Matiyew 24වෙතින් ජනප්‍රිය බයිබල් පද

බෙදාගන්න

Hərway ma tek haya kakay ana me səkey adiya adiya ana na na, ma wuɗa vaw ma ndaw hay haɗadzidzay a da mətsey 'ar. Ama ndaw me key matandəroŋ ha ka me ndəvey na, ndaw ana ŋga na na, a da buwama.

Mey a neney Hayna Wayna ma Slala ma 'ərlam ana na, a da tələkadama mey ka bəla tabiyaha; ndaw Zuif ahiya kakay ana hay tabiyaha a da ndzafam seydewe ŋga na. Arka tok na, ma da sawa na me ndəvey ŋga na.

Ka da tsənadama a tsəma ha ka vərom, dakay na a ləvam waya a kam aha vərom. Wam daw ka vaw! Ka da wasam zlay, hərway hayna tek ana ka key andza ha təŋga, amana ŋga na na, har ma me ndəvey tsaray kakay.

Hərway ndaw ma dala naŋgar ta ndaw ma dala naŋgar a da vəzam ka vaw. Slala ta slala naŋgar a da vəzam ka vaw. Da slam sa na hay na, may a da key, dala a da dederey. Na ŋga na tabiyaha na, kal kal andza ma ŋgwas ma zlar ma ndelemey da zləbeŋ ana.

Dala ta ndasl ma 'ərlam na, a da davasam, ama guma ɗaw hay na, ɗaɗa a da davasam aha tikay.

Hərway ndaw hay a da səmawa haɗadzidzay, da mezəley ɗaw, a da ləvəmakwar: ‹Yah na, Ndaw Bay'ərlam ma vahara 'ar ana›, a da zləgaɗəmata ndaw hay haɗadzidzay.

Arka na a da mbəkafəmakwar har a viya, a da kəɗəmakwar vagay ahiya. Ndaw Zuif ahiya kakay ana hay tabiyaha, a da ŋgəladəmakwar aha dey kakay kavəday ma mezəley ɗaw; arka tok na, ndaw hay haɗadzidzay a da mam ta dəba. A da haɗəkam vaw ka 'ar vaw ta na hay, a da ŋgəlam aha dey a vaw ka 'ar vaw ta na hay, kakay. Ndaw sek maləwaɗay ana hay haɗadzidzay a da bəmawa, a da zləgaɗəmata ndaw hay haɗadzidzay.

Yezu ma mbəɗatar kava: «Wam daw ka vaw, hayna ndaw ka da zləgadakwar zlay.

Nəkafama ka vəday a mey na, kuray tiyatsa na, ndzam tsekerkerre zləna, hərway pas ma ma da sawa ma Bəzey ma Ndaw na, ka har aŋga na kuray ka səradama kakay ana.

Ndzam tsekerkerre zləna, hərway ka səradama ha pas ma Bay’ərlam a kwar ma da sawa na kakay seŋgey.

Ama pas ana ta har ana na ndaw ma sərada na dakay, kwa madurlam ma 'ərlam hay, kwa Bəzey ana, kwa ndaw ma sərada na dakay, sey Baba na asləta dada.

Akwa na ndaw ma vaha ’ar maləwaɗay ana hay, ta ndaw sek maləwaɗay ana hay, a da lətsəmawa, a da kam zeheɗ me gegətsey ndaw ana hay ta ɗeɗew hay, ma ka zləgaɗəmata ndaw hay. Kendzey hana a key vaw na, ta ndaw ma gaɗəmata na hay dzay.

Tek ma kawa da har ma Noey ana na, ma da sawa ma Bəzey ma Ndaw na, a da key na andza ha atsa. Andza papəlay ka sawa tsaray kakay na, ndaw hay a zəmam tek, a sam zom, a zəgam kokwa, a vəlam dem hay 'ay zel, ha kasl ka pas ma Noey me fuləkwey a kombiwal, taya ka səram ka vaw kakay, ha kasl ka pas ma yam ma sawa ma vadata ba tabiyaha: ma da sawa ma Bəzey ma Ndaw na, a da key na, andza ha tiyatsa.