Wongeela Maatewoosii 24වෙතින් ජනප්‍රිය බයිබල් පද

බෙදාගන්න

Waan hammeenni fakkanuuf, jaalalli nama heddu'uu qabbanowaa deema. Nami haga muumme'ee ciniinnatee ossatu ammoo hin fayya.

Gosa maraaf dhugaa baya akka teetu, Oduun Gammadaa ta mootummaa Waaqaa, biyya lafaa maratti hin lallabanti. Achiin duuballe muummeen hin dhutti” jedhe.

Woraanaa fi oduu woraanaa hin dhageettan; akka hin rifanne ilaalladha'a; wonni akkasii kun te'uu qaban, ammoo ammalle muummeen hin geenne.

Gosi gosatti, mootummaalle mootumma'atti hin kaati; beellii fi tacho'i lafaa addee adde'etti hin te'an. Kun marti ammoo ciniinsuu jalqabaa ti.

Lafaa fi ol-gubbaan hin dabaran, jechi kiyya ammoo hin dabaru” jedhe.

Worri hedduun, ‘Ani Masiihi'i’ jedhaa maqaa kiyyaan hin dhufan. Worra hedduulle hin dokonkorsan.

“Achiin duuba isaan akka rakkattanuu fi ijjeefantanu dabarsanee isin hin kennan, sababa maqaa kiyyaatiif gosa maraan hin jibbatantan. Yennaa san namooti hedduun dhugeeffannaa irraa hin jigan, isaan wol dabarsanee hin kennan, wolille hin jibban. Raagoti dharaa hedduulle hin ka'an, worra hedduulle hin dokonkorsan.

Yesuus deebisee, “Eennulle akka isin hin dokonkorsine ifi eeggadha'a!

Tanaaf Ilmi Namaalle yennaa isin itti hin yaadanetti waan dhufuuf, maarre isinille qophowa'aa le'a'a” jedhe.

Tanaaf, guyyaa Goottaan keessan dhufu waan hin beenneef, dammaqa'aa eegadha'a.

Yesuus itti dabalee, “Marroo guyyaa saniitii fi sa'aatii sanii Abbaa malee, ergantooti Waaqaa ta ol-gubba'aalle, Ilmille, eennulle hin beeku.

Masiihooti dharaatii fi raagoti dharaa hin ka'an; isaan yoo dande'ane, kolbaa Waaqi filateeyyuu, dokonkorsiisaaf baasaa fi bilbaasa hin hujan.

Akkuma bara Nohiititti te'e, dhufi Ilma Namaalle akkasuma hin te'a. Bara san bisaan badi'iitiin dura, haga Nohi hoboloo guddittii seenetti, namooti nyaataa, unaa, fuudhaa, heerumaalle turane; haga bisaan badi'ii dhufee mara isaanii haree deemetti isaan womaa hin beenne. Maarre dhufiis Ilma Namaalle akkasuma hin te'a.