NDS 16
16
Timote n koe Pooli laanka Silaasi lɛ
1Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa. 2A tɔ sonbore goã boe ǹ dɔɔ̃nɔn bii Listrə laanka Ikoniɔmu kiwi. 3A na á goã Pooli gɔ́ɔ̃ nɛ a wo-n kun ka a din ni. Pooli kũ á kuru, Zuifun mɛnɛn bɛ́ bɛa bǎãn lɛn nɛ, a na á zɛnaa bɛn lɛa, a giala, ǹ tumaa goã doɛ̃ sonbore, mà Timote lɛ di na á goã Grɛki lɛa.
4Ǹ bɛ́ kiɛ̃ kiwin mɛnɛn nɛ, Zeruzalɛmu a dia dí-a wolen laanka a nyɛɛnaandɛnan nə́ boon mɛnɛn pɛ, Pooli laanka Silaasi na á goã bɛn pii bɛa kiwin lɛn minin manɛ, bɛ̀ ǹ tá ǹ nyankoe mà ǹ tɔ wɔ a kɔnpɛ ka bɛn lɛn nɛ. 5Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.
Pooli a wo Masedoanɛ boo
6Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa. 7Ǹ bɛ́ ǹ nə́ dɔ Miizii lɛkoro-a, ǹ ná a lɛn zɔɔ̃ mà maǹ woe Bitinii gána nɛ, sɛnɛ, Yezu a Yiri Fu toa ǹ nə́ woo wa. 8Ǹ nə́ tɔ́n Miizii gána wɔsɔ ǹ nə́ woo Troasi kiwi. 9Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.» 10Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.
Dɔ Filipi kiwi laanka Lidi a golee Lawa li boo
11Wɔ bɛ́ wɔ́ dɔ Troasi, wɔ́ wɔ tà kuru ǹ goo ne, wɔ́ woo pere-pere Samotrasi gána kɛ nɛ yìsi mu bii, a lɛawaa wɔ́ dɔ Neyapolisi kiwi. 12Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ. 13*Susu ǹ pii pinaa, wɔ́ soo wɔ́ n bɔ kiwi lɛ nɛ, wɔ́ woo tà kɔ́n lɛ-a. Wɔ́ taasɛ wáa wɔ á boe la wɔ Zuifun Lawa nyankɔ ǹ bǎã kɔ́n yɛ walan. Wɔ bɛ́ wɔ́ giã tán, lɔn mɛnɛn lɛ bɛ́ soe-n kɔn walan, wɔ́ boo da bɛn nɛ. 14Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa. 15A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.»
Á n laa wɔ ganaa yǎa wɔ́ lɛ kɔ.
Pooli laanka Silaasi a da kòso-n boo
16Ǹ kɔ́n pinaa wɔ bɛ́ woe Lawa nyankɔ ǹ bǎã nɛ, bɛ̀rɛlɔ goon daa n da wɔ lɛ. Nɔ̀ɔnɔn man a ganaa, a n wɔkuĩ. A bɛ́ min mɛnɛn bɛ̀rɛ lɛa, a wɔ-kũ ǹ dí na á goã là gole we bɛn lon. 17A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»
18Á bɛa sii kɛ lɛ zɛnaa lɛawaa damata gɔ́ɔ̃ nɛ. Pooli bɛ́ á nɔmaa, á n bɔyaa á pɛ nɔ̀ɔnɔn lɛn manɛ: «Man pii ka nɛ ka Yezu *Krita tɔ nɛ, ka n bɔ lɔ kɛ ganaa.»
A din bǎã-n gɔrɔ, nɔ̀ɔnɔn lɛn nə́ n bɔ a ganaa. 19Minin mɛnɛn bɛ̀rɛlɔ bɛ́ nɛ, bɛn bɛ́ ǹ nə́ yɛ mà ǹsɛn màn yɛ ǹ gɔn na á woo ka bɛ nɛ, ǹ nə́ Pooli laanka Silaasi kũ, ǹ nə́ ǹ baã ǹ nə́ woo ǹ ne zaman paã ǹ bǎã nɛ, kiri-wɔlen yɔrɔ-a. 20Rɔmu minin mɛnɛn bɛ́ kiri sii yɔrɔ boe, ǹ nə́ ǹ nyaa bɛn manɛ, ǹ nə́ pɛ: «Minin kɛn man kiwi lɛ a minin lɔlɛkɔn. Zuifun manɛ. 21Maǹ siin kɔnɔn boo diɛ, wɔsɛn Rɔmu minin landa siin bɛ́ ǹ ba toɛ, wɔ lɛ kɔ siin mɛnɛn ganaa, wɔ ǹ zɛnaa wa.»
