Salmo 119වෙතින් ජනප්‍රිය බයිබල් පද

බෙදාගන්න

No chirin mo am relaken do panahanan ko as sehdang a ompawnot diaken.

Payvividien ko a aktoktohen o chirin mo tapian di ako a makagatos a machisada do piahen mo.

Maypango o kavidin na a manamonamo no viay no asa ka kanakan a mahakay. No mavoyvoh a ichaparin na am no kawnot na dia o chirin mo.

Mapalak sa o mapasivog sia pawyoren a onotan o chirin aya no Dios

Imo o omonong kano omdefende diaken as ichasaray ko sa o promisa mo.

Pasehdangen mo sa o nanawo mo sa diaken ta pawyoren ko sa anti ya onotan.

Sidongen mo yaken a komita so kapanganohed ko do vatahen mo as kapavawa mo diaken do kapayagom.

No tinoroh mo a disiplina diaken am oyod ko chinapia, ta nawri o minnanawo nia diaken o ichahoho moaya a onotan ko.

No promisa mo saya o tomoroh diaken so kasoyosoyotan kano angdet an mian o pakasisian kano pandidiwan ko.

Parinyen mo yaken a fermi a manganohed dimo ta niaya o yanan no kasoyosoyotan ko.

Nanawhen mo yaken, O Dios, a makaintindi so nanawo mo sa tapian kawnotan ko sa do atavo a tiempo.

Maychakahakaha ako a makayamot do rakoh a kangsah ko dawa pagsagsalen mo yaken a akma so nipromisa mo.

Oyod ko a ichaddaw o chirin mo as niaya o fermi ko a pangayen do aktokto ko.