<div class="version vid3363 iso6393mri" data-vid="3363" data-iso6393="mri">
 <div class="book bkDAN">
 <div class="chapter ch11" data-usfm="DAN.11">
 <div class="label">11</div><div class="p"> 1&#8220;Ko ahau, i t&#363; ake ahau i te tau tuatahi o Tariuha Meri, ki te whaka&#363;, ki te whakakaha i a ia.</div><div class="p"> 2&#8220;N&#257;, ka whakaatu ahau in&#257;ianei ki a koe i te pono. Nan&#257;, t&#275;r&#257; e ara ake an&#333; &#275;tahi atu k&#299;ngi e toru i Pahia; &#257;, ko te tuawh&#257;, ka nui noa atu ng&#257; taonga i &#333; te katoa. N&#257;, kia kaha ia i &#333;na taonga, ka whakaohokia e ia te katoa ki te whawhai ki te k&#299;ngitanga o Kariki. 3N&#257; t&#275;r&#257; e t&#363; ake t&#275;tahi k&#299;ngi m&#257;rohirohi, he nui t&#333;na k&#299;ngitanga e k&#299;ngi ai ia, &#257;, ka mahia e ia t&#257;na e pai ai. 4&#256;, ina t&#363; ake ia, ka pakaru t&#333;na k&#299;ngitanga, ka wehewehea atu ki ng&#257; hau e wh&#257; o te rangi. K&#257;hore ia ki &#333; muri i a ia, e kore an&#333; e rite ki t&#333;na k&#299;ngitanga i k&#299;ngi ai ia; n&#333; te mea ka h&#363;tia atu t&#333;na k&#299;ngitanga, m&#333; &#275;tahi atu an&#333; ia ehara nei i &#275;nei.</div><div class="p"> 5&#8220;N&#257;, ka kaha te k&#299;ngi o te tonga, me t&#275;tahi o &#257;na rangatira; ka neke ake an&#333; t&#333;na kaha ki runga ake i t&#333; t&#275;r&#257;, &#257;, ka k&#299;ngi; hei k&#299;ngitanga nui t&#333;na k&#299;ngitanga. 6N&#257;, i te mutunga o ng&#257; tau ka honoa r&#257;ua, ka haere mai hoki te tam&#257;hine a te k&#299;ngi o te tonga, ki te k&#299;ngi o te raki ki te whakarite tikanga. Otiia, e kore e mau i taua wahine te kaha o t&#333;na ringa; e kore an&#333; e t&#363; te t&#257;ne me t&#333;na ringa. Heoi, ka tukua atu te wahine, me te hunga n&#257;na ia i kawe mai, me te matua t&#257;ne n&#257;na nei ia, me t&#333;na kaiwhakakaha i aua w&#257;.</div><div class="p"> 7&#8220;Otiia t&#275;r&#257; e t&#363; ake t&#275;tahi i t&#333;na w&#257;hi, he manga n&#333; ng&#257; pakiaka o te wahine, &#257;, ka haere mai ki te taua, ka tomo ki te p&#257; o te k&#299;ngi o te raki, &#257;, ka mahi i roto i a r&#257;tou, ka kaha an&#333;. 8Ka whakaraua an&#333; e ia &#333; r&#257;tou atua, &#257; r&#257;tou whakapakoko whakarewa, &#257; r&#257;tou oko an&#333; hoki e matenuitia ana, ng&#257; mea hiriwa, ng&#257; mea k&#333;ura, ka kawea ki &#298;hipa; &#257;, ka mutu t&#257;na whawhai ki te k&#299;ngi o te raki m&#333; &#275;tahi tau. 9&#256;, ka haere ia ki te k&#299;ngitanga o te k&#299;ngi o te tonga, engari ka hoki an&#333; ia ki t&#333;na ake whenua.</div><div class="p"> 10&#8220;N&#257;, ka whawhai &#257;na tama, &#257;, ka huihuia e r&#257;tou he ope, he maha ng&#257; taua. N&#257;, ka haere mai aua ope, kei te waipuke te rite, &#257;, puta rawa atu. &#256;, ka hoki r&#257;tou, ka whawhai, &#257; tae tonu ki t&#333; t&#275;r&#257; p&#257;. 