22Zaman lɛ yoo ǹ gialaa. Kiri-wɔlen lɛn nə́ Pooli laanka Silaasi a dɔnkɛn waa, ǹ nə́ pɛ mà ǹ nə ǹ dɛ ka bàlà nɛ. 23Ǹ bɛ́ ǹ nə́ ǹ dɛ parsiini ǹ mɛn waáraa, ǹ nə́ ǹ zũ kòso-n, ǹ nə́ pɛ kòso-lɛduə̃li ni, mà a ga ǹ walan parsiini. 24Bɛa boo lɛ a pɛ kio, kòso lɛduə̃li lɛ nə́ ǹ kaa kòso lɛ a kɛ gialaa nɛ, á ǹ gòãn kaa kan nɛ.
25Làan biikoo li Pooli laanka Silaasi Lawa nyankɔ, bɛ̀ ǹ tá loe loe ǹ nə́ Lawa tɔ boe ne. Kòso nɛ gialakunun kɛn nə́ goã n too koe ǹ lon. 26Bǎã goon ne, tán nə́ bìn da ka pàã gole ne, yǎa kion lɛ a gòã yii bìn da. Kiɛnlɛn lɛn tumaa nə́ n bũ a din bǎã-n gɔrɔ, fɔlɔ biɛn mɛnɛn bɛ́ kòso nɛn lɛn-a, bɛn nə́ na. 27Kòso-lɛduə̃li lɛ bɛ́ á yoo á n bɔ nyuù ni, á kòso kiɛnlɛn lɛn yɛ buĩ ni. A bɛ́ taasɛ mà kòso nɛn lɛn nə́ soo ǹ nə́ baa si, a ná a din a gɔya saa mà a n die n din dii ni. 28Sɛnɛ, Pooli pɛ nɛ ka lɛn gole ne: «N baran sii baraa kɔ́n zɛnaa n din ni wa, wɔsɛn tumaa tan.»
29Kòso-lɛduə̃li lɛ nɔ̀n da ka bólon fúlu ni, á n baa fufuu á wɔ kion lɛ gɔ́ɔ̃ nɛ. Á gɔ̀nɔn bɛ́ bìn diɛ, á na á kaa tán Pooli laanka Silaasi giulun. 30Á pɛ ǹ nɛ mà ǹ soo, bɛ kio á tɔ́n pɛ ǹ nɛ: «Giĩn lɛn, masɛ doamaa nɛ ma wàa mɛn zɛnaa ma tɔn kirisibaa?»
31Ǹ ná a lɛ si: «Golee Dɛnaa Yezu li, n tá re kirisibiɛ, n laanka n kion minin ni.»
32Ǹ nə́ tɔ́n Lawa a boo pɛ nɛ kun ka minin mɛnɛn tumaa bɛ́ a kion. 33A din biikoo lɛ nɛ, tèlò biribiri lɛ gɔ́ɔ̃ nɛ, kòso-lɛduə̃li lɛ nə́ ǹ kũ á woo ǹ ne, á ǹ busu lɛn pii. Bɛ kio gɔrɔ, á lɛ kɔ, ǹ nə́ batɛmu da a ganaa, a laanka a kion minin ni. 34Bɛ kio, á Pooli laanka Silaasi kũ á woo ǹ ne a piɛ, á màn-bii kɔ ǹ la. Á n nyɛnyɛɛ kun ka a kion minin ni ǹ golee Lawa li a lɛa.
35Lɛ̀ bɛ́ á waa, Rɔmu a kiri sii yɔrɔ-bɔlen nə́ kənən dia mà ǹ wo pɛ kòso-lɛduə̃li lɛ nɛ mà a minin kɛn lɛn kaa.
