යෙසායා 42වෙතින් ජනප්‍රිය බයිබල් පද

බෙදාගන්න

“ස්වාමින්වහන්සේ මම ය. මම දමිටුකමින් ඔබ කැඳවීමි. මම ඔබේ අත අල්ලා ගනිමි. මම ඔබ තබා ගනිමි. ජනතාව සඳහා ගිවිසුමක් වශයෙන් හා ජාතීන් සඳහා එළියක් වශයෙන් මා ඔබ දෙන්නේ, අන්ධයින්ගේ ඇස් විවර කරන්නටත්, සිර ගෙයි සිටින සිරකරුවන් අන්ධකාරයේ හිඳ සිටින හිරගෙයින් පිටතට ගෙන ඒමටත් ය.

“මම ස්වාමින්වහන්සේ ය. මගේ නාමය එයයි. මගේ ගෞරව-මහිමය, මම අන් කෙනකුට නො දෙමි. මට හිමි ප්‍රශංසාව පිළිමවලට නො දෙමි.

“මෙන්න! මවිසින් උසුලන මගේ සේවකයා, මගේ ජීවය ප්‍රමෝද කරවන මවිසින් තෝරාගත් තැනැත්තා; මම ඔහු පිට මගේ ආත්මයාණන් තබමි. ඔහු, ජාතීනට යුක්තිය ගෙනෙනු ඇත.

ඔහු තැළුණු බට දණ්ඩක් කඩන්නේවත්, දුම් නගින පහන් තිරයක් නිවන්නේවත් නැත. විශ්වාසවන්ත ව ඔහු යුක්තිය ඉටු කරනු ඇත. තමන් මිහි පිට යුක්තිය පිහිටු වන තුරු, ඔහු නො පැකිළෙයි; පසුබට නො වෙයි. මුහුදු දූපත් ඔහුගේ උපදෙස් ගැන බලාපොරොත්තු තබනු ඇත.”

ඔවුන් නො දන්නා මාර්ගයකින් මම අන්ධයින් කැඳවාගෙන යන්නෙමි. නුහුරු නුපුරුදු මාවත්හි මම ඔවුන්ට මග පෙන්වන්නෙමි. මම අන්ධකාරය ඔවුන් ඉදිරියෙහි ආලෝක කර, රළු තැන් සුමුදු කරන්නෙමි. මා කරන දෑ මේවායි; මා ඔවුන් අත්හරින්නේ නැත.

බලනු! ඉස්සර දෑ පහ වී යයි. අලුත් දේවල් මම දැන් ප්‍රකාශ කරමි. ඒවා සිදු වන්නට පළමු, මම ඒවා ඔබට කියමි.”