Madius 1
1
1Nitasvitai vai ilpu retpoi Iesu Kristo, mapoi Tevit, is mapoi Ebraham aien. 2Is apos Aisak a Ebraham; is apos Jekob a Aisak; is apos Juta im ilpu etoan a Jekob; 3erus apos Feres im Sera a Juta im Temar; is apos Esrom a Feres; is apos Eram a Esrom; 4is apos Aminatab a Eram; is apos Neson a Aminatab; is apos Salmon a Neson; 5erus apos Boos a Salmon im Rehab; erus apos Obet a Boos im Rud; is apos Jese a Obet; 6is apos Tevit natimarid a Jese; is apos Solomon a Tevit natimarid im lep aien is ehgai Uraia aien; 7is apos Rihoboam a Solomon; is apos Abaija a Rihoboam; is apos Esa a Abaija; 8is apos Jihosofat a Esa; is apos Jihoram a Jihosofat; is apos Usaia a Jihoram; 9is apos Jodam a Usaia; is apos Ehas a Jodam; is apos Hesekaia a Ehas; 10is apos Manasi a Hesekaia; is apos Emon a Manasi; is apos Josaia a Emon; 11is apos Jekonaia im ilpu etoan a Josaia ubutpotet u naopan iyehki eris imyiapan ra Babelon: 12eris wat amen Babelon ara, is apos Sialtyel a Jekonaia; is apos Sirubabel a Sialtyel; 13is apos Abaiut a Sirubabel; is apos Elaiakim a Abaiut; is apos Esor a Elaiakim; 14is apos Setok a Esor; is apos Ekim a Setok; is apos Elaiut a Ekim; 15is apos Eliesar a Elaiut; is apos Matdan a Eliesar; is apos Jekob a Matdan; 16is apos Josef natamnyu Mere a Jekob, is risi Iesu aien, eris anvi nidan par ika Kristo. 17Eris fortiin a ilpu retpon asega ahes irai Ebraham um yetpan irai Tevit; eris lep firtiin a ilpu retpon ahes irai Tevit um yetpan u nimyiapan ra Babelon; eris lep fortiin a ilpu retpon ahes u nimyiapan ra Babelon um yetpan iran Kristo.
18IS um ucce napos Iesu Kristo: Is aminjinai Josef a Mere risin, ja erus eti fi ehramen arau; is um opouc aien vai Nesgan Upene. 19Is atoh nedo o Josef natamnyu un, is esjum aien nasuptecnaigvaig, is um ika aien yi atipagki yin, jam eti asaig. 20Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene: 21etpu apos inhalav atamaig aien, napu anvi nidan aiek par ika IESU; etpu imyiatamaig ilpu atimi o un aien va nedo has ura. 22Eris ago nitai iji eigki asega, mika eri ehneijid intas ineigki o Ihova is upyi asaig a naprofeta, um ika, 23“Etpu opouc intakata eti ato natamaig inyi ethi, um apos inhalav atamaig, erupu anvi nidan ara par ika Emanuel,” nesgan tas ineigki, Atua eheleija. 24Is wat aiji a Josef, is ago aien nitai ineig is asaig ehelen a nagelo o Ihova, um leh yin ehgan: 25is eti ato yin aien, um uhum pan naopan iyehki is apos inhalav atamaig o un aien inmetto: is anvi nidan aien par ika IESU.
Currently Selected:
Madius 1: ATY1863
Highlight
Share
Copy
Want to have your highlights saved across all your devices? Sign up or sign in
historic text maintained by the British and Foreign Bible Society