11N&#257;, ka riri te k&#299;ngi o te tonga, &#257;, ka puta mai, ka whawhai ki a ia, ar&#257;, ki te k&#299;ngi o te raki; &#257;, he nui te ope e ara i t&#275;nei, &#257;, ka hoatu te ope ki t&#333; t&#275;r&#257; ringa. 12&#256;, ka whakaarahia te ope, ka kake t&#333;na ng&#257;kau; &#257;, ka whakatak&#257; e ia ng&#257; mano tini, otiia e kore ia e whai kaha. 13N&#257;, ka hoki mai te k&#299;ngi o te raki, maha atu hoki i &#333; mua te ope e ara i a ia; &#257;, ka tae mai ia i te mutunga o &#275;tahi w&#257;, ar&#257; o ng&#257; tau, he nui t&#257;na ope, he nui ng&#257; taonga.</div><div class="p"> 14&#8220;I aua w&#257; he tokomaha e whakatika ki te k&#299;ngi o te tonga. Ka whakakake an&#333; ng&#257; tama tut&#363; o t&#333;u iwi, kia tutuki ai te kite r&#257;; otiia ka taka r&#257;tou. 15Heoi, ka haere mai te k&#299;ngi o te raki; ka haup&#363;ria ake an&#333; he pukepuke e ia, &#257;, ka riro i a ia te p&#257; he nui rawa nei te taiepa. E kore an&#333; ng&#257; ringa o te tonga e &#363;, e kore an&#333; t&#257;na iwi i whiriwhiri ai, k&#257;hore he kaha e &#363; ai. 16Otiia, ko t&#275;nei ka haere mai nei ki a ia, ka mahia e ia t&#257;na e pai ai, e kore an&#333; t&#275;tahi e t&#363; ki t&#333;na aroaro. N&#257;, ka t&#363; ia ki te whenua &#257;taahua, &#257;, kei t&#333;na ringa te whakangaromanga. 17Ka anga an&#333; t&#333;na mata, ka mea kia haere mai ia i runga i te kaha o t&#333;na k&#299;ngitanga katoa, me te hunga tika an&#333; hei hoa m&#333;na; n&#257;, ka mahi ia i t&#257;na e pai ai. Ka h&#333;mai an&#333; e ia ki a ia te tam&#257;hine a ng&#257; w&#257;hine, hei takakino m&#257;na. Otiia, e kore t&#275;r&#257; e t&#363;, e kore hoki e mahi m&#333;na. 18I muri i t&#275;nei ka tahuri t&#333;na mata ki ng&#257; motu, &#257;, he maha e riro i a ia. Otiia, m&#257; t&#275;tahi rangatira e mea kia mutu te ingoa kino e t&#257;paea ana e ia. &#256;e r&#257;, ka meinga e ia t&#257;na whakaingoa kino kia hoki ki a ia an&#333;. 19K&#257;tahi t&#333;na mata ka tahuri atu ki ng&#257; p&#257; o t&#333;na whenua; otiia ka t&#363;tuki &#333;na waewae, &#257;, ka hinga ia, kore ake e kitea.</div><div class="p"> 20&#8220;K&#257;tahi ka t&#363; ake i t&#333;na w&#257;hi t&#275;tahi m&#257;na e mea he kaitono takoha kia takahi i roto i te kor&#333;ria o te k&#299;ngitanga. Otiia, kia torutoru ake ng&#257; r&#257; ka whakangaromia ai, k&#257;hore he riri, k&#257;hore hoki he whawhai. 21Ka whakatika ake an&#333; ki runga ki t&#333;na w&#257;hi t&#275;tahi tangata e whakah&#257;weatia ana, ehara nei te kor&#333;ria o te rangatiratanga i te mea hoatu ki a ia. Ka haere mai ia i te w&#257; &#257;ta noho, &#257;, ka riro i a ia te k&#299;ngitanga, n&#257; te patipati. 22&#256;, ka taupokina r&#257;tou e ng&#257; ringa o te waipuke i t&#333;na aroaro, mongamonga noa r&#257;tou; me te rangatira an&#333; hoki o te kawenata. 23I muri an&#333; i t&#257;na whakaaetanga k&#333;rero ka mahi tinihanga ia. Ka haere mai hoki ia, &#257;, ka kaha, he torutoru an&#333; hoki &#257;na t&#257;ngata. 