IINDUMISO 56
56
Ukuthembela kuThixo
Kumbhexeshi-kwayara; ucamngco lukaDavide ekubanjweni kwakhe ngamaFilistiya eGati. Uculwa ngathi yilaa ngoma ithi: “Ihobe lamahlathi akude.”
1Awu, Thixo, velana nam, kuba iintshaba ziyandihlasela;
maxa onke ziyanditshutshisa.
2Ewe, ndixinekile yintshutshiso yotshaba;
yinyambalala abahlaseli abaqholosayo.
3Ndakuxineka ndikholosa ngawe.
4UThixo olizwi ndilidumisayo
ndikholosa ngaye ndingenadyudyu.
Soze andenze nto umntu.
5Iintshaba zam ziyaphixanisa;
zasoloko ziyila amacebo okundilimaza.
6Ziphum' izithuba, ziyandilalela;
zithene mbende nam.
Kaloku ziyandizungula.
7Babuyekeze ngenxa yezenzo zabo, Thixo;
ngamana wabakhahlela phantsi ungenalusizi.
8Uyakubona ukubhadula kwam,
neenyembezi zam uyazibona.
Kaloku uyazibhala ezi zinto.
9Mhla ndabhenela kuwe iintshaba ziya kuphethuka.
Ndotsho ndiqonde ukuba uThixo ungakum.
10UThixo olizwi ndilidumisayo,
*uNdikhoyo olizwi ndilidumisayo,
11ndokholosa ngaye ndingenadyudyu.
Soze andenze nto umntu.
12Ewe, Thixo, ndozifezekisa izithembiso zam,
ndenze umbingelelo wokukubulela;
13kuba undihlangule ekufeni,
undisindise ekoyisweni,
ukuze ndibe phambi koThixo,
ndidle ubomi njalo-njalo.
දැනට තෝරාගෙන ඇත:
IINDUMISO 56: XHO96
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Bible Society of South Africa 1996. Used with permission. All rights reserved.