Salmo 122
122
No kavahayan no Jerusalem
Salmo ni David.
1Oyod ako a nasoyot no nakavata da sia diaken, “Mangay ta do vahay no Apo taya.” 2As sichangoriaw am tayto ta do kavahayan no Jerusalem, 3do kavahayan aya do Jerusalem a pinayavayo a oyod dana mavid do nakapirwa sia. 4Diaya o kavayavayatan da no atavo a tayabo ni Israel a mamahemahes do Apo taya a akma so mando na. 5Diaya o nayanan da no patol no Israel a manyokoyokod.
6Ipachahoahok nio o karadinepan no Jerusalem as kebendisionay dira do maddaw no Jerusalem. 7Akdawen ko o kayan no karadinepan do kavahayan aya as kayan no proteksion da no palasio na sa. 8Makayamot do kaychayvan ko kano kaliposan ko am vatahen ko do Jerusalem, “Rawaten mo pa o karadinepan!” 9Makayamot do vahay no Apo taya am tayto ko a ipachahoahok o ichapia na.
දැනට තෝරාගෙන ඇත:
Salmo 122: VTSP
සළකුණු කරන්න
පිටපත් කරන්න
සසඳන්න
බෙදාගන්න
ඔබගේ සියලු උපාංග හරහා ඔබගේ සළකුණු කල පද වෙත ප්රවේශ වීමට අවශ්යද? ලියාපදිංචි වී නව ගිණුමක් සාදන්න හෝ ඔබගේ ගිණුමට ඔබගේ ගිණුමට පිවිසෙන්න
© 2016, Wycliffe Bible Translators, Inc. All rights reserved.