1 Anịkọrịntị ỌYỊSỊZỤ
ỌYỊSỊZỤ
Iwe ịpaapa ọnị Ịpọọrụ chẹrẹ tu hi Anịkọrịntị nịnị vị ọnị ọ́ chẹrẹ ọyị tụ́ ohi ẹngụkata ịrẹyị a mẹ̀ vọrọ ka Ọdọwụ ọ̀ ra ẹhẹ anị. Ô re si tụ́ ohi ịrẹyị a mẹẹ sị ayịị tụra Ohomorihi. Ịrẹyị ẹnẹnị vị ẹngụkata ịnị Ịragụ Ohomorihi ana yà Ikọrịntị. Ụmẹ ọnọọ, Ịkọrịntị vị ẹkụra ọbanyị ọnya ịnị ẹtẹ Igiriki ana aza irenyi-irenyi hi. Eyi ộ yẹ ẹ tụ ohu ọyịsẹ̀, ịsa ozi-ẹtẹ ẹnịnị ene ẹ sịị̄ me eyi, beri ịrẹkọyịsẹ ana gara hi ẹtẹ ịzọọ, ọnịrị ahẹkẹ irenyi-irenyi ana gụ ịzọọ. Ịrẹyị ana jị Ịpọọrụ areyi ọ vị ẹngụkata ịrẹyị ẹgahi ọnịrị ịrẹkọyịsẹ ana ya ịnị ịragụ Ohomorihi nị. Ộ rẹ kà ịrẹyị nịnị ịrẹyị ọnọrụ ọnịrị ọnyẹnẹẹ mẹẹ̄ yẹ ẹngụ, ọnịrị ịrẹyị á mẹmẹẹ̄ nyị ẹngụ. Ộ kà ịrẹyị nọ ịnị ịrẹyị ivehu ọza, á mẹ vọrọ ka à sị eto tụ ịnị ịsa ana aa mẹ ịnị ịragụ Ohomorihi, ẹyịza ọnị Ụhwẹ Ohomorihi sịị yị ọza, ọnịrị ịrẹyị oku mẹmẹ vaa haa hụụnị isu. Ộ sị zụ ịsị enube ọyịza Ijeesu ka tụ́ ịnị ịrẹyị ẹnẹnị.
Ịnị Ịrẹsụ ẹwụrẹta (13) ọ sị zụ̀ ka ịrẹyị ọza oyisì ọ vị ẹyịza ene hu ọnị Ụhwẹ Ohomorihiī sị yị ọza nị. Ịpa ọnọnị ọ vị ịrẹyị ene eyi yẹ hu ịnị avaba iwe ọnọnị nị.
Eyi Ịrẹyị
Ọyịsịzụ 1.1-9
Ẹgahi ịnị ịragụ Ohomorihi 1.10—4.21
Ịrẹkọyịsẹ ọnịrị ẹhẹ ovwoovu 5.1—7.40
Ịrẹyị ọdọwụ nịnị ọnịrị aza ẹnẹ ẹ̀ yị dọ wụ 8.1—11.1
Ịsa a vọrọ ka aa mẹ ịnị ịragụ ọnịrị ahẹkẹ 11.2—14.40
Ọ̀yịha hụụnị isu Ijeesu ọnịrị ẹnẹdọwụ nịnị 15.1-58
Ẹyịza ana a ka a sị ya aza Ijeesu ene hi Ijudiya 16.1-4
Ịrẹyị ịnị ẹngụ ọzọza ụvọta ọnịrị ẹzẹtẹ iwe ọnọnị 16.5-24
දැනට තෝරාගෙන ඇත:
1 Anịkọrịntị ỌYỊSỊZỤ: EBTP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
Ebira First Bible © Bible Society of Nigeria, 2014.