unda le. 2Ngaa Jeju ila-je kəne na: Aje oje ja ɗa? Tɔgərɔ ja m-pa m-ar-si to gə kɔr ər kara baa ja kara a nay dɔ mar-ɛ gə ang: d-a rundu neje tɔ̰y nangə pulug-pulug.
3Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?
4Jeju ila-je kəne na: Undaje kəm karə dɔ rɔ-si gə ɓo ar-je dəw ər-si ang. 5Mba dəwje bula d-a ɗe gə ri-m, d-a pa na: ꞌMa ja m-to Kirisi, ngaɓa d-a kərə ne dəwje bula. 6Sisəy a koje tar ɗɔje gə kɔr neɗɔje gə a ɓar: Əwje rɔ-si kar mə-si gangə man, mba to ne gə a ɗe. Ngaa to ɗud-e ang ɓi. 7Gəl kuji dəwje d-a ɗɔ naa, gə ɓeko̰je d-a ɗɔ naa, gə loje ɓədə-ɓədə, ɓo a ko̰, ngaɓa dɔ nangə kara a yəgə nəm tɔ. 8Neje tɔ̰y nee le a to to gə kuma kudu ndo gə aw to jene be baa ɓi. 9Be ɓa d-a kun dɔ-si kar d-a kuwa-si kula kəm-si ndoo, gə d-a tɔl si nəm ngaɓa gəl kujije tɔ̰y d-a njigi-si ang gə kɔrɔ mba tar lə-m. 10Gəl-e gə nee ɓa dəwje bula d-a kiya̰ takagə lə-je kila kɔrɔ, gə nje gə d-a kun dɔ naa gə yo gə nee, ngaɓa d-a njigi naa ang gə kɔrɔgə yo gə nee. 11Pajambərəje gə gə mbɔr-ɛ baa bula d-a kərə dəwje bula. 12Ngaɓa go njigi lə dəwje bula a təl kul ɗɛng-ɗɛng mba neɗa gə dɔ buguru a kɔsə dɔ mar-ɛ gə kede-kede. 13Ngaa dəw gə uwa gədərə saar ce ɗud-e gə ɓa a kinga kaji. 14D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.
15Gəl-e gə ne ɓa, logə a koje nje ɗa nekɔbə gə to nje tuji lo a ɗe kisi lo gə to gə losang-ɛ gə, to gə pajambərə Daniyɛl pa tar-ɛ. A ɓo dəw gə tura nama, sangə ɗəw mba gərə gəl tar gə nee le.#24.15 N-to njeba̰a̰ lə Kirisi ngaɓa kar Luba nəm. 16Dɔ kar-ɛ gə əng le, nje gə d-a kisi dɔ nangə gə Jude nama may kar d-a̰y gə dɔ ərje gə. 17Dəw gə isi dɔ kəy#24.17 Dɔ kəy lə nje gə dɔ nangə gə Palɛsətin le ꞌɗa d-ar to to gə dɔ pal be ngaɓa to lo kisi kuwa kɔr tɔ, gə nama, a ɗisi kun ne gə to mə kəy gə ang, 18nəm ɓa dəw gə ar aw ɗa kula ndɔɔ nama a̰y dɔ-ɛ gə kede ɓo a təl kaw ɓe mba kaw kun kubu lə-a ang. 19Dɔ ndɔ-ɛje gə əng le, nekəmandoo a to kar jeneje gə d-a kaw gə kɛ̰m gə nje gə nganje d-aw d-il mba ɓi. 20ꞌDəjije Luba mba kar ndɔ ka̰y lə-si oso nay kul gə ang nəm ɓa ndɔ kuwa kɔr gə ang nəm tɔ. 21Mba dɔ kar-ɛ gə əng ja le, neməko̰je gə to ɓəəl ya̰ gə ce ndɔ kara ang a ce dɔ nangə. Ngaɓa neməko̰ gə be le a təl ce ang magə ja gə dɔbo̰. 22Ngaɓa to gə ɓo Luba ɔsə ta ndɔje nee le gangə ang nama, dəw kara kara a kinga kaji ang, ngaa mba dəwje gə Luba ja mbərə-je le ɗaa, n-a kɔsə ne ta ndɔje nee le gangə. 23To gə ɓo dəw pa ar-si na: Kirisi a ar nee, ose ye a n-ar nu kən, nama ꞌtaje kag-ɛ ang. 24Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm. 25M-pa tar-ɛ kede nam. 26Ngaa ɓo dəw pa ar-si na: Ye a n-ar mə ndag lo gə nee nama ꞌce awje kəne ang, oje ye a n-ar mə kəy gə be gə nama ꞌtaje kag-ɛ ang. 27Be ɓa, ɗe lə-m ꞌma gə Ngon lə dəw le a to to gə təl lə nji gə ndogo lo ce gə lə kar aw saar lo kuru nangə gə lə-a be. 28Lo gə yo ne a to kəne le malje d-a mbo̰ naa kəne ja.
