ගීතාවලිය 27වෙතින් ජනප්‍රිය බයිබල් පද

බෙදාගන්න

ස්වාමින්වහන්සේ ගැන බලා සිටින්න; ශක්තිමත් වන්න: ධෛර්යවත් වන්න; ස්වාමින්වහන්සේ ගැන බලා සිටින්න.

ස්වාමින්වහන්සේගෙන් එක් දෙයක් ඉල්ලන්නෙමි; ඒ දේ ම ඉල්ලා සිටින්නෙමි; එනම්, ස්වාමින්වහන්සේගේ ශෝභාලංකාරය දෙස බලා හිඳිමින්, දේව මාලිගයේ සිට මෙනෙහි කරන පිණිස මගේ ජීවිතයේ සියලු දවස්හි, ස්වාමින්වහන්සේගේ ගෘහයේ වාසය කරන්නට ය.

ස්වාමින්වහන්සේ මගේ ආලෝකය ය, මගේ ගැලවීම ය; මම කවරකුට භය වන්නෙම් ද? ස්වාමින්වහන්සේ මගේ ජීවිතයේ බළකොටුව ය; මම කවරකුට බය වන්නෙම් ද?

ජීවතුන්ගේ දේශයේදී ස්වාමින්වහන්සේගේ යහපත්භාවය මා අත්දකින වග මට සහතික ය.

මන්ද, විපත්ති දවසේ, උන්වහන්සේ තම වාසභවනෙහි මා සඟවා තබන සේක; උන්වහන්සේගේ කූඩාරම් සෙවණේ මට රක්ෂාවරණ දෙමින්, පර්වතයක් පිට මා ඔසවා තබන සේක.