Ŋitic. ŊUNA EGEUNETE
ŊUNA EGEUNETE
Erae Ŋiticisyo a Ŋikiyakia aropakinet ŋina a Ŋakiro a ŋuna Ajokak a ŋuna egiri Luka. Igiritae iŋes aŋuna ka alimor epite ŋolo keponiata ŋikewuapak a Yesu ŋulu ke ekiŋaren, erikit Etau ŋolo Asegan, kielakis Ŋakiro ŋuna Ajokak “Yerusalem, Yudeya daadaŋ ka Samaria tari neni isalya akwap” (1:8). Erae iŋes eemut ŋolo ka atukot a Ŋikristo egeuni alokidiŋ Ŋiyudayan, todol neni aruworor edin ŋolo ka akwap a daadaŋ. Kiitanit daŋ Luka akitacaikin ŋikasyomak a ekitaabo keŋ itogogoŋit atemar pa arae Ŋikristo ŋimoi ŋulu ewarito akitamariakin Ŋiromanin apukan ka nabo akitacaikin ikes atemar arae anupit ŋina a Ŋikristo akisiyookinet ŋina ke edin a Ŋiyudayan.
Etyakak ekitaabo ŋolo a Ŋiticisyo ŋatyakiata ŋauni ŋuna itoodiunito epite ŋolo eatatar ŋakwapin ŋuna eseraere Ŋakiro ŋuna Ajokak ŋuna a Yesu ka epite ŋolo adukunor atukot a Ŋikristo. Ŋatyakiata ŋun ikes nu: (1) Ageunet atukot a Ŋikristo alo Yerusalem kedau Yesu adokar nakuj; (2) Akiyatakin todol nakwapin a Palestina ŋunace ka (3) Akiyatakinet nabo jik todol nakwapin ŋuna ka anam Mediteranian todol tari Roma.
Ibore ŋini epol alokitaabo a ŋolo a Ŋiticisyo, erae etic ŋolo ke Etau a ŋolo Asegan a ŋolo abu bu ka apedor lokanupak alo Yerusalem akoloŋit ŋina a Pentekoste ka torubak erikit ka itogogoŋi atukot a Ŋikristo ka ŋikarikok keŋ alotooma ŋakiro ŋuna igiritae lokitaabo lo. Eemut a Ŋikristo ŋolo ke ekiŋaren, elimunitoe euruwuana alotooma ŋakitatameta ŋuna alalak. Nabo itoodiunito ŋakiro ŋuna etiyanakinosi alotooma Ŋiticisyo apedor ŋina ke eemut a ŋol anakiyar a ŋikanupak ka anatukonokin a Ŋikristo.
දැනට තෝරාගෙන ඇත:
Ŋitic. ŊUNA EGEUNETE: NIB2008
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ngakarimojong Interconfessional Bible © Bible Society of Uganda, 2008.