2 Anịkọrịntị ỌYỊSỊZỤ
ỌYỊSỊZỤ
Iwe ọhụva ọnị Ịpọọrụ chẹrẹ tu hi Anịkọrịntị nịnị vị ọnị ọ chẹrẹ ụmẹ ọnị ọnịrị Anịragụ Ohomorihi ene hi Ịkọrịntị sị nyị ẹngụkata. Aza ẹnyị ịnị ịragụ ọnọọ ệ kwẹẹtẹ tụ Ịpọọrụ ẹtẹẹtẹrẹ. Ama Ịpọọrụ ô sì ẹtẹẹtẹrẹ ka ọnịrị wa ẹ̀ varẹma ze. Dị ọ sị zụ ka ayị anị ô hine ẹtẹẹtẹrẹ ọnịrị wa ẹ̀ẹ varẹma ze nị.
Ịpọọrụ ộ kà a ọnịrị ịragụ Ohomorihi ana yà Ịkọrịntị meme ze. Dị ọ rẹ kà a ịsị ẹ mẹ ka ọnị ọ̀ mẹ ẹngụ ebira ọnị ọnị mẹ aza me hi ini ịragụ Ohomorihi aa kụ̀ ọnị ụhụ, dị ẹyaa kụ̀ụ hịrẹ ọnị nị. Ọ kà ayị anị ô hine ka ebira ọnọọ ọnị ọnị mẹ ộ mẹ̀ ka ẹnịnị è ro ịnẹ varẹma dị ẹnị ẹ̀ rẹ varẹma mẹ uze. Ộ da ịpẹ yị Anịragụ Ohomorihi ka ẹ̀ sị ẹyịza na mẹ ọgụvọ yị aza Ijeesu anaa rị ụya Íjudiya. Ịpọọrụ maa za ịrẹta ọnọnị ẹtẹ, ộ kà a ọnị mẹmẹ vị ozirẹma Ijeesu ọnị ọ́ tụ́ ụtụ, agụvị ka â nyị aza ene hi Ịkọrịntị aa kà a ka ẹnị ẹ vị ezirẹma Ijeesu obooro nị. Ẹ ka Ịpọọrụ vị anaa me oyi.
Eyi Ịrẹyị
Ọyịsịzụ 1.1-11
Iwe Ịpọọrụ ọnịrị ịragụ Ohomorihi ana ya Ịkọrịntị 1.12—7.16
Ẹyịza ana a ka asị na yị ịragụ Ohomorihi Íjudiya 8.1—9.15
Ịpọọrụ ộ kà a ọnị mẹmẹ vị ozirẹma Ijeesu 10.1—13.10
Ịsị ọ sị za ịrẹyị ẹtẹ 13.11-13
දැනට තෝරාගෙන ඇත:
2 Anịkọrịntị ỌYỊSỊZỤ: EBTP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ebira First Bible © Bible Society of Nigeria, 2014.