දානියෙල් 4වෙතින් ජනප්‍රිය බයිබල් පද

බෙදාගන්න

එම කල දවස් ගෙවුණු පසු, නෙබුකද්නෙසර් වන මම, ස්වර්ගය දෙසට මගේ ඇස් එසවීමි. මගේ ප්‍රකෘති සිහිය යළි මම ලදිමි. එවිට මම, මහෝත්තමයාණන්ට ප්‍රශංසා කළෙමි; සදාතනික ව වාසය කරන උන්වහන්සේට ගෞරව කළෙමි. මහිමය දුනිමි. මන්ද උන්වහන්සේගේ ආධිපත්‍යය සදාතනික රාජාධිපත්‍යයකි. උන්වහන්සේගේ රාජ්‍යය පරපුරින් පරපුරට පවතී.

නෙබුකද්නෙසර් වන මම දැන්, ස්වර්ගයේ රජ්ජුරුවාණන්ට ප්‍රශංසා කරමි; උන්වහන්සේ උසස් කරමි; ගෞරවයට පමුණුවමි; මන්ද උන්වහන්සේ කරන හැම දෙයක් ම නිවැරදි ය; උන්වහන්සේගේ සියලු මාර්ග යුක්ති සහගත ය; උඩඟු ලෙස හැසිරෙන්නන් පහත් කරන්නට උන්වහන්සේට පුළුවන.