Ịtayịtọsị ỌYỊSỊZỤ
ỌYỊSỊZỤ
Iwe Ịtayịtọsị ọnọnị Ị́pọọrụ ộ chẹrẹ ẹ nị. Ịtayịtọsị ẹ yị vị Aniju, ama dị ọ dọ Ikirisiti wụ́ nị. Ọza ịnya ịnị aza ọnị ọnịrị Ịpọọrụ mẹ̀ ụkọrọ Enube Ọyịza zịịzị ọ vị nị. Ộ gụ Ịpọọrụ ụvọ ịnị ụkọrọ enube ọyịza ẹtẹẹtẹrẹ. Iwe ọnọnị vị ọnị Ịpọọrụ chẹrẹ tụ́ hi Ịtayịtọsị ịnị ụmẹ ọnị ọ sị yà ịnị ịragụ ana yà ẹkụra ana aā hị́ Ikirete. Ịpọọrụ vị ana na a vọ tụ́ ịzọọ ka ò si eyi pe ụkọrọ ịragụ Ohomorihi ana yà ịzọọ. Ịrẹyị ẹẹta ọ jị Ịpọọrụ aréyí ọnị ọ ka ini iwe ọnọnị nị. Ịpaapa, Ịpọọrụ ộ tama Ịtayịtọsị ayị ẹngụ ebira ana a vọrọ ka ọdọvịdị ịragụ ọ̀ nyị, agụvị ebira edivi Anikirete nịnị. Ọhụva, ộ hu Ịtayịtọsị eyi tu a mẹ̀ vọrọ ka ọọ zụ ogu irenyi-irenyi ene hi ini ịragụ Ohomorihi ịsa: Azọkụ anọrụ ọnịrị anẹẹ ne beri ezi anẹẹ, ezwọọmụha, ẹnịrị ọrịhị nịnị. Ọdịrẹma anị, Ịpọọrụ ộ sị ajuwe yị Ịtayịtọsị ẹngụ ebira ana a vọrọ ka Evere Ikirisiti ọọ mẹ, hu kere-kere, â vọrọ ka ọ̀ ra ẹhẹ ẹngwọọrọ, dị ọ̀ọ za ọta. Asị ẹ nyị ụvọ tụ́ ịnị ahankata, dị asị ọ há aza hi ịnị ịragụ Ohomorihi.
Eyi Ịrẹyị
Ọyịsịzụ 1.1-4
Ịrẹyị ọdọvịdị ịragụ nịnị 1.5-16
Ụkọrọ ogu irenyi-irenyi ịnị ịragụ 2.1-15
Ọ̀yịtụ ọtụtụrụma ọnịrị ọ̀nọ̀ ọnị Ịpọọrụ kà 3.1-11
Ịrẹyị ọdịrẹma 3.12-15
දැනට තෝරාගෙන ඇත:
Ịtayịtọsị ỌYỊSỊZỤ: EBTP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ebira First Bible © Bible Society of Nigeria, 2014.