Seemthawhnak 5
5
Adam ih Hrinsarpawl—Noah leh a Tiapale
1Hihi Adam ih hrinsarpawl cazin a ii. Pathian ni minung a seemsuah tikah amah Pathian mangin a vua hngai. 2Pami leh numi a vua hngai, cun thlua a suah hngai ih ‘minung’ tiah min a vawh hngai.
3Adam cu kum 130 a ti tikah, amah cawh, cun amah muihmel keng tiapa ih pa ah a cang, culeh a min ah Seth a vawh. 4Seth ih pa a can hnuk Adam ih kum cu 800 a ii ih tiapale pace leh tianule a ngei hngai. 5Cuticun Adam a nun sung hmawh cu kum 930 a ii. Cun a thi.
6Seth cu kum 105 a ti tikah Enosh ih pa ah a cang. 7Seth cu Enosh suah hnukah kum 807 a nung, cun tiapale pace leh tianule a ngei hngai. 8Cuticun Seth ih nun sung hmawh cu kum 912 a ii; cun a thi.
9Enosh cu kum sawmkua a ti tikah Kenan ih pa ah a cang. 10Enosh cu Kenan suah hnukah kum 815 a nung, cun tiapale pace leh tianule a ngei hngai. 11Cuticun Enosh a nun sung hmawh cu kum 905 a ii; cun a thi.
12Kenan cu kum sawmsarih a ti tikah Mahalalel ih pa ah a cang. 13Kenan cu Mahalalel suah hnukah kum 840 a nung; cun tiapale pace leh tianule a ngei hngai. 14Cuticun Kenan a nun sung hmawh cu kum 910 a ii; cun a thi.
15Mahalalel cu sawmruk leh kum nga a ti tikah Jared ih pa ah a cang. 16Mahalalel cu Jared suah hnukah kum 830 a nung, cun tiapale pace leh tianule a ngei hngai. 17Cuticun Mahalalel a nun sung hmawh cu kum 895 a ii; cun a thi.
18Jared cu kum 162 a ti tikah Enok ih pa ah a cang. 19Jared cu Enok suah hnukah kum 800 a nung, cun tiapale pace leh tianule a ngei hngai. 20Cuticun Jared a nun sung hmawh cu kum 962 a ii; cun a thi.
21Enok cu sawmruk leh kum nga a ti tikah Methuselah ih pa ah a cang. 22Enok cu Methuselah suah hnukah kum 300 sung Pathian rum an bualleng khat, cun tiapale pace leh tianule a ngei hngai. 23Cuticun Enok a nun sung hmawh cu kum 365 a ii. 24Enok cu Pathian rum an bualleng khat; cuhnukah a om ti lo, icatile Pathian ni a la.
25Methuselah cu kum 187 a ti tikah Lamek ih pa ah a cang. 26Methuselah cu Lamek suah hnukah kum 782 a nung, cun tiapale pace leh tianule a ngei hngai. 27Cuticun Methuselah a nun sung hmawh cu kum 969 a ii; cun a thi.
28Lamek cu kum 182 a ti tikah tiapa pakhat ih pa ah a cang; 29a min ah Noah a vawh ih, “Bawipa ih camkhaatmi khur sungin hi pakhat hi ni kan rian leh kan kut zanzaihnak man sawng leh lei,” tiah a ti. 30Lamek cu Noah suah hnukah kum 595 a nung, cun tiapale pace leh tianule a ngei hngai. 31Cuticun Lamek a nun sung hmawh cu kum 777 a ii; cun a thi.
32Noah cu kum 500 a kim hnukah, Shem, Ham leh Jafeth ih pa ah a cang.
දැනට තෝරාගෙන ඇත:
Seemthawhnak 5: KHBF
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Khualsim Holy Bible © Bible Society of Myanmar, 2021.