හිතෝපදේශ 21වෙතින් ජනප්‍රිය බයිබල් පද

බෙදාගන්න

ධර්මිෂ්ඨකම ද ප්‍රේමය ද හඹා යන කවරකුට වුව ජීවනයත්, ධර්මිෂ්ඨකමත්, ගෞරවයත් අත්වෙයි.

ඉක්මන්කාරීකම දුගී භාවයට කැන්දන් යන්නා සේ ම, උත්සාහවන්තයාගේ සැලසුම් සඵලත්වයට ගෙන යයි.

තම මුව ද තම දිව ද රැක ගන්නා උපද්‍රවවලින් වැළකී සිටී.

කෙනකුට තමාගේ හැම මාර්ගයක් ම හරි යැයි පෙනේ; එහෙත් ඔහුගේ හදවත කිරා බලන්නේ ස්වාමින්වහන්සේ ය.

සංග්‍රාම දවසට අශ්වයා සූදානම් කරනු ලැබ ඇත; එහෙත් ජයග්‍රහණය ස්වාමින්වහන්සේ අතේ ය.

හරි දේ හා යුතු දේ කිරීම යාග පූජාවකට වඩා ස්වාමින්වහන්සේට පිළිගත මනා ය.

ස්වාමින්වහන්සේට එරෙහිව ජය ගත හැකි අන් ප්‍රඥාවක් නැත; අවබෝධයක් නැත, සැලැස්මක් ද නැත.

දුප්පතුන්ගේ මොර ගැසීමට කන් වසා ගන්නා යම් කෙනකු වේ ද, ඔහු මොර ගසනා කල, කිසිවකුත් ඔහුට පිළිතුරු නො දෙනු ඇත.