36Kòso-lɛduə̃li lɛ bɛa boo kɛ lɛ pɛ Pooli ni: «Rɔmu kiri sii yɔrɔ-bɔlen lɛn mà wɔ ka kaa. Bɛ̀ bɛ nɛ, ka soo ka wo ka bǐɛ̃ nɛ.»
37Sɛnɛ, Pooli pɛ ǹ nɛ: «Wɔsɛn mɛnɛn bɛ́ Rɔmu gána minin lɛa, ǹ nə́ wɔsɛn dɛ zaman yɔrɔ-a, bɛ̀ dɔlɔ ná a wɔsɛn kũ wa, ǹ nə́ wɔ kaa kòso-n. Sisia maǹ giɛ li mà ǹ tá wɔ kiɛ ka durii ni. Bɛ ba n zɛnɛɛ wa. Ǹ dininmaan nə da wɔ kaa.»
38Kənən lɛn nə́ woo boon kɛn lɛn pɛ kiri sii yɔrɔ-bɔlen lɛn manɛ. Ǹ bɛ́ ǹ nə́ ma mà Rɔmu gána minin man ka Poolin lɛ nɛ, nyɛ́ɛ nə́ ǹ kũ. 39Ǹ nə́ daa Poolin nyankɔ, mà ǹ nə ǹsɛn sã toa ǹ nɛ. Bɛ kio, ǹ nə́ ǹ kaa, ǹ nə́ pɛ ǹ nɛ, mà ǹ soo ǹ kiwi lɛ toa. 40Pooli laanka Silaasi bɛ́ ǹ nə́ soo kòso-n gɔrɔ, ǹ nə́ woo Lidi yaa, ǹ nə́ dɔɔ̃n Lawa-nyankɔlen lɛn yɛ, ǹ nə́ ǹ foo taã, bɛ kio, ǹ nə́ woo.
දැනට තෝරාගෙන ඇත:
NDS 16: SBPE2011
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.
NDS 16
16
Timote n koe Pooli laanka Silaasi lɛ
1Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa. 2A tɔ sonbore goã boe ǹ dɔɔ̃nɔn bii Listrə laanka Ikoniɔmu kiwi. 3A na á goã Pooli gɔ́ɔ̃ nɛ a wo-n kun ka a din ni. Pooli kũ á kuru, Zuifun mɛnɛn bɛ́ bɛa bǎãn lɛn nɛ, a na á zɛnaa bɛn lɛa, a giala, ǹ tumaa goã doɛ̃ sonbore, mà Timote lɛ di na á goã Grɛki lɛa.
4Ǹ bɛ́ kiɛ̃ kiwin mɛnɛn nɛ, Zeruzalɛmu a dia dí-a wolen laanka a nyɛɛnaandɛnan nə́ boon mɛnɛn pɛ, Pooli laanka Silaasi na á goã bɛn pii bɛa kiwin lɛn minin manɛ, bɛ̀ ǹ tá ǹ nyankoe mà ǹ tɔ wɔ a kɔnpɛ ka bɛn lɛn nɛ. 5Màn na á goã miɛ Lawa a sɔmɔ minin lɛn golee Lawa li li woe nyɛɛnɛ, bɛ̀ min kɔsɔn dɔn tá miɛ ǹ dinin li baraabaraa.
Pooli a wo Masedoanɛ boo
6Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa. 7Ǹ bɛ́ ǹ nə́ dɔ Miizii lɛkoro-a, ǹ ná a lɛn zɔɔ̃ mà maǹ woe Bitinii gána nɛ, sɛnɛ, Yezu a Yiri Fu toa ǹ nə́ woo wa. 8Ǹ nə́ tɔ́n Miizii gána wɔsɔ ǹ nə́ woo Troasi kiwi. 9Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.» 10Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.