29Mɛrɛrɛ baa ja go nekəmandoo gə to ɓəəl gə a ɗa dəwje le ɗaa, kar a kɔsə ang, nay kara a nda ang, ndɛ̰ndərɛ̰ndɛ̰je d-a kḭ dara toso nangə ngaɓa neje gə to ɓəəl to ɓəəl gə dara kara d-a yəgə nəm tɔ#24.29 Oje Joy 2.10; Eja 34.4; Lgn 6.12-13. 30Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy#24.30 Oje Dan 7.13. 31ꞌMa gə Ngon lə dəw m-a kula anjije lə-m gə ndu kuul gə a ɓar ɓolong ngaɓa d-a mbo̰ dəwje gə m-mbərə-je kil nangə gə sɔɔ gə, un kude ko̰ nangə gə saar ce ne ko̰ dara gə. 32Oje ne gə kagə tungu tɔji-si gə gusutar nee: Logə ba̰a̰ kag-ɛ iri gə kam-ɛje unji nama ꞌgərəje to gə nay ɓar nay njɛ̰ baa ngaa. 33Ɗəw kara baa, to gə sisəy kara, logə a koje neje tɔ̰y gə əng le ɗaa, may kar-si ꞌgərəje to gə ꞌma gə Ngon lə dəw m-ar ta ɗəw gə kɛgɛgɛ ngaa. 34Tɔgərɔ ja m-pa m-ar-si to gə dəwje gə ɓogəne d-a kuy ɗunga ang ja neje tɔ̰y nee le a ɗe. 35Dara je gə nangə d-a nday, ngaa tarje lə-m d-a nday ang.
36Tar gə ɔji dɔ ndɔ-ɛ ose dɔ kar-ɛ le dəw kara kara gərə ang nəm, anjije gə dara gərə ang nəm, ɓa ꞌma gə Ngon ja kara m-gərə ang nəm, ngaa Bɔ dəwje ja gə kar-ɛ baa ɓa gərə. 37To gə dɔ ndɔ gə lə Nowe le, ɗe lə-m ꞌma gə Ngon lə dəw kara a to ɗəw kara baa to gə be tɔ. 38To gə dɔ ndɔje gə kede nam ɓa gə kar man bələm ta lo le, dəwje d-usa gə d-ay, ꞌta naa ngaɓa d-ar nganje kara ta naa nəm saar ndɔ gə Nowe andə ne mə to gə; 39Cibi dɔ-je tɔ̰ kəne kəng ang saar ndɔ gə man bələm ɗe ta neje yom; ndɔ ɗe lə-m ꞌma gə Ngon lə dəw kara a to to gə be ja tɔ. 40Ndɔ-ɛ le, jingawje joo gə d-a kar ɗa kula ndɔɔ le, d-a kun dəw gə kara, ɗaa d-a kiya̰ ye gə kara, 41jeneje joo gə d-a kar kuru gɔy le, d-a kun dəw gə kara, ɗaa d-a kiya̰ ye gə kara#24.41 Tar gə nee le Jeju pa gə nekɔji mar-ɛ. Luba ja a kun dəw gə kara mba kiya̰ ye gə kara. 42Ar-je kɛgɛgɛ, mba ꞌgərəje ndɔ gə Mbayɓe lə-si a ɗe ne ang. 43Oje tar gə nee gə maj-ɛ: To gə ɓo njekəy gərə kar gə nje ɓogo a ɗe ne mə cil gə nama, a kisi kəm baa ja mba kɔg-ɛ lo cɛdə ta kəy lə-a. 44Gəl-e gə ne ɓa, sisəy kara ar-je kɛgɛgɛ dɔ gɔl si gə, mba ꞌma gə Ngon lə dəw m-a ɗe gə dɔ kar gə a kəjije kəne ang.