24Hei te w&#257; &#257;ta noho ka tae mai ia ki ng&#257; w&#257;hi m&#333;mona r&#257; an&#333; o te k&#257;wanatanga; ka mahia e ia ng&#257; mea k&#299;hai i mahia e &#333;na m&#257;tua, e ng&#257; m&#257;tua o &#333;na m&#257;tua; ka t&#299;taria an&#333; e ia ng&#257; mea parakete, ng&#257; mea p&#257;hua, ng&#257; taonga, ki roto ki a r&#257;tou. &#256;e r&#257;, ka whakaaroa an&#333; e ia &#333;na whakaaro m&#333; ng&#257; p&#257;, &#257;, kia taka r&#257; an&#333; t&#275;tahi t&#257;ima.</div><div class="p"> 25&#8220;Ka whakaohokia an&#333; e ia t&#333;na kaha me t&#333;na m&#257;ia ki te whawhai ki te k&#299;ngi o te tonga, he nui te ope; ka oho an&#333; hoki te k&#299;ngi o te tonga, ka whawhai, he ope nui atu, he kaha atu; otiia e kore ia e t&#363;. N&#333; te mea ka whakaaroa e r&#257;tou he whakaaro kino m&#333;na. 26In&#257;, ka pakaru ia i te hunga i kai i t&#257;na w&#257;hi kai, ko te taua hoki a t&#275;r&#257; kei te waipuke te rite. He tokomaha an&#333; e hinga, mate rawa. 27N&#257;, ko &#275;nei k&#299;ngi tokorua, ko &#333; r&#257;ua ng&#257;kau ka mea m&#333; te kino, &#257;, ka k&#333;rero teka r&#257;ua i te t&#275;pu kotahi; otiia k&#257;hore he painga; ka noho tonu mai hoki te mutunga, hei te w&#257; i whakaritea. 28Hei reira ia ka hoki ki t&#333;na whenua me ng&#257; taonga maha; &#257;, ko t&#333;na ng&#257;kau ka mea ki te takahi i te kawenata tapu; ka mahi ia i t&#257;na e pai ai, &#257;, ka hoki atu ki t&#333;na whenua.</div><div class="p"> 29&#8220;I te w&#257; i whakaritea ka hoki ia, &#257;, ka haere mai ki te tonga; otiia e kore e rite t&#333; muri nei ki t&#333; mua r&#257;. 30N&#333; te mea ka rere mai ng&#257; kaipuke o Kitimi ki te whawhai ki a ia. N&#257;, ka p&#333;uri ia, &#257;, ka hoki, ka riri ki te kawenata tapu, &#257;, ka mahi ia i t&#257;na e pai ai; &#257;, ka tino hoki ia, ka whai whakaaro ki te hunga i whakar&#275;rea ai te kawenata tapu.</div><div class="p"> 31&#8220;Ka ara an&#333; &#275;tahi ringa hei whakauru m&#333;na, &#257;, ka whakapokea te w&#257;hi tapu, ar&#257; te w&#257;hi kaha, ka whakak&#257;horetia an&#333; e r&#257;tou te patunga tapu, te mea t&#363;turu, ka t&#363; an&#333; i a r&#257;tou te mea whakarihariha, te mea whakangaro. 32N&#257;, ko te hunga e mahi kino ana ki te kawenata ka whakangaua k&#275;tia e ia, he mea whakapati n&#257;na; ko te hunga ia e m&#333;hio ana ki t&#333; r&#257;tou Atua, ka kaha r&#257;tou, ka mahi i ng&#257; mahi.</div><div class="p"> 33&#8220;N&#257;, ko te hunga whakaaro nui i roto i te iwi, he tokomaha a r&#257;tou e whakaako ai. Otiia, he maha ng&#257; r&#257; e hinga ai r&#257;tou i te hoari, i te mura, i te whakarau, i te p&#257;hua. 34&#256;, ka hinga r&#257;tou, ka &#257;whinatia mai r&#257;tou, he iti ia te &#257;whina. He tokomaha ia e piri ki a r&#257;tou, he mea whakapati. 35Ka hinga an&#333; &#275;tahi o te hunga m&#257;tau, he mea e tahia ai t&#333; r&#257;tou para, e pokekore ai, e m&#257; ai r&#257;tou, &#257; taea noatia te w&#257; a te whakamutunga. N&#333; te mea ko taua mea m&#333; te w&#257; r&#257; an&#333; i whakaritea.