<div class="version vid3363 iso6393mri" data-vid="3363" data-iso6393="mri">
   <div class="book bkDAN">
      <div class="chapter ch12" data-usfm="DAN.12">
         <div class="label">12</div><div class="s"><span class="heading">Te Aranga ake o ng&#257; Mate</span></div><div class="p"><span class="content">  </span><span class="verse v1" data-usfm="DAN.12.1"><span class="label">1</span><span class="content">&#8220;&#256;, i taua w&#257; ka whakatika a Mikaera, te rangatira nui e t&#363; nei hei hoa m&#333; ng&#257; tama a t&#333;u iwi. N&#257;, he w&#257; raruraru taua w&#257;, k&#257;hore mai i mua i te w&#257; i whai iwi ai &#257; taea noatia taua w&#257; nei; hei taua w&#257; ka mawhiti t&#333;u iwi, te hunga katoa e kitea kua oti te tuhituhi ki te pukapuka. </span></span><span class="verse v2" data-usfm="DAN.12.2"><span class="label">2</span><span class="content">N&#257;, he tokomaha o te hunga e moe ana i te puehu o te oneone e ara ake, ko &#275;tahi ki te ora tonu, ko &#275;tahi ki te whakam&#257;, ki te whakarihariha, mutungakore. </span></span><span class="verse v3" data-usfm="DAN.12.3"><span class="label">3</span><span class="content">&#256;, ka t&#299;aho te hunga whakaaro nui &#257;n&#333; kei te t&#299;aho o te kikorangi. Me te hunga hoki n&#257;na i anga ai ng&#257; t&#257;ngata tokomaha ki te tika, ka rite r&#257;tou ki ng&#257; whet&#363; &#257; ake ake. </span></span><span class="verse v4" data-usfm="DAN.12.4"><span class="label">4</span><span class="content">Ko koe ia, e Raniera, kopia ng&#257; kupu, h&#299;ritia an&#333; te pukapuka &#257; taea noatia te mutunga. He tokomaha e k&#333;pikopiko, ka nui haere an&#333; te m&#257;tauranga.&#8221;</span></span></div><div class="p"><span class="verse v4" data-usfm="DAN.12.4"><span class="content">  </span></span><span class="verse v5" data-usfm="DAN.12.5"><span class="label">5</span><span class="content">K&#257;tahi ahau, a Raniera, ka titiro, n&#257;, ko &#275;tahi atu tokorua e t&#363; ana, ko t&#275;tahi i t&#275;nei taha o te parenga o te awa, ko t&#275;tahi i t&#275;r&#257; taha o te parenga o te awa. </span></span><span class="verse v6" data-usfm="DAN.12.6"><span class="label">6</span><span class="content">N&#257;, ko te meatanga a t&#275;tahi ki te tangata i te k&#257;kahu r&#299;nena, ki t&#275;r&#257; i runga i ng&#257; wai o te awa, &#8220;Ko &#257;hea r&#257; an&#333; te mutunga o &#275;nei mea whakam&#299;haro?&#8221;</span></span></div><div class="p"><span class="verse v6" data-usfm="DAN.12.6"><span class="content">  </span></span><span class="verse v7" data-usfm="DAN.12.7"><span class="label">7</span><span class="content">&#256;, i rongo ahau i t&#257; te tangata i te k&#257;kahu r&#299;nena, i t&#257; t&#275;r&#257; i runga i ng&#257; wai o te awa, i te aranga o t&#333;na matau, o t&#333;na mau&#299; whaka te rangi. &#256;, oatitia ana e ia m&#257; t&#275;r&#257; e ora tonu ana ake ake, kia taka r&#257; an&#333; t&#275;tahi w&#257;, ng&#257; w&#257;, me te h&#257;whe; &#257;, kia oti t&#257; r&#257;tou tukituki i te kaha o te iwi tapu, k&#257;tahi ka oti &#275;nei katoa.</span></span></div><div class="p"><span class="verse v7" data-usfm="DAN.12.7"><span class="content">  </span></span><span class="verse v8" data-usfm="DAN.12.8"><span class="label">8</span><span class="content">&#256;, ka rongo ahau, engari k&#299;hai i m&#257;tau; k&#257;tahi ahau ka mea, &#8220;E t&#333;ku Ariki, he aha r&#257; te mutunga o &#275;nei mea?