IINDUMISO 47
47
Umlawuli jikelele
Kumbhexeshi-kwayara; umhobe woonyana bakwaKora.
1Qhwaban' izandla, nonke zizwe;
dandulukani, niculel' uThixo nivuya.
2*UNdikhoyo unguPhezukonke,
ufanelwe kukuhlonelwa.
Yena uyingangalala yokumkani
elawula ihlabathi jikelele.
3Yena wasithi jize ngoloyiso,
izizwe sazinyathela ngeenyawo;
kungaye sizilawula nje izizwe.
4Yena wasikhethela ilifa,
iqhayiya lakwaYakobi amthandayo.
5UThixo unyuke ephelekwa yimikhwazo yovuyo;
uNdikhoyo ukhawulelwe ngexilongo elihlokomayo.
6Khanimemelele niculele uThixo;
ntyilozani nibong' ukumkani wethu.
7Kaloku uThixo ngukumkani;
ewe, ngowehlabathi jikelele.
Ngoko ke memelelani nibongisele.
8UThixo ungqendeve kwibhotwe lakhe elingcwele;
uThixo ngumakhonya phezu kwezizwe.
9Amatshawe ezizwe aqukene ngeentloko;
nawo amatwa nabendlu yoThixo ka-Abraham.
Amagorha ehlabathi ngakaThixo;
yena nguMongameli ovelele bonke.
දැනට තෝරාගෙන ඇත:
IINDUMISO 47: XHO96
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Bible Society of South Africa 1996. Used with permission. All rights reserved.