Ngon njekula gə may gə ye gə kṵra̰y
Lug 12.41-48
45Na ɓa to ngon njekula gə to ngon kuji gə to nje kəm karə, ɓa ꞌɓəə-eje um kula ji-a gə, mba kar-ɛ ar dəwje gə mə kəy gə nekusa gə dɔ kar-ɛ kar-ɛ wa? 46Nokarə a to mba ngon njekula gə to gə be mba ꞌɓəə-eje a təl ɗe kinga-a dɔ kula ɗ-ɛ gə may gə. 47Tɔgərɔ ja, m-pa m-ar-si, ꞌɓəə-eje a kun-e kunda-a dɔ nekingaje gə lə-a tɔ̰y. 48Ngaa to gə ɓo to ngon njekula gə kṵra̰y baa, gə pa m-e gə na: ꞌƁəə-mje a ɗe gə tɔg-ɛ ang, 49to gə ɓo n-uru dɔ ngan mar-ɛje gə kunda-je, ngaɓa təl uwa baa kusa gə baa kay ne gə mbə kodoje, 50nama ꞌɓəə ngon njekula nee le a ɗe gə ndɔ gə n-unda m-e kəne ang ngaɓa gə dɔ kar gə n-a gərə ang ja, 51ɗaa n-a tɔb-ɛ, ngaɓa n-a ɗa sə-a ne gə d-a ɗa gə njetar mulaje, n-a kila-a lo gə to lo no gə lo kusa ngangə mɔr-mɔr.
දැනට තෝරාගෙන ඇත:
Matiye 24: lap
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2020, ATALTRAB. All rights reserved
Matiye 24
24
ƁEKO̰ LƏ LUBA AW ƊE
Tar lə ɓe gə Jerujalɛm gə a tuji, gə ɗe lə Ngon lə dəw
Mrk 13.1-37
1Logə Jeju ce kəy gə lə Luba aw aw ɗaa ngan njenendoje lə-a ꞌɗe d-inga ꞌtɔj-ɛ ji kunda kəy lə Luba gə d-unda le. 2Ngaa Jeju ila-je kəne na: Aje oje ja ɗa? Tɔgərɔ ja m-pa m-ar-si to gə kɔr ər kara baa ja kara a nay dɔ mar-ɛ gə ang: d-a rundu neje tɔ̰y nangə pulug-pulug.
3Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?
4Jeju ila-je kəne na: Undaje kəm karə dɔ rɔ-si gə ɓo ar-je dəw ər-si ang. 5Mba dəwje bula d-a ɗe gə ri-m, d-a pa na: ꞌMa ja m-to Kirisi, ngaɓa d-a kərə ne dəwje bula. 6Sisəy a koje tar ɗɔje gə kɔr neɗɔje gə a ɓar: Əwje rɔ-si kar mə-si gangə man, mba to ne gə a ɗe. Ngaa to ɗud-e ang ɓi. 7Gəl kuji dəwje d-a ɗɔ naa, gə ɓeko̰je d-a ɗɔ naa, gə loje ɓədə-ɓədə, ɓo a ko̰, ngaɓa dɔ nangə kara a yəgə nəm tɔ. 8Neje tɔ̰y nee le a to to gə kuma kudu ndo gə aw to jene be baa ɓi. 9Be ɓa d-a kun dɔ-si kar d-a kuwa-si kula kəm-si ndoo, gə d-a tɔl si nəm ngaɓa gəl kujije tɔ̰y d-a njigi-si ang gə kɔrɔ mba tar lə-m. 10Gəl-e gə nee ɓa dəwje bula d-a kiya̰ takagə lə-je kila kɔrɔ, gə nje gə d-a kun dɔ naa gə yo gə nee, ngaɓa d-a njigi naa ang gə kɔrɔgə yo gə nee. 11Pajambərəje gə gə mbɔr-ɛ baa bula d-a kərə dəwje bula. 12Ngaɓa go njigi lə dəwje bula a təl kul ɗɛng-ɗɛng mba neɗa gə dɔ buguru a kɔsə dɔ mar-ɛ gə kede-kede. 13Ngaa dəw gə uwa gədərə saar ce ɗud-e gə ɓa a kinga kaji. 14D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.