&#8221;</span></span></div><div class="p"><span class="verse v8" data-usfm="DAN.12.8"><span class="content">  </span></span><span class="verse v9" data-usfm="DAN.12.9"><span class="label">9</span><span class="content">K&#257;tahi t&#275;r&#257; ka k&#299; mai, &#8220;Haere, e Raniera, kua oti hoki ng&#257; kupu te kokopi atu, h&#299;ri rawa &#257; taea noatia te w&#257; o te mutunga. </span></span><span class="verse v10" data-usfm="DAN.12.10"><span class="label">10</span><span class="content">He tokomaha e mea i a r&#257;tou kia pokekore, kia m&#257;, kia parakore; engari ko te hunga kino ka mahi i te kino, &#257;, e kore t&#275;tahi o te hunga kino e m&#257;tau; ko te hunga whai whakaaro ia ka m&#257;tau.</span></span></div><div class="p"><span class="verse v10" data-usfm="DAN.12.10"><span class="content">  </span></span><span class="verse v11" data-usfm="DAN.12.11"><span class="label">11</span><span class="content">&#8220;N&#257;, mai o te w&#257; e whakak&#257;horetia ai te patunga tapu t&#363;turu, e t&#363; ai te mea whakarihariha, te mea whakangaro kotahi mano e rua rau e iwa tekau ng&#257; r&#257;. </span></span><span class="verse v12" data-usfm="DAN.12.12"><span class="label">12</span><span class="content">Ka hari te tangata e tatari ana, &#257;, ka tutuki ki ng&#257; r&#257; kotahi mano e toru rau e toru tekau m&#257; rima.</span></span></div><div class="p"><span class="verse v12" data-usfm="DAN.12.12"><span class="content">  </span></span><span class="verse v13" data-usfm="DAN.12.13"><span class="label">13</span><span class="content">&#8220;N&#257;, haere kia taea r&#257; an&#333; te mutunga; ka okioki hoki koe, &#257;, ka t&#363; ki t&#333;u w&#257;hi i te mutunga o ng&#257; r&#257;.&#8221;</span></span></div>
      </div>
   </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

“Ā, i taua wā ka whakatika a Mikaera, te rangatira nui e tū nei hei hoa mō ngā tama a tōu iwi. Nā, he wā raruraru taua wā, kāhore mai i mua i te wā i whai iwi ai ā taea noatia taua wā nei; hei taua wā ka mawhiti tōu iwi, te hunga katoa e kitea kua oti te tuhituhi ki te pukapuka. Nā, he tokomaha o te hunga e moe ana i te puehu o te oneone e ara ake, ko ētahi ki te ora tonu, ko ētahi ki te whakamā, ki te whakarihariha, mutungakore. Ā, ka tīaho te hunga whakaaro nui ānō kei te tīaho o te kikorangi. Me te hunga hoki nāna i anga ai ngā tāngata tokomaha ki te tika, ka rite rātou ki ngā whetū ā ake ake. Ko koe ia, e Raniera, kopia ngā kupu, hīritia anō te pukapuka ā taea noatia te mutunga. He tokomaha e kōpikopiko, ka nui haere anō te mātauranga.”
Kātahi ahau, a Raniera, ka titiro, nā, ko ētahi atu tokorua e tū ana, ko tētahi i tēnei taha o te parenga o te awa, ko tētahi i tērā taha o te parenga o te awa. Nā, ko te meatanga a tētahi ki te tangata i te kākahu rīnena, ki tērā i runga i ngā wai o te awa, “Ko āhea rā anō te mutunga o ēnei mea whakamīharo?”
Ā, i rongo ahau i tā te tangata i te kākahu rīnena, i tā tērā i runga i ngā wai o te awa, i te aranga o tōna matau, o tōna mauī whaka te rangi. Ā, oatitia ana e ia mā tērā e ora tonu ana ake ake, kia taka rā anō tētahi wā, ngā wā, me te hāwhe; ā, kia oti tā rātou tukituki i te kaha o te iwi tapu, kātahi ka oti ēnei katoa.
Ā, ka rongo ahau, engari kīhai i mātau; kātahi ahau ka mea, “E tōku Ariki, he aha rā te mutunga o ēnei mea?”
Kātahi tērā ka kī mai, “Haere, e Raniera, kua oti hoki ngā kupu te kokopi atu, hīri rawa ā taea noatia te wā o te mutunga. He tokomaha e mea i a rātou kia pokekore, kia mā, kia parakore; engari ko te hunga kino ka mahi i te kino, ā, e kore tētahi o te hunga kino e mātau; ko te hunga whai whakaaro ia ka mātau.
“Nā, mai o te wā e whakakāhoretia ai te patunga tapu tūturu, e tū ai te mea whakarihariha, te mea whakangaro kotahi mano e rua rau e iwa tekau ngā rā. Ka hari te tangata e tatari ana, ā, ka tutuki ki ngā rā kotahi mano e toru rau e toru tekau mā rima.
“Nā, haere kia taea rā anō te mutunga; ka okioki hoki koe, ā, ka tū ki tōu wāhi i te mutunga o ngā rā.”

සවන් දෙන්න Raniera 12