</div><div class="p"> 36&#8220;Ka mahia an&#333; e te k&#299;ngi t&#257;na e pai ai; ka whakaneke ake an&#333; i a ia, ka whakanui i a ia ki runga ake i ng&#257; atua katoa, he whakam&#299;haro an&#333; &#257;na whakapehapeha m&#333; te Atua o ng&#257; atua. Ka kake an&#333; ia, taea noatia te whakap&#333;tonga o te riri. Ka mahia hoki te mea i whakaritea. 37E kore an&#333; ia e whai whakaaro ki ng&#257; atua o &#333;na m&#257;tua, e hiahia r&#257;nei ki te wahine, e kore an&#333; e whai whakaaro ki t&#275;tahi atua. N&#333; te mea ko ia t&#257;na e whakanui ai ki runga ake i te katoa. 38Otiia, i t&#333;na w&#257;hi an&#333; ka whakah&#333;noretia e ia te atua o ng&#257; w&#257;hi kaha; he atua k&#299;hai i m&#333;hiotia e &#333;na m&#257;tua t&#257;na e whakah&#333;nore ai ki te k&#333;ura, ki te hiriwa, ki te k&#333;hatu utu nui, ki ng&#257; mea e matenuitia ana. 39Ko t&#257;na t&#275;nei e mea ai i ng&#257; w&#257;hi tino kaha, &#257;, ko t&#333;na hoa ko t&#275;tahi atua k&#275;. Ko te tangata e whakaae ana ki a ia ka whakanuia e ia ki te kor&#333;ria. &#256;, ka meinga r&#257;tou e ia hei k&#257;wana m&#333; ng&#257; t&#257;ngata tokomaha ka wehewehea an&#333; hoki e ia te whenua m&#333; t&#275;tahi utu.&#8221;</div><div class="s">Te W&#257; o te Mutunga</div><div class="p"> 40&#8220;&#256;, i ng&#257; w&#257; o te mutunga ka whawhai te k&#299;ngi o te tonga ki a ia; &#257;, ka k&#333;kiri mai te k&#299;ngi o te raki &#257;n&#333; he paroro te rite, me ng&#257; h&#257;riata, me ng&#257; kaieke h&#333;iho, me ng&#257; kaipuke maha; &#257;, ka tomo ia ki ng&#257; whenua, ka p&#257;ha me te waipuke, &#257;, tika tonu atu. 41Ka tae an&#333; ia ki te whenua &#257;taahua, &#257;, he maha ng&#257; whenua e hinga. Ko &#275;nei ia e mawhiti i roto i t&#333;na ringa, ko &#274;roma, ko Moapa, ko ng&#257; upoko o ng&#257; tama a &#256;mona. 42Ka totoro an&#333; t&#333;na ringa ki ng&#257; whenua; e kore an&#333; te whenua o &#298;hipa e mawhiti. 43Otiia, ka noho ko ia hei rangatira m&#333; ng&#257; taonga, ar&#257; m&#333; te k&#333;ura, m&#333; te hiriwa, m&#333; ng&#257; mea katoa o &#298;hipa e matenuitia ana; &#257;, ka whai ng&#257; R&#363;pimi me ng&#257; Etiopiana i &#333;na takahanga. 44Otiia, ka raruraru ia i ng&#257; k&#333;rero i te r&#257;whiti, i te raki; n&#257;, he nui te riri e puta mai ai ia, &#257;, he tokomaha ana e whakangaro ai, e huna ai. 45&#256;, ka whakat&#363;ria e ia ng&#257; t&#275;neti o t&#333;na whare k&#299;ngi, ki waenganui o te moana, o te maunga tapu &#257;taahua; otiia ka tae ia ki t&#333;na mutunga, k&#257;hore hoki he &#257;whina m&#333;na.&#8221;</div>
 </div>
 </div>
</div>

Ngā Ringa Hāpai i te Paipera Tapu ki Aotearoa 1952, 2012 © (Bible Society New Zealand inc. 1952, 2012).

“Ko ahau, i tū ake ahau i te tau tuatahi o Tariuha Meri, ki te whakaū, ki te whakakaha i a ia.
