හිතෝපදේශ 2වෙතින් ජනප්‍රිය බයිබල් පද

බෙදාගන්න

මන්ද ප්‍රඥාව දෙන්නේ ස්වාමින්වහන්සේ ය; දැනගැන්ම හා අවබෝධය පැමිණෙන්නේ, උන්වහන්සේගේ මුවෙනි.

මා පුත, ඔබ මගේ වචන පිළිගෙන, මගේ ආඥා ඔබ තුළ ගබඩා කර ගන්නේ නම්, ප්‍රඥාවට ඔබේ සවන් යොමා, අවබෝධයට ඔබේ හද විවර කරන්නේ නම්, ඇත්තෙන් ම ඔබ අවබෝධයට හඬ ගසා, බුද්ධියට ඔබේ කටහඬ අවදිකරන්නේ නම්, ඔබ රිදී සොයන්නාක් මෙන් එය සොයමින්, සැඟවුණු වස්තුවක් සොයන්නාක් මෙන් වෙහෙසෙන්නේ නම්, ස්වාමින්වහන්සේට භය පක්ෂපාතවීම කුමක් දැයි ඔබ වටහා ගනු ඇත; දෙවියන්වහන්සේ දැනගැනීම ඔබ අත්කර ගනු ඇත.

අවංකවූවන් සඳහා උන්වහන්සේ ජයග්‍රහණය ගබඩා කර තබන සේක; නිර්දෝෂ ව කටයුතු කරන්නවුන්ට උන්වහන්සේ පලිහක් වන්නේ, යුක්තියේ මාවත් රැකවල් කරමිනි; ස්වකීය විශ්වාසිකයින්ගේ මාර්ගය සුරකිමිනි.

මන්ද දේශයේ ජීවත් වනු ඇත්තේ, ඍජු ගති ඇත්තවුන් ය; එහි පැවත සිටිනු ඇත්තේ නිර්දෝෂී වූවන් ය. දුදනෝ දේශයෙන් සිඳ දමනු ලබති; ද්‍රෝහීහු මුලිනුදුරා දමනු ලබති.

තවද, එය දුරාචාර ස්ත්‍රියගෙන්, චාටු කතා කියන පරදාරික ස්ත්‍රියගෙන්, ඔබ මුදා ගනු ඇත. ඈ තම දෙවියන්වහන්සේ කළ ගිවිසුම අමතක කරමින්, තුරුණු වියේ ඇගේ සහකරු අත් හළ තැනැත්තියක.