Dɔ Filipi kiwi laanka Lidi a golee Lawa li boo
11Wɔ bɛ́ wɔ́ dɔ Troasi, wɔ́ wɔ tà kuru ǹ goo ne, wɔ́ woo pere-pere Samotrasi gána kɛ nɛ yìsi mu bii, a lɛawaa wɔ́ dɔ Neyapolisi kiwi. 12Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ. 13*Susu ǹ pii pinaa, wɔ́ soo wɔ́ n bɔ kiwi lɛ nɛ, wɔ́ woo tà kɔ́n lɛ-a. Wɔ́ taasɛ wáa wɔ á boe la wɔ Zuifun Lawa nyankɔ ǹ bǎã kɔ́n yɛ walan. Wɔ bɛ́ wɔ́ giã tán, lɔn mɛnɛn lɛ bɛ́ soe-n kɔn walan, wɔ́ boo da bɛn nɛ. 14Ǹ goon ne, a tɔ n Lidi, a n mɔnaa tɔnaa tɔrɔ kɔn siɛ̃, Tiatiiri kiwi min ni, á nyɛ́ɛ biɛ Lawa nɛ. Asɛ na á goã n too koe parsiini, a giala, Dɛnaa na á ná a foo lɛ bũ, a ná a taasiɛ din tumaa doa Pooli a boon kɛn ganaa. 15A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.»
Á n laa wɔ ganaa yǎa wɔ́ lɛ kɔ.
Pooli laanka Silaasi a da kòso-n boo
16Ǹ kɔ́n pinaa wɔ bɛ́ woe Lawa nyankɔ ǹ bǎã nɛ, bɛ̀rɛlɔ goon daa n da wɔ lɛ. Nɔ̀ɔnɔn man a ganaa, a n wɔkuĩ. A bɛ́ min mɛnɛn bɛ̀rɛ lɛa, a wɔ-kũ ǹ dí na á goã là gole we bɛn lon. 17A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»
18Á bɛa sii kɛ lɛ zɛnaa lɛawaa damata gɔ́ɔ̃ nɛ. Pooli bɛ́ á nɔmaa, á n bɔyaa á pɛ nɔ̀ɔnɔn lɛn manɛ: «Man pii ka nɛ ka Yezu *Krita tɔ nɛ, ka n bɔ lɔ kɛ ganaa.»
A din bǎã-n gɔrɔ, nɔ̀ɔnɔn lɛn nə́ n bɔ a ganaa. 19Minin mɛnɛn bɛ̀rɛlɔ bɛ́ nɛ, bɛn bɛ́ ǹ nə́ yɛ mà ǹsɛn màn yɛ ǹ gɔn na á woo ka bɛ nɛ, ǹ nə́ Pooli laanka Silaasi kũ, ǹ nə́ ǹ baã ǹ nə́ woo ǹ ne zaman paã ǹ bǎã nɛ, kiri-wɔlen yɔrɔ-a. 20Rɔmu minin mɛnɛn bɛ́ kiri sii yɔrɔ boe, ǹ nə́ ǹ nyaa bɛn manɛ, ǹ nə́ pɛ: «Minin kɛn man kiwi lɛ a minin lɔlɛkɔn. Zuifun manɛ. 21Maǹ siin kɔnɔn boo diɛ, wɔsɛn Rɔmu minin landa siin bɛ́ ǹ ba toɛ, wɔ lɛ kɔ siin mɛnɛn ganaa, wɔ ǹ zɛnaa wa.»
22Zaman lɛ yoo ǹ gialaa. Kiri-wɔlen lɛn nə́ Pooli laanka Silaasi a dɔnkɛn waa, ǹ nə́ pɛ mà ǹ nə ǹ dɛ ka bàlà nɛ. 23Ǹ bɛ́ ǹ nə́ ǹ dɛ parsiini ǹ mɛn waáraa, ǹ nə́ ǹ zũ kòso-n, ǹ nə́ pɛ kòso-lɛduə̃li ni, mà a ga ǹ walan parsiini. 24Bɛa boo lɛ a pɛ kio, kòso lɛduə̃li lɛ nə́ ǹ kaa kòso lɛ a kɛ gialaa nɛ, á ǹ gòãn kaa kan nɛ.
25Làan biikoo li Pooli laanka Silaasi Lawa nyankɔ, bɛ̀ ǹ tá loe loe ǹ nə́ Lawa tɔ boe ne. Kòso nɛ gialakunun kɛn nə́ goã n too koe ǹ lon. 26Bǎã goon ne, tán nə́ bìn da ka pàã gole ne, yǎa kion lɛ a gòã yii bìn da. Kiɛnlɛn lɛn tumaa nə́ n bũ a din bǎã-n gɔrɔ, fɔlɔ biɛn mɛnɛn bɛ́ kòso nɛn lɛn-a, bɛn nə́ na. 27Kòso-lɛduə̃li lɛ bɛ́ á yoo á n bɔ nyuù ni, á kòso kiɛnlɛn lɛn yɛ buĩ ni. A bɛ́ taasɛ mà kòso nɛn lɛn nə́ soo ǹ nə́ baa si, a ná a din a gɔya saa mà a n die n din dii ni. 28Sɛnɛ, Pooli pɛ nɛ ka lɛn gole ne: «N baran sii baraa kɔ́n zɛnaa n din ni wa, wɔsɛn tumaa tan.»
