ЭхкъечӀун 11
11
ЦӀуд лагьай жазадикай хабардар авун: сифте аялрин кьиникь
1Реббиди Мусадиз лагьанай: «За фиръавандал ва Мисридал мад са цӀийи бедбахтвал рахкъурда. Ингье гьа чӀавуз фиръаванди куьн ахъайда, гьакӀани ахъайдач – чукурда. 2Вуна лагьайтӀа, Исраилдин рухвайриз ва рушариз абуру чпин къуншийривай къизилдин ва гимишдин шейэр тӀалабун эмир ая».
3Реббиди мисривийрин вилерай Исраилдин рухвайриз майилвал жедайвал авуна. Идалай гъейрини мисривийри, гьам вилик-кьилик квайбуру, гьамни къара жемятди, Мусадиз гьуьрмет ийизвай.
4Мусади фиръавандиз лагьана: «Реббиди лугьузва хьи, йифен кьулариз Зун МисридайтӀуз фида, 5ва и уьлкведа авай сифте рухваяр вири рекьида – тахтуна ацукьнавай фиръавандин сифте хцелай гатӀунна, регъуьн къванералди гъуьр регъвезвай къаравушдин сифте хцел къведалди, гьамни гьайванрин эркек сифте балаяр. 6Вири Мисри тирвал ахьтин шел-хвалрин ван жеда хьи, гьич виликдай тахьай хьтин ва гележегдани техжедай хьтин. 7Амма Исраилдин рухвайрал ва абурун маларал гьатта кицӀизни элуькьдай жуьрэт жедач! Квез аквада хьи: Исраилдин рухвайриз Реббиди мисривийриз ийидай хьтин кар кьадач».
8«Ви мукьуванри, – лагьана Мусади фиръавандиз, – зи патав эвичӀна заз икрамна зун куь патавай зи халкьни галаз хъфин патал минет ийида. Гьа чӀавуз чун куь патавай хъфида».
Хъилев ацӀанвай Муса фиръавандин патавай хъфена.
9Реббиди Мусадиз лагьана: «Фиръаванди квез яб гузвач: имни Мисрида Зи аламатрин кьадар мадни артухарун патал герек я».
10Мусадини Гьаруна фиръавандин вилик гзаф аламатар къалурнай! Амма Реббиди фиръаванди терсвал ийиз, Исраилдин рухваяр Мисридай ахъа тийидайвал авуна.
දැනට තෝරාගෙන ඇත:
ЭхкъечӀун 11: ЛезПК
සළකුණු කරන්න
බෙදාගන්න
පිටපත් කරන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© Институт перевода Библии, 2010-2024