NDS 17
17
Poolin nə nɔmaa mɛn yɛ Tesaloniki kiwi
1Ǹ bɛ́ ǹ nə́ bɔ Anfipolisi laanka Apolonii kiwi, ǹ nə́ woo dɔ Tesaloniki kiwi. Lɛsɔkɔn kion goon goã Zuifun lon bɛa kiwi lɛ nɛ. 2A kɔnpɛ ka a lɛ-mui sii ni, Pooli woo Zuifun lɛn yaa, á *susu ǹ pii sɔɔ zɛnaa kɔn kio, bɛ̀ a Lawa a sɛ́wɔ gɔ́ɔ̃ ǹ boo pɛ ǹ nɛ. 3Pooli ná a yɔrɔ pɛ á nyaa ǹ nɛ mà Minin Nyin-sili lɛ doamaa nɛ a fuu yɛ, a gã, a yii kaa a n bɔ geren bii. Mà Minin Nyin-sili lɛ, mà Yezu kɛ lɛ nɛ, asɛ tá a boo diɛ ǹ nɛ.
4Zuifun tɛnɛn nə́ lɛ kɔ boo lɛ ganaa. Grɛki nyɛ́ɛbaa Lawa-n wole gigiã nɛ, ka lɔ tɔdɛnaa gigiã nɛ, bɛn nə́ ǹ naa Pooli laanka Silaasi ganaa.
5Sɛnɛ, busii wɔ Zuifun lɛn sɛn foo ne, ǹ nə́ bibiə̃ bii-a wole kɔrɔn kɔnɔn bɔ kiwi lɛ gɔ́ɔ̃ nɛ, bɛn nə́ zaman lɛ sɔsɔmɔ ǹ nə́ kiwi lɛ lɔlɔkɔn. Ǹ nə́ tɔ́n woo Zaazɔn a kion lɛnpɛnɛ, mà maǹ giɛ Pooli laanka Silaasi li, ǹ nə́ die kiri kuri ǹ la zaman yɔrɔ-a. 6Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia. 7Zaazɔn na á lɛ kɔ ǹ nə́ n yu a piɛ. Kɛa minin kɛn nya ǹ dí n zia diɛ kii gole gole lɛ a boon ganaa. Maǹ pii mà kii kɔsɔ tan, a tɔ n Yezu.»
8Boon kɛn nə́ zaman lɛ là kakã, ka kiwi lɛ a pàãman nɛ. 9Bɛn mà Zaazɔn laanka ǹ miãn nə n lɛ kɔ ǹsɛn la, mà ǹ ba re zaman lɔlɛkɔn wa, mà ǹ wɔrɔ koa tán bɛa lɛa, ǹsɛn nə tɔ́n nə ǹ kaa ǹ woo.
Pooli laanka Silaasi a wo Beere boo
10Tèlò bɛ́ á kɔ, dɔɔ̃n Lawa-nyankɔlen lɛn nə́ Pooli laanka Silaasi bɔ ǹ nə́ ǹ da zii, ǹ nə́ woo Beere kiwi. Ǹ bɛ́ ǹ nə́ dɔ walan, ǹ nə́ woo Zuifun lɛsɔkɔn kion. 11Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore. 12Ǹ gigiã golee Yezu li, ka Grɛki lɔ tɔdɛnaa gigiã nɛ, ka giĩ gigiã dɔ nɛ.
13Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn. 14Fufuu fufuu gɔrɔ, dɔɔ̃n Lawa-nyankɔlen lɛn nə́ Pooli bɔ ǹ nə́ dia yaa tà lɛ-a, sɛnɛ, Silaasi laanka Timote sɛ goã. 15Min mɛnɛn nə wo kun ka Pooli ni, bɛn nə́ da zii yǎa Atɛni kiwi, bɛ kio ǹ nə́ tɔ́n wusoo, ǹ nə́ daa pɛ Silaasi laanka Timote ne, mà Pooli mà ǹ da asɛ yaa fufuu.
Pooli laanka Atɛni a yiridɛnan kɔnyɛ
16Pooli bɛ́ n yii diɛ Silaasi laanka Timote la Atɛni, a foo goã ziziɛ̃-n parsiini bɛa kiwi kɛ a lɛa, a giala á yɛ, mà kiwi lɛ piɛ̃maa-n ka dì ni. 17A na á goã boo diɛ kun ka Zuifun ni lɛsɔkɔn kion, kun ka tɔrɔ kɔsɔn mɛnɛn bɛ́ Lawa guguru koe. Baraabaraa dɔ-n, zaman paã ǹ bǎã nɛ, a na á goã boo diɛ daa wolen manɛ. 18Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?»
Kɔsɔn dɔn man pii: «A n die goɛ̃ dì tiin boo-laakalaali lɛa.»
