ЭхкъечӀун 5
5
Исраилдин рухвайри мадни гзаф зегьмет чӀугун
1Мусани Гьарун фиръавандин кьилив атана ва адаз лагьана: «Реббиди, Исраилдин Аллагьди, лугьузва: „Зи халкь кьурумдиз ахъая – Зи сувар кьиле тухун патал!“» 2Фиръаванди жаваб гана: «А Ребби вич вуч кас я хьи, за адаз яб гудайвал ва Исраилдин рухваяр ахъайдайвал? Заз а Реббини чидайди туш, я Исраилдин рухваярни ахъайдач». 3«Чи вилик Исраилдин Аллагь атана, – лагьана Мусадини Гьаруна. – Чаз са пуд йикъан рекьиз кьурумдиз фидай ва чи Реббидиз, чи Аллагьдиз, къурбандар гудай ихтияр це, – тахьайтӀа Ада чун тӀегъуьндикди, я тушни туруналди тергда». 4Амма пачагьди абуруз жаваб гана: «Мусани Гьарун, вучиз куьне жуван халкь кӀвалахдикай хкудзава. Алад фена кӀвалаха!»
5«Куьбур акьван гзаф ава хьи, – лагьана фиръаванди Мусадизни Гьаруназ, – квез лагьайтӀа абуру кӀвалахар гадарна кӀанзавани?»
6Гьа и юкъуз фиръаванди кьилеллайбурузни кавхайриз эмир гана: 7«Къедлай кьулухъ Исраилдин рухвайриз виликдай хьиз кьарунчӀар патал самар гумир, – чпи фена а самар кӀватӀ авурай. 8КьарунчӀар лагьайтӀа, абурувай гьа виликдай хьиз гьаркь#5:8 Гьаркь авун – истемишун. ая, кьадар тӀимиларун герек туш. ТахьайтӀа абуру лап темпелвилиз кьил янава: чеб, ана чпин Аллагьдиз къурбандар гун патал, кьурумдиз ахъаюн тӀалабзава. 9КӀвалахдин заланвал артух жеда – зегьмет чӀугвада, тум-кьил авачир гафариз яб гудач!»
10Фиръавандин патавай хтана, кьилеллайбуруни кавхайри Исраилдин халкьдиз лагьана: «Фиръаванди квез мад самар гумир лагьана эмир авунва. 11Куьне квез гьинай кӀандатӀани самар кӀватӀ ая, кьарунчӀар лагьайтӀа, виликан кьадардилай тӀимил тушиз атӀутӀ».
12Инсанрини вири Мисри тирвал къекъвез ва самарин чкадал чуьлда экъечӀзавай техилар чухваз хьана. 13Кьилеллайбуру лагьайтӀа, абурук тади кутаз хьана: «Гьар юкъуз виликдай квехъ самар авайла атӀузвай кьадар кьарунчӀар атӀутӀ!» 14Исраилдин рухвайрин кьилел фиръаванди эцигнавайбуру гила кавхаяр гатаз, абурувай гьаркь ийиз хьана: «Вучиз тайинарнавай кьадар кӀвалах кьилиз акъудзавач? Гьа виликдай ийизвай кьадар кьарунчӀар ийидайвал хьурай!» 15Исраилдин рухвайрин кавхаяр шикаят ийиз фиръавандин кьилив фена: «Вучиз вуна чаз, ви лукӀариз, ихьтин кар кьазва? 16Чаз, ви лукӀариз, самар гузвач, амма кьарунчӀар атӀун тӀалабзава! Чун, ви лукӀар, гатазва! Ихьтин кӀвалахар авун ви инсанриз гунагь я!» 17«Куьне акьалтӀай гьалда темпелвал ийизва! – жаваб гана абуруз фиръаванди. – Темпелар хьанва ва гьавиляй лугьузва: „Ша фена Реббидиз къурбандар гуда!“ 18Гила фена кӀвалаха. Самаралди куьн мад таъминар хъийидач, кьарунчӀар лагьайтӀа герек кьадар гьазура!»
19Исраилдин рухвайрин кавхаяр крар чӀур хьанвайдан гъавурда акьуна: кӀвалахар тӀимилардач.
Реббиди азад авун хиве кьун
20 Фиръавандин кьиливай хтана, абуру вил алаз акъвазнавай Мусадинни Гьарунан патав атана, 21ва абуруз икӀ лагьана: «Реббидиз куьне вуч ийизватӀа акурай ва Гьада куь дуван авурай! Куьн себеб яз фиръавандиз ва адан мукьуванриз чун такӀан хьанва эхир. Абур чун рекьиз гьазур я!»
22Мусадини Реббидиз ялвар авуна: «Агъа! Вучиз Вуна и халкьдиз азият гузва? Вучиз Вуна зун иниз ракъурна? 23Зун фиръавандин кьилив ви илчи хьиз атана – амма абуруз авайдалайни пис хьана! Гьа икӀ Вуна Ви халкь хилас ийидач!»
දැනට තෝරාගෙන ඇත:
ЭхкъечӀун 5: ЛезПК
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Институт перевода Библии, 2010-2024