1. Mose 6වෙතින් ජනප්‍රිය බයිබල් පද

බෙදාගන්න

Un däm HARN deed daut leet daut hee haud Menschen oppe Ieed jemoakt. Am wia daut sea schod.

De HAR sach daut de Menschen sea bees oppe Ieed wieren un daut äare Jedanken bloos dän tietäwa schlajchte Jedanken wieren.

Oba Noah wia goot aunjeseenen biem HARN.

Dit es de Jeschicht von Noah. Noah wia een jerajchta Maun; kjeena kunn am en siene Tiet beschuljen. Noah läwd en Jemeenschoft met Gott.

Un hee säd: Ekj woa dise Menschen, waut ekj jemoakt hab von oppe Ieed utrodden. Ekj woa Menschen un aule Tieren un Väajel utrodden, soo schod es mie daut, daut ekj an jemoakt hab.

Aus de Menschen sikj oppe Ieed vemieeden un see Dajchta hauden, neemen de Säns von de Jetta soone Mejales von mank de Menschen aus an schmock leeten, un befrieden sikj met dee. Un de HAR säd: Ekj woa däm Mensch nich opp emma läwen loten, hee es doch Fleesch. Ekj woa am 120 Joa läwen loten. To dee Tiet, un uk lota, wieren doa Nefiliten oppe Ieed, dee doa Nokomen wieren von de Säns von de Jetta un Frumenschen. Lang trigj wieren daut stoakje un huach aunjeseene Mana.

Un Noah deed aules waut de HAR am väajesajcht haud.

Un Gott säd to Noah: Ekj hab bie mie beschloten met aule Menschen un Tieren een Enj to moaken. De gaunze Ieed es voll von äa onbandjet Läwen. Nu woa ekj an ombrinjen un een Enj met de Ieed moaken.

Du saust nu een grootet Schepp von goodet Holt buen. Doa sellen miere Stowen bennen sennen, un von buten un von bennen saust du daut met Pekj beschmäaren.

Hee sach daut aule Menschen oppe Ieed schaundhauft läwden.

Un du saust von jieda Sort Tieren, emma twee en daut Schepp nenn brinjen. Soo woaren dee aum Läwen bliewen. Doa sellen emma een hee en eene see von jieda Sort sennen.