Marek 14වෙතින් ජනප්‍රිය බයිබල් පද

බෙදාගන්න

Phenelas: „Abba, Dado, tu šaj keres savoro, le mandar kadi kuči! Ale na oda, so me kamav, ale so tu kames.“

Ma soven a modľinen tumen, hoj te na džan andro pokušeňje, bo o duchos kamel, ale o ťelos hino slabo.“

Čačipen tumenge phenav, hoj všadzik, kaj ča pes o evaňjelium vakerela pal calo svetos, pes vakerela the pal kada, so kadi džuvľi akana kerďa, pre lakro leperiben.“

A phenďa lenge: „Miri duša hiňi pro meriben smutno, ačhen kade a ma zasoven.“

A sar chanas, iľa o Ježiš o maro, paľikerďa, phagerelas, delas lenge a phenďa: „Len, [chan], kada hin miro ťelos.“

Paľis iľa the e kuči, paľikerďa, diňa lenge a pile andral savore. Phenďa lenge: „Kada hin miro rat la [neva] zmluvakro, so pes čhorel avri vaš but manuša.

O Ježiš lenge phenďa: „Kadi rat man savore omukena, bo hin pisimen: ‚Marava le pasťjeris a o bakrore pes rozdenašena.‘

Ušťen, aven džas! Imar avel miro zradcas.“

O Ježiš leske odphenďa: „Čačipen tuke phenav, hoj mek kadi rat, sigeder sar o kohutos dujtovar giľavela, tu man trival zaprineha.“