“Nā, ka whakaatu ahau ināianei ki a koe i te pono. Nanā, tērā e ara ake anō ētahi atu kīngi e toru i Pahia; ā, ko te tuawhā, ka nui noa atu ngā taonga i ō te katoa. Nā, kia kaha ia i ōna taonga, ka whakaohokia e ia te katoa ki te whawhai ki te kīngitanga o Kariki. Nā tērā e tū ake tētahi kīngi mārohirohi, he nui tōna kīngitanga e kīngi ai ia, ā, ka mahia e ia tāna e pai ai. Ā, ina tū ake ia, ka pakaru tōna kīngitanga, ka wehewehea atu ki ngā hau e whā o te rangi. Kāhore ia ki ō muri i a ia, e kore anō e rite ki tōna kīngitanga i kīngi ai ia; nō te mea ka hūtia atu tōna kīngitanga, mō ētahi atu anō ia ehara nei i ēnei.
“Nā, ka kaha te kīngi o te tonga, me tētahi o āna rangatira; ka neke ake anō tōna kaha ki runga ake i tō tērā, ā, ka kīngi; hei kīngitanga nui tōna kīngitanga. Nā, i te mutunga o ngā tau ka honoa rāua, ka haere mai hoki te tamāhine a te kīngi o te tonga, ki te kīngi o te raki ki te whakarite tikanga. Otiia, e kore e mau i taua wahine te kaha o tōna ringa; e kore anō e tū te tāne me tōna ringa. Heoi, ka tukua atu te wahine, me te hunga nāna ia i kawe mai, me te matua tāne nāna nei ia, me tōna kaiwhakakaha i aua wā.
“Otiia tērā e tū ake tētahi i tōna wāhi, he manga nō ngā pakiaka o te wahine, ā, ka haere mai ki te taua, ka tomo ki te pā o te kīngi o te raki, ā, ka mahi i roto i a rātou, ka kaha anō. Ka whakaraua anō e ia ō rātou atua, ā rātou whakapakoko whakarewa, ā rātou oko anō hoki e matenuitia ana, ngā mea hiriwa, ngā mea kōura, ka kawea ki Īhipa; ā, ka mutu tāna whawhai ki te kīngi o te raki mō ētahi tau. Ā, ka haere ia ki te kīngitanga o te kīngi o te tonga, engari ka hoki anō ia ki tōna ake whenua.
“Nā, ka whawhai āna tama, ā, ka huihuia e rātou he ope, he maha ngā taua. Nā, ka haere mai aua ope, kei te waipuke te rite, ā, puta rawa atu. Ā, ka hoki rātou, ka whawhai, ā tae tonu ki tō tērā pā. Nā, ka riri te kīngi o te tonga, ā, ka puta mai, ka whawhai ki a ia, arā, ki te kīngi o te raki; ā, he nui te ope e ara i tēnei, ā, ka hoatu te ope ki tō tērā ringa. Ā, ka whakaarahia te ope, ka kake tōna ngākau; ā, ka whakatakā e ia ngā mano tini, otiia e kore ia e whai kaha. Nā, ka hoki mai te kīngi o te raki, maha atu hoki i ō mua te ope e ara i a ia; ā, ka tae mai ia i te mutunga o ētahi wā, arā o ngā tau, he nui tāna ope, he nui ngā taonga.
“I aua wā he tokomaha e whakatika ki te kīngi o te tonga. Ka whakakake anō ngā tama tutū o tōu iwi, kia tutuki ai te kite rā; otiia ka taka rātou. Heoi, ka haere mai te kīngi o te raki; ka haupūria ake anō he pukepuke e ia, ā, ka riro i a ia te pā he nui rawa nei te taiepa. E kore anō ngā ringa o te tonga e ū, e kore anō tāna iwi i whiriwhiri ai, kāhore he kaha e ū ai. Otiia, ko tēnei ka haere mai nei ki a ia, ka mahia e ia tāna e pai ai, e kore anō tētahi e tū ki tōna aroaro. Nā, ka tū ia ki te whenua ātaahua, ā, kei tōna ringa te whakangaromanga. Ka anga anō tōna mata, ka mea kia haere mai ia i runga i te kaha o tōna kīngitanga katoa, me te hunga tika anō hei hoa mōna; nā, ka mahi ia i tāna e pai ai. Ka hōmai anō e ia ki a ia te tamāhine a ngā wāhine, hei takakino māna. Otiia, e kore tērā e tū, e kore hoki e mahi mōna. I muri i tēnei ka tahuri tōna mata ki ngā motu, ā, he maha e riro i a ia. Otiia, mā tētahi rangatira e mea kia mutu te ingoa kino e tāpaea ana e ia. Āe rā, ka meinga e ia tāna whakaingoa kino kia hoki ki a ia anō. Kātahi tōna mata ka tahuri atu ki ngā pā o tōna whenua; otiia ka tūtuki ōna waewae, ā, ka hinga ia, kore ake e kitea.