Sonbore, Pooli na á goã Yezu laanka geren yii-kaa boo diɛ. 19Ǹ nə́ Pooli kũ ǹ nə́ woo ne kiri wɔ ǹ bǎã nɛ. Ǹ nə́ nɔ̀n da la: «N bɛ́ daraa dii mɛn we minin manɛ, bɛ yɔrɔ pɛ wɔsɛn manɛ. 20A giala n bɛ́ wɔsɛn too piɛ̃ ka boo tiin mɛnɛn nɛ, wɔsɛn man giɛ li n bɛn giala pɛ wɔsɛn manɛ.»
21Atɛni minin lɛn laanka tiin mɛnɛn bɛ́ ǹ li, man biikoo gole siɛ sii diin laakalaa ganaa, ka too kɔ ǹ ganaa nɛ.
22Pooli bɛ́ golee-n kiri wɔ ǹ bǎã nɛ zaman lɛ bii, á n lɛ bũ á pɛ:
– Atɛni minin lɛn ganaa, masɛ yɛ máa ka gù á kaa-n Lawa guguru kɔ ǹ siin li á la yii ni. 23Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ. 24#Kiin1 8.27; Iza 42.5; NDS 7.48 Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa. 25Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ. 26A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa. 27A na á bɛ zɛnaa mà ǹ ga Lawa li, kɔntan mà ǹ tá re n tatalɛɛ ǹ nə n na Lawa nɛ. Sonbore, Lawa lɛ bie sɔsɔɔ wɔ kɔn ganaa wa, 28a giala
«Wɔa minbuiinbaa nɛ,
ka wɔa yiikoonaabaa nɛ,
ka wɔa bìn diɛ n boe a din ni.»
Ka ka dinin loe-lɔle kɔsɔ dɔ bɛ́ á pɛ lɔn:
«Wɔ na a din tɔrɔ lɛa.»
29Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa. 30Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li. 31Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.
32Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.
33Pooli tɔ́n nə́ n bɔ ǹ bii á woo. 34Sɛnɛ, gialakunun nə́ n naa Pooli ganaa, ǹ nə́ Lawa-nyankɔlen baa. Kiri-kurulin lɛn goon goã kunun ǹ ni, a tɔ n Deni, ka lɔ goon ne a tɔ n Damaarisi, ka minin kɔsɔn nɛ.
දැනට තෝරාගෙන ඇත:
NDS 17: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.
NDS 17
17
Poolin nə nɔmaa mɛn yɛ Tesaloniki kiwi
1Ǹ bɛ́ ǹ nə́ bɔ Anfipolisi laanka Apolonii kiwi, ǹ nə́ woo dɔ Tesaloniki kiwi. Lɛsɔkɔn kion goon goã Zuifun lon bɛa kiwi lɛ nɛ. 2A kɔnpɛ ka a lɛ-mui sii ni, Pooli woo Zuifun lɛn yaa, á *susu ǹ pii sɔɔ zɛnaa kɔn kio, bɛ̀ a Lawa a sɛ́wɔ gɔ́ɔ̃ ǹ boo pɛ ǹ nɛ. 3Pooli ná a yɔrɔ pɛ á nyaa ǹ nɛ mà Minin Nyin-sili lɛ doamaa nɛ a fuu yɛ, a gã, a yii kaa a n bɔ geren bii. Mà Minin Nyin-sili lɛ, mà Yezu kɛ lɛ nɛ, asɛ tá a boo diɛ ǹ nɛ.
4Zuifun tɛnɛn nə́ lɛ kɔ boo lɛ ganaa. Grɛki nyɛ́ɛbaa Lawa-n wole gigiã nɛ, ka lɔ tɔdɛnaa gigiã nɛ, bɛn nə́ ǹ naa Pooli laanka Silaasi ganaa.
5Sɛnɛ, busii wɔ Zuifun lɛn sɛn foo ne, ǹ nə́ bibiə̃ bii-a wole kɔrɔn kɔnɔn bɔ kiwi lɛ gɔ́ɔ̃ nɛ, bɛn nə́ zaman lɛ sɔsɔmɔ ǹ nə́ kiwi lɛ lɔlɔkɔn. Ǹ nə́ tɔ́n woo Zaazɔn a kion lɛnpɛnɛ, mà maǹ giɛ Pooli laanka Silaasi li, ǹ nə́ die kiri kuri ǹ la zaman yɔrɔ-a. 6Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia. 7Zaazɔn na á lɛ kɔ ǹ nə́ n yu a piɛ. Kɛa minin kɛn nya ǹ dí n zia diɛ kii gole gole lɛ a boon ganaa. Maǹ pii mà kii kɔsɔ tan, a tɔ n Yezu.»