15Gəl-e gə ne ɓa, logə a koje nje ɗa nekɔbə gə to nje tuji lo a ɗe kisi lo gə to gə losang-ɛ gə, to gə pajambərə Daniyɛl pa tar-ɛ. A ɓo dəw gə tura nama, sangə ɗəw mba gərə gəl tar gə nee le.#24.15 N-to njeba̰a̰ lə Kirisi ngaɓa kar Luba nəm. 16Dɔ kar-ɛ gə əng le, nje gə d-a kisi dɔ nangə gə Jude nama may kar d-a̰y gə dɔ ərje gə. 17Dəw gə isi dɔ kəy#24.17 Dɔ kəy lə nje gə dɔ nangə gə Palɛsətin le ꞌɗa d-ar to to gə dɔ pal be ngaɓa to lo kisi kuwa kɔr tɔ, gə nama, a ɗisi kun ne gə to mə kəy gə ang, 18nəm ɓa dəw gə ar aw ɗa kula ndɔɔ nama a̰y dɔ-ɛ gə kede ɓo a təl kaw ɓe mba kaw kun kubu lə-a ang. 19Dɔ ndɔ-ɛje gə əng le, nekəmandoo a to kar jeneje gə d-a kaw gə kɛ̰m gə nje gə nganje d-aw d-il mba ɓi. 20ꞌDəjije Luba mba kar ndɔ ka̰y lə-si oso nay kul gə ang nəm ɓa ndɔ kuwa kɔr gə ang nəm tɔ. 21Mba dɔ kar-ɛ gə əng ja le, neməko̰je gə to ɓəəl ya̰ gə ce ndɔ kara ang a ce dɔ nangə. Ngaɓa neməko̰ gə be le a təl ce ang magə ja gə dɔbo̰. 22Ngaɓa to gə ɓo Luba ɔsə ta ndɔje nee le gangə ang nama, dəw kara kara a kinga kaji ang, ngaa mba dəwje gə Luba ja mbərə-je le ɗaa, n-a kɔsə ne ta ndɔje nee le gangə. 23To gə ɓo dəw pa ar-si na: Kirisi a ar nee, ose ye a n-ar nu kən, nama ꞌtaje kag-ɛ ang. 24Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm. 25M-pa tar-ɛ kede nam. 26Ngaa ɓo dəw pa ar-si na: Ye a n-ar mə ndag lo gə nee nama ꞌce awje kəne ang, oje ye a n-ar mə kəy gə be gə nama ꞌtaje kag-ɛ ang. 27Be ɓa, ɗe lə-m ꞌma gə Ngon lə dəw le a to to gə təl lə nji gə ndogo lo ce gə lə kar aw saar lo kuru nangə gə lə-a be. 28Lo gə yo ne a to kəne le malje d-a mbo̰ naa kəne ja.
29Mɛrɛrɛ baa ja go nekəmandoo gə to ɓəəl gə a ɗa dəwje le ɗaa, kar a kɔsə ang, nay kara a nda ang, ndɛ̰ndərɛ̰ndɛ̰je d-a kḭ dara toso nangə ngaɓa neje gə to ɓəəl to ɓəəl gə dara kara d-a yəgə nəm tɔ#24.29 Oje Joy 2.10; Eja 34.4; Lgn 6.12-13. 30Be ɓa, dəwje d-a ko ne gə a tɔji ɗe lə ꞌma gə Ngon lə dəw ɗang-ɗang mə dara gə, gəl kujije tɔ̰y gə dɔ nangə nee d-a kunda kar-je no ne, ngaɓa d-a ko Ngon lə dəw a kar dɔ kil gə lə nji gə dara mba ɗe gə singamongə ngaɓa gə ndogo lə-a gə boy#24.30 Oje Dan 7.13. 31ꞌMa gə Ngon lə dəw m-a kula anjije lə-m gə ndu kuul gə a ɓar ɓolong ngaɓa d-a mbo̰ dəwje gə m-mbərə-je kil nangə gə sɔɔ gə, un kude ko̰ nangə gə saar ce ne ko̰ dara gə. 32Oje ne gə kagə tungu tɔji-si gə gusutar nee: Logə ba̰a̰ kag-ɛ iri gə kam-ɛje unji nama ꞌgərəje to gə nay ɓar nay njɛ̰ baa ngaa. 33Ɗəw kara baa, to gə sisəy kara, logə a koje neje tɔ̰y gə əng le ɗaa, may kar-si ꞌgərəje to gə ꞌma gə Ngon lə dəw m-ar ta ɗəw gə kɛgɛgɛ ngaa. 34Tɔgərɔ ja m-pa m-ar-si to gə dəwje gə ɓogəne d-a kuy ɗunga ang ja neje tɔ̰y nee le a ɗe. 35Dara je gə nangə d-a nday, ngaa tarje lə-m d-a nday ang.