“Kātahi ka tū ake i tōna wāhi tētahi māna e mea he kaitono takoha kia takahi i roto i te korōria o te kīngitanga. Otiia, kia torutoru ake ngā rā ka whakangaromia ai, kāhore he riri, kāhore hoki he whawhai. Ka whakatika ake anō ki runga ki tōna wāhi tētahi tangata e whakahāweatia ana, ehara nei te korōria o te rangatiratanga i te mea hoatu ki a ia. Ka haere mai ia i te wā āta noho, ā, ka riro i a ia te kīngitanga, nā te patipati. Ā, ka taupokina rātou e ngā ringa o te waipuke i tōna aroaro, mongamonga noa rātou; me te rangatira anō hoki o te kawenata. I muri anō i tāna whakaaetanga kōrero ka mahi tinihanga ia. Ka haere mai hoki ia, ā, ka kaha, he torutoru anō hoki āna tāngata. Hei te wā āta noho ka tae mai ia ki ngā wāhi mōmona rā anō o te kāwanatanga; ka mahia e ia ngā mea kīhai i mahia e ōna mātua, e ngā mātua o ōna mātua; ka tītaria anō e ia ngā mea parakete, ngā mea pāhua, ngā taonga, ki roto ki a rātou. Āe rā, ka whakaaroa anō e ia ōna whakaaro mō ngā pā, ā, kia taka rā anō tētahi tāima.
“Ka whakaohokia anō e ia tōna kaha me tōna māia ki te whawhai ki te kīngi o te tonga, he nui te ope; ka oho anō hoki te kīngi o te tonga, ka whawhai, he ope nui atu, he kaha atu; otiia e kore ia e tū. Nō te mea ka whakaaroa e rātou he whakaaro kino mōna. Inā, ka pakaru ia i te hunga i kai i tāna wāhi kai, ko te taua hoki a tērā kei te waipuke te rite. He tokomaha anō e hinga, mate rawa. Nā, ko ēnei kīngi tokorua, ko ō rāua ngākau ka mea mō te kino, ā, ka kōrero teka rāua i te tēpu kotahi; otiia kāhore he painga; ka noho tonu mai hoki te mutunga, hei te wā i whakaritea. Hei reira ia ka hoki ki tōna whenua me ngā taonga maha; ā, ko tōna ngākau ka mea ki te takahi i te kawenata tapu; ka mahi ia i tāna e pai ai, ā, ka hoki atu ki tōna whenua.
“I te wā i whakaritea ka hoki ia, ā, ka haere mai ki te tonga; otiia e kore e rite tō muri nei ki tō mua rā. Nō te mea ka rere mai ngā kaipuke o Kitimi ki te whawhai ki a ia. Nā, ka pōuri ia, ā, ka hoki, ka riri ki te kawenata tapu, ā, ka mahi ia i tāna e pai ai; ā, ka tino hoki ia, ka whai whakaaro ki te hunga i whakarērea ai te kawenata tapu.
“Ka ara anō ētahi ringa hei whakauru mōna, ā, ka whakapokea te wāhi tapu, arā te wāhi kaha, ka whakakāhoretia anō e rātou te patunga tapu, te mea tūturu, ka tū anō i a rātou te mea whakarihariha, te mea whakangaro. Nā, ko te hunga e mahi kino ana ki te kawenata ka whakangaua kētia e ia, he mea whakapati nāna; ko te hunga ia e mōhio ana ki tō rātou Atua, ka kaha rātou, ka mahi i ngā mahi.
“Nā, ko te hunga whakaaro nui i roto i te iwi, he tokomaha a rātou e whakaako ai. Otiia, he maha ngā rā e hinga ai rātou i te hoari, i te mura, i te whakarau, i te pāhua. Ā, ka hinga rātou, ka āwhinatia mai rātou, he iti ia te āwhina. He tokomaha ia e piri ki a rātou, he mea whakapati. Ka hinga anō ētahi o te hunga mātau, he mea e tahia ai tō rātou para, e pokekore ai, e mā ai rātou, ā taea noatia te wā a te whakamutunga. Nō te mea ko taua mea mō te wā rā anō i whakaritea.
“Ka mahia anō e te kīngi tāna e pai ai; ka whakaneke ake anō i a ia, ka whakanui i a ia ki runga ake i ngā