29Kòso-lɛduə̃li lɛ nɔ̀n da ka bólon fúlu ni, á n baa fufuu á wɔ kion lɛ gɔ́ɔ̃ nɛ. Á gɔ̀nɔn bɛ́ bìn diɛ, á na á kaa tán Pooli laanka Silaasi giulun. 30Á pɛ ǹ nɛ mà ǹ soo, bɛ kio á tɔ́n pɛ ǹ nɛ: «Giĩn lɛn, masɛ doamaa nɛ ma wàa mɛn zɛnaa ma tɔn kirisibaa?»
31Ǹ ná a lɛ si: «Golee Dɛnaa Yezu li, n tá re kirisibiɛ, n laanka n kion minin ni.»
32Ǹ nə́ tɔ́n Lawa a boo pɛ nɛ kun ka minin mɛnɛn tumaa bɛ́ a kion. 33A din biikoo lɛ nɛ, tèlò biribiri lɛ gɔ́ɔ̃ nɛ, kòso-lɛduə̃li lɛ nə́ ǹ kũ á woo ǹ ne, á ǹ busu lɛn pii. Bɛ kio gɔrɔ, á lɛ kɔ, ǹ nə́ batɛmu da a ganaa, a laanka a kion minin ni. 34Bɛ kio, á Pooli laanka Silaasi kũ á woo ǹ ne a piɛ, á màn-bii kɔ ǹ la. Á n nyɛnyɛɛ kun ka a kion minin ni ǹ golee Lawa li a lɛa.
35Lɛ̀ bɛ́ á waa, Rɔmu a kiri sii yɔrɔ-bɔlen nə́ kənən dia mà ǹ wo pɛ kòso-lɛduə̃li lɛ nɛ mà a minin kɛn lɛn kaa.
36Kòso-lɛduə̃li lɛ bɛa boo kɛ lɛ pɛ Pooli ni: «Rɔmu kiri sii yɔrɔ-bɔlen lɛn mà wɔ ka kaa. Bɛ̀ bɛ nɛ, ka soo ka wo ka bǐɛ̃ nɛ.»
37Sɛnɛ, Pooli pɛ ǹ nɛ: «Wɔsɛn mɛnɛn bɛ́ Rɔmu gána minin lɛa, ǹ nə́ wɔsɛn dɛ zaman yɔrɔ-a, bɛ̀ dɔlɔ ná a wɔsɛn kũ wa, ǹ nə́ wɔ kaa kòso-n. Sisia maǹ giɛ li mà ǹ tá wɔ kiɛ ka durii ni. Bɛ ba n zɛnɛɛ wa. Ǹ dininmaan nə da wɔ kaa.»
38Kənən lɛn nə́ woo boon kɛn lɛn pɛ kiri sii yɔrɔ-bɔlen lɛn manɛ. Ǹ bɛ́ ǹ nə́ ma mà Rɔmu gána minin man ka Poolin lɛ nɛ, nyɛ́ɛ nə́ ǹ kũ. 39Ǹ nə́ daa Poolin nyankɔ, mà ǹ nə ǹsɛn sã toa ǹ nɛ. Bɛ kio, ǹ nə́ ǹ kaa, ǹ nə́ pɛ ǹ nɛ, mà ǹ soo ǹ kiwi lɛ toa. 40Pooli laanka Silaasi bɛ́ ǹ nə́ soo kòso-n gɔrɔ, ǹ nə́ woo Lidi yaa, ǹ nə́ dɔɔ̃n Lawa-nyankɔlen lɛn yɛ, ǹ nə́ ǹ foo taã, bɛ kio, ǹ nə́ woo.
දැනට තෝරාගෙන ඇත:
:
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
San Bible Protestant Edition © Bible Society of Burkina Faso, 2011.