36Tar gə ɔji dɔ ndɔ-ɛ ose dɔ kar-ɛ le dəw kara kara gərə ang nəm, anjije gə dara gərə ang nəm, ɓa ꞌma gə Ngon ja kara m-gərə ang nəm, ngaa Bɔ dəwje ja gə kar-ɛ baa ɓa gərə. 37To gə dɔ ndɔ gə lə Nowe le, ɗe lə-m ꞌma gə Ngon lə dəw kara a to ɗəw kara baa to gə be tɔ. 38To gə dɔ ndɔje gə kede nam ɓa gə kar man bələm ta lo le, dəwje d-usa gə d-ay, ꞌta naa ngaɓa d-ar nganje kara ta naa nəm saar ndɔ gə Nowe andə ne mə to gə; 39Cibi dɔ-je tɔ̰ kəne kəng ang saar ndɔ gə man bələm ɗe ta neje yom; ndɔ ɗe lə-m ꞌma gə Ngon lə dəw kara a to to gə be ja tɔ. 40Ndɔ-ɛ le, jingawje joo gə d-a kar ɗa kula ndɔɔ le, d-a kun dəw gə kara, ɗaa d-a kiya̰ ye gə kara, 41jeneje joo gə d-a kar kuru gɔy le, d-a kun dəw gə kara, ɗaa d-a kiya̰ ye gə kara#24.41 Tar gə nee le Jeju pa gə nekɔji mar-ɛ. Luba ja a kun dəw gə kara mba kiya̰ ye gə kara. 42Ar-je kɛgɛgɛ, mba ꞌgərəje ndɔ gə Mbayɓe lə-si a ɗe ne ang. 43Oje tar gə nee gə maj-ɛ: To gə ɓo njekəy gərə kar gə nje ɓogo a ɗe ne mə cil gə nama, a kisi kəm baa ja mba kɔg-ɛ lo cɛdə ta kəy lə-a. 44Gəl-e gə ne ɓa, sisəy kara ar-je kɛgɛgɛ dɔ gɔl si gə, mba ꞌma gə Ngon lə dəw m-a ɗe gə dɔ kar gə a kəjije kəne ang.
Ngon njekula gə may gə ye gə kṵra̰y
Lug 12.41-48
45Na ɓa to ngon njekula gə to ngon kuji gə to nje kəm karə, ɓa ꞌɓəə-eje um kula ji-a gə, mba kar-ɛ ar dəwje gə mə kəy gə nekusa gə dɔ kar-ɛ kar-ɛ wa? 46Nokarə a to mba ngon njekula gə to gə be mba ꞌɓəə-eje a təl ɗe kinga-a dɔ kula ɗ-ɛ gə may gə. 47Tɔgərɔ ja, m-pa m-ar-si, ꞌɓəə-eje a kun-e kunda-a dɔ nekingaje gə lə-a tɔ̰y. 48Ngaa to gə ɓo to ngon njekula gə kṵra̰y baa, gə pa m-e gə na: ꞌƁəə-mje a ɗe gə tɔg-ɛ ang, 49to gə ɓo n-uru dɔ ngan mar-ɛje gə kunda-je, ngaɓa təl uwa baa kusa gə baa kay ne gə mbə kodoje, 50nama ꞌɓəə ngon njekula nee le a ɗe gə ndɔ gə n-unda m-e kəne ang ngaɓa gə dɔ kar gə n-a gərə ang ja, 51ɗaa n-a tɔb-ɛ, ngaɓa n-a ɗa sə-a ne gə d-a ɗa gə njetar mulaje, n-a kila-a lo gə to lo no gə lo kusa ngangə mɔr-mɔr.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2020, ATALTRAB. All rights reserved