1 රාජාවලිය 19වෙතින් ජනප්‍රිය බයිබල් පද

බෙදාගන්න

භූමිකම්පාවට පසු ගින්නක් විය. එහෙත් ස්වාමින්වහන්සේ ගින්නේ ද නො වූ සේක. ගින්නට පසු, සිහින් කටහඬක් විය.

දවසක ගමන්-දුරක් ගොස්, පාළුකරයට පිවිසුණේ ය. ඔහු රොතෙම් ගහක් යටට අවුත්, හිඳගෙන, තමාට මරණය ඉල්ලා යාච්ඤා කළේ ය. “ස්වාමින්වහන්ස, මේ හොඳට ම ඇති; මගේ ජීවිතය ගත මැනව; මන්ද මා මගේ මුතුන් මිත්තන්ට වඩා උතුම් නැතැ” යි පැවසී ය.

එවිට උන්වහන්සේ, “පිටතට ගොස්, කන්ද උඩ ස්වාමින්වහන්සේ අභිමුඛයේ සිටගන්න. මන්ද ස්වාමින්වහන්සේ පසු කර යන සේකැ” යි පැවසූ සේක. එවිට මහ බලවත් සුළඟක් හමා, ස්වාමින්වහන්සේට පෙරටුව කඳු ඉරා, පර්වත බිඳ හෙළී ය; එහෙත් ස්වාමින්වහන්සේ සුළඟේ නො වූ සේක. සුළඟට පසු, භූමිකම්පාවක් විය. එහෙත් ස්වාමින්වහන්සේ භූමිකම්පා වේ නො වූ සේක.

එලියා ඒ ඇසූ කල, තම සළුවෙන් සිය මුහුණ වසාගෙන, පිටතට අවුත්, ගුහාවේ දොරකඩ සිට ගත්තේ ය. එවිට ඔහු වෙත පැමිණි කටහඬක්, “එලියා, නුඹ මෙහි මක්කරනවා දැ?” යි ඇසී ය.

ඔහු එහි ගුහාවකට ඇතුල් වී, රැය ගත කළේ ය. ස්වාමින්වහන්සේගේ වචනය ඔහු වෙත පැමිණ, “එලියා, නුඹ මෙහි කුමක් කරනවා දැ?” යි විමසී ය.

එවිට ඔහු නැගිට කෑවේ ය, බීවේ ය. ඔහු ඒ කෑමෙන් ශක්තිමත් වී, දහවල් හතළිහක් හා රෑ හතළිහක් ගමන් කර, දෙවියන්වහන්සේගේ කන්ද වන හොරේබ් වෙත ළඟා විය.

ඉන්පසු ඔහු රොතෙම් ගහ යට වැතිර නිදා ගත්තේ ය. එවිට මෙන්න, දේව දූතයෙක් ඔහුට අත ගසා, කතා කොට, “නැගිට, කෑම කන්නැ” යි කීවේ ය.

ස්වාමින්වහන්සේගේ දූතයා දෙවන වරට අවුත්, ඔහුට අත ගසා, “නැගිට කන්න. මන්ද ගමන ඔබට දුර වැඩි” යි කීවේ ය.

ඔහු පිළිතුරු දෙමින්, “සේනාංකවල ස්වාමින්වහන්සේ වන දෙවියන්වහන්සේ කෙරේ මා ඉතා උද්යෝගී ව සිටියා; ඉශ්‍රායෙල්වරුන් ඔබගේ ගිවිසුම අත්හැර දමා, ඔබගේ පූජාසන කඩා බිඳ, ඔබගේ දිවැසිවරුන් කඩුවෙන් මරා දැමුවා. ඉතිරි ව සිටින්නේ මා පමණයි; දැන් ඔවුන් මා ද මරා දමන්නට තැත් කරනවා” යි පැවසී ය.

ඔහු වටපිට බැලුවේ ය. එවිට මෙන්න! තම හිස ළඟ ගිනි අඟුරු පිට පිලිස්සූ රොටියක් හා ජල බඳුනක් විය; ඔහු කා, බී යළි වැතිරුණේ ය.

එවිට යෙසෙබෙල් පණිවුඩකරුවකු යවමින්, “හෙට මේ වෙලාවට ඔබේ ජීවිතය ඔවුන්ගෙන් කෙනකු මෙන් වීමට මා සැලැස්වූයේ නැත්නම්, දෙවිවරු මට එසේ ම ද ඊටත් වැඩි ලෙස ද කරත්වා” යි එලියාට කියා ඇරියා ය.

එසේ වුවත් බාල් දෙවියාට තම දණ නො නැමූ, තම මුවෙන් ඔහු සිප නො ගත් හත්දහසක් දෙනා ඉශ්‍රායෙල්හි මම ඉතිරි කර ගනිමි” යි පැවසූ සේක.

ඉන්පසු එතැනින් පිටත් ව ගිය එලියාට ෂාෆාට්ගේ පුත් එලීෂා මුණගැසුණේ ය. ඔහු ගොන් දොළොස් බානක් සමඟ හාමින් සිටියේ ය. ඔහු දොළොස් වන බාන දක්කද්දී, එලියා ඔහු වෙත ගොස්, තම සළුව ගලවා ඔහු පිට හෙළී ය.

එවිට ඔහු වෙතින් ආපසු හැරී ගිය එලීෂා, තම ගොන් බාන මරා, ගොනුන්ගෙන් වියගහ ගෙන, දරට යොදා මස් පිළියෙල කළේ ය; මිනිසුන්ට ඒවා බෙදා දුන් කල ඔවුහු ඒවා කෑහ. එලීෂා ඉන්පසු එලියා පසු පස ගොස්, ඔහුගේ සහායකයා වූයේ ය.

එවිට එලීෂා තම ගොනුන් අත්හැර එලියා පසු පස දිව ගොස්, කතා කොට, “මගේ පියාත්, මගේ මවත් සිඹ එන්නට අවසර දෙන්න; ඉන්පසු මම ඔබ අනුව එන්නෙමි” යි කී ය. එවිට එලියා, “ආපහු යන්න; මොනවද මා ඔබට කළේ?” යි ඇසී ය.