යෝවෙල් 1වෙතින් ජනප්‍රිය බයිබල් පද

බෙදාගන්න

ශුද්ධ වූ උපවාසයක් ප්‍රකාශ කර, ශුද්ධ එක් රැස්වීමක් කැඳවන්න. වැඩිහිටියන් ද දේශයේ වෙසෙන සියල්ලන් ද ඔබේ දෙවියන්වහන්සේ වන ස්වාමින්වහන්සේගේ ගෘහයට කැඳවා, ස්වාමින්වහන්සේට කන්නලව් කරන්න.

එම්බා පූජකයිනි, ගෝණි රෙදි හැඳ, වැලපෙන්න; පූජාසනයේ තේවාකරන්නනි, විලාප නගන්න. මගේ දෙවියන්වහන්සේ අබියස තේවාකරන්නනි, එන්න, ගෝනි රෙදි හැඳ ඇවිත්, රැය ගත කරන්න. මන්ද, ධාන්‍ය පූජා හා පාන පූජා, ඔබේ දෙවියන්වහන්සේගේ ගෘහයෙන් වළකනු ලැබ ඇත.

මිදි වැල් වියළී ගොසිනි; අත්තික්කා ගස් මැලවී ගොසිනි; දෙළුම්, ඉඳි හා ඇපල් ගස් ද එසේ ම ය. කෙත් වත්හි සියලු ගස්, වැල්, කොළ වියළී ගොසිනි; මිනිස් වර්ගයාගේ සතුට මැලවී ගොසිනි.