8Boon kɛn nə́ zaman lɛ là kakã, ka kiwi lɛ a pàãman nɛ. 9Bɛn mà Zaazɔn laanka ǹ miãn nə n lɛ kɔ ǹsɛn la, mà ǹ ba re zaman lɔlɛkɔn wa, mà ǹ wɔrɔ koa tán bɛa lɛa, ǹsɛn nə tɔ́n nə ǹ kaa ǹ woo.
Pooli laanka Silaasi a wo Beere boo
10Tèlò bɛ́ á kɔ, dɔɔ̃n Lawa-nyankɔlen lɛn nə́ Pooli laanka Silaasi bɔ ǹ nə́ ǹ da zii, ǹ nə́ woo Beere kiwi. Ǹ bɛ́ ǹ nə́ dɔ walan, ǹ nə́ woo Zuifun lɛsɔkɔn kion. 11Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore. 12Ǹ gigiã golee Yezu li, ka Grɛki lɔ tɔdɛnaa gigiã nɛ, ka giĩ gigiã dɔ nɛ.
13Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn. 14Fufuu fufuu gɔrɔ, dɔɔ̃n Lawa-nyankɔlen lɛn nə́ Pooli bɔ ǹ nə́ dia yaa tà lɛ-a, sɛnɛ, Silaasi laanka Timote sɛ goã. 15Min mɛnɛn nə wo kun ka Pooli ni, bɛn nə́ da zii yǎa Atɛni kiwi, bɛ kio ǹ nə́ tɔ́n wusoo, ǹ nə́ daa pɛ Silaasi laanka Timote ne, mà Pooli mà ǹ da asɛ yaa fufuu.
Pooli laanka Atɛni a yiridɛnan kɔnyɛ
16Pooli bɛ́ n yii diɛ Silaasi laanka Timote la Atɛni, a foo goã ziziɛ̃-n parsiini bɛa kiwi kɛ a lɛa, a giala á yɛ, mà kiwi lɛ piɛ̃maa-n ka dì ni. 17A na á goã boo diɛ kun ka Zuifun ni lɛsɔkɔn kion, kun ka tɔrɔ kɔsɔn mɛnɛn bɛ́ Lawa guguru koe. Baraabaraa dɔ-n, zaman paã ǹ bǎã nɛ, a na á goã boo diɛ daa wolen manɛ. 18Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?»
Kɔsɔn dɔn man pii: «A n die goɛ̃ dì tiin boo-laakalaali lɛa.»
Sonbore, Pooli na á goã Yezu laanka geren yii-kaa boo diɛ. 19Ǹ nə́ Pooli kũ ǹ nə́ woo ne kiri wɔ ǹ bǎã nɛ. Ǹ nə́ nɔ̀n da la: «N bɛ́ daraa dii mɛn we minin manɛ, bɛ yɔrɔ pɛ wɔsɛn manɛ. 20A giala n bɛ́ wɔsɛn too piɛ̃ ka boo tiin mɛnɛn nɛ, wɔsɛn man giɛ li n bɛn giala pɛ wɔsɛn manɛ.»
21Atɛni minin lɛn laanka tiin mɛnɛn bɛ́ ǹ li, man biikoo gole siɛ sii diin laakalaa ganaa, ka too kɔ ǹ ganaa nɛ.
22Pooli bɛ́ golee-n kiri wɔ ǹ bǎã nɛ zaman lɛ bii, á n lɛ bũ á pɛ:
– Atɛni minin lɛn ganaa, masɛ yɛ máa ka gù á kaa-n Lawa guguru kɔ ǹ siin li á la yii ni. 23Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ. 24#Kiin1 8.27; Iza 42.5; NDS 7.48 Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa. 25Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ. 26A kũ min goon toto ganaa, á tɔrɔ tumaa da, mà ǹ giã kanaa paǹ din tumaa nɛ, á ǹ biikoon laanka ǹ giã ǹ bǎãn koa. 27A na á bɛ zɛnaa mà ǹ ga Lawa li, kɔntan mà ǹ tá re n tatalɛɛ ǹ nə n na Lawa nɛ. Sonbore, Lawa lɛ bie sɔsɔɔ wɔ kɔn ganaa wa, 28a giala
«Wɔa minbuiinbaa nɛ,
ka wɔa yiikoonaabaa nɛ,
ka wɔa bìn diɛ n boe a din ni.»
Ka ka dinin loe-lɔle kɔsɔ dɔ bɛ́ á pɛ lɔn:
«Wɔ na a din tɔrɔ lɛa.»
29Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa. 30Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li. 31Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.
32Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.
33Pooli tɔ́n nə́ n bɔ ǹ bii á woo. 34Sɛnɛ, gialakunun nə́ n naa Pooli ganaa, ǹ nə́ Lawa-nyankɔlen baa. Kiri-kurulin lɛn goon goã kunun ǹ ni, a tɔ n Deni, ka lɔ goon ne a tɔ n Damaarisi, ka minin kɔsɔn nɛ.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.