<div class="version vid3363 iso6393mri" data-vid="3363" data-iso6393="mri">
 <div class="book bkZEC">
 <div class="chapter ch12" data-usfm="ZEC.12">
 <div class="label">12</div><div class="s">Te Whakaw&#257;teatanga o Hiruh&#257;rama e Me&#257;ke nei</div><div class="p"> 1Ko te poropititanga, he kupu n&#257; Ihow&#257; m&#333; &#298;haraira: E ai t&#257; Ihow&#257;, n&#257;na nei ng&#257; rangi i hora, n&#257;na te whenua i whakat&#363;, n&#257;na i whai &#257;hua ai te wairua o te tangata i roto i a ia: 2&#8220;T&#275;nei ahau te mea nei i Hiruh&#257;rama hei kapu wiri ki ng&#257; iwi katoa &#257; taka noa; ka p&#275;hi an&#333; i a H&#363;r&#257; i te whakapaenga o Hiruh&#257;rama. 3N&#257;, i taua r&#257; ka meinga e ahau a Hiruh&#257;rama hei k&#333;hatu taimaha ki ng&#257; iwi katoa; ko te hunga katoa e h&#257;pai ana ka m&#257;ruru rawa. &#256;, ka huihui ng&#257; iwi katoa o te whenua ki te t&#363; ki a ia. 4I taua r&#257;,&#8221; e ai t&#257; Ihow&#257;, &#8220;ka patua e ahau ki te m&#299;haro ng&#257; h&#333;iho katoa, me &#333; r&#257;tou kaieke ki te haurangi. &#256;, ka titiro matatau &#333;ku kanohi ki te whare o H&#363;r&#257;, ka patua an&#333; e ahau ng&#257; h&#333;iho katoa o ng&#257; iwi ki te matap&#333;. 5&#256;, ka mea ng&#257; rangatira o H&#363;r&#257; i roto i &#333; r&#257;tou ng&#257;kau, &#8216;Ko ng&#257; t&#257;ngata o Hiruh&#257;rama hei kaha m&#333;ku i runga i t&#333; r&#257;tou Atua, i a Ihow&#257; o ng&#257; mano.&#8217;</div><div class="p"> 6&#8220;I taua r&#257; ka meinga e ahau ng&#257; rangatira o H&#363;r&#257; kia rite ki te k&#257;nga ahi i roto i ng&#257; r&#257;kau, kia rite an&#333; ki te rama ahi i roto i te paihere. Ka pau hoki i a r&#257;tou ng&#257; iwi katoa i te taha matau, i te taha mau&#299;, &#257;, karapoi noa; &#257; t&#275;r&#257; a Hiruh&#257;rama e noho an&#333; i runga i t&#333;na t&#363;ranga, ar&#257; i Hiruh&#257;rama.</div><div class="p"> 7&#8220;N&#257;, ka whakaora a Ihow&#257; i ng&#257; t&#275;neti o H&#363;r&#257; i te tuatahi, kei whakapehapeha te kor&#333;ria o te whare o R&#257;wiri, te kor&#333;ria r&#257;nei o ng&#257; t&#257;ngata o Hiruh&#257;rama ki a H&#363;r&#257;. 8I taua r&#257; ka tiakina e Ihow&#257; ng&#257; t&#257;ngata o Hiruh&#257;rama; n&#257;, ko te tangata ngoikore i roto i a r&#257;tou, ka rite i taua r&#257; ki a R&#257;wiri; ko te whare o R&#257;wiri ki te Atua, ki te anahera a Ihow&#257; i t&#333; r&#257;tou aroaro. 9I taua r&#257; ka whai ahau kia whakangaromia ng&#257; iwi katoa e haere mai ana ki te whawhai ki Hiruh&#257;rama.&#8221;</div><div class="s">He Tangi m&#333; te Mea i Werohia</div><div class="p"> 10&#8220;Ka ringihia an&#333; e ahau te wairua o te aroha noa, o ng&#257; &#299;noi ki runga ki te whare o R&#257;wiri, ki ng&#257; t&#257;ngata o Hiruh&#257;rama, &#257;, ka titiro r&#257;tou ki ahau ki t&#257; r&#257;tou i wero ai, ka tangi an&#333; ki a ia, me te mea e tangi ana ki t&#257;na huatahi, ka p&#333;uri an&#333; ki a ia, me te mea e p&#333;uri ana ki t&#257;na m&#257;t&#257;mua. 11I taua r&#257; ka nui te tangi i roto i Hiruh&#257;rama, ka rite ki te tangi i Harararimono i te raorao o Mekirono. 12&#256;, ka tangi te whenua, t&#275;nei hap&#363;, t&#275;nei hap&#363;, wehe rawa; ko te hap&#363; o te whare o R&#257;wiri wehe rawa, ko &#257; r&#257;tou w&#257;hine wehi rawa; ko te hap&#363; o te whare o N&#257;tana wehe rawa, ko &#257; r&#257;tou w&#257;hine wehe rawa; 13ko te hap&#363; o te whare o R&#299;wai wehe rawa, ko &#257; r&#257;tou w&#257;hine wehe rawa; ko te hap&#363; o Himei wehe rawa, ko &#257; r&#257;tou w&#257;hine wehe rawa. 14Ko ng&#257; hap&#363; katoa e toe ana, ko t&#275;nei hap&#363;, ko t&#275;nei hap&#363;, wehe rawa, me &#257; r&#257;tou w&#257;hine wehe rawa.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

Ko te poropititanga, he kupu nā Ihowā mō Īharaira: E ai tā Ihowā, nāna nei ngā rangi i hora, nāna te whenua i whakatū, nāna i whai āhua ai te wairua o te tangata i roto i a ia: “Tēnei ahau te mea nei i Hiruhārama hei kapu wiri ki ngā iwi katoa ā taka noa; ka pēhi anō i a Hūrā i te whakapaenga o Hiruhārama. Nā, i taua rā ka meinga e ahau a Hiruhārama hei kōhatu taimaha ki ngā iwi katoa; ko te hunga katoa e hāpai ana ka māruru rawa. Ā, ka huihui ngā iwi katoa o te whenua ki te tū ki a ia. I taua rā,” e ai tā Ihowā, “ka patua e ahau ki te mīharo ngā hōiho katoa, me ō rātou kaieke ki te haurangi. Ā, ka titiro matatau ōku kanohi ki te whare o Hūrā, ka patua anō e ahau ngā hōiho katoa o ngā iwi ki te matapō. Ā, ka mea ngā rangatira o Hūrā i roto i ō rātou ngākau, ‘Ko ngā tāngata o Hiruhārama hei kaha mōku i runga i tō rātou Atua, i a Ihowā o ngā mano.’
“I taua rā ka meinga e ahau ngā rangatira o Hūrā kia rite ki te kānga ahi i roto i ngā rākau, kia rite anō ki te rama ahi i roto i te paihere. Ka pau hoki i a rātou ngā iwi katoa i te taha matau, i te taha mauī, ā, karapoi noa; ā tērā a Hiruhārama e noho anō i runga i tōna tūranga, arā i Hiruhārama.
“Nā, ka whakaora a Ihowā i ngā tēneti o Hūrā i te tuatahi, kei whakapehapeha te korōria o te whare o Rāwiri, te korōria rānei o ngā tāngata o Hiruhārama ki a Hūrā. I taua rā ka tiakina e Ihowā ngā tāngata o Hiruhārama; nā, ko te tangata ngoikore i roto i a rātou, ka rite i taua rā ki a Rāwiri; ko te whare o Rāwiri ki te Atua, ki te anahera a Ihowā i tō rātou aroaro. I taua rā ka whai ahau kia whakangaromia ngā iwi katoa e haere mai ana ki te whawhai ki Hiruhārama.”

“Ka ringihia anō e ahau te wairua o te aroha noa, o ngā īnoi ki runga ki te whare o Rāwiri, ki ngā tāngata o Hiruhārama, ā, ka titiro rātou ki ahau ki tā rātou i wero ai, ka tangi anō ki a ia, me te mea e tangi ana ki tāna huatahi, ka pōuri anō ki a ia, me te mea e pōuri ana ki tāna mātāmua. I taua rā ka nui te tangi i roto i Hiruhārama, ka rite ki te tangi i Harararimono i te raorao o Mekirono. Ā, ka tangi te whenua, tēnei hapū, tēnei hapū, wehe rawa; ko te hapū o te whare o Rāwiri wehe rawa, ko ā rātou wāhine wehi rawa; ko te hapū o te whare o Nātana wehe rawa, ko ā rātou wāhine wehe rawa; ko te hapū o te whare o Rīwai wehe rawa, ko ā rātou wāhine wehe rawa; ko te hapū o Himei wehe rawa, ko ā rātou wāhine wehe rawa. Ko ngā hapū katoa e toe ana, ko tēnei hapū, ko tēnei hapū, wehe rawa, me ā rātou wāhine wehe rawa.”

සවන් දෙන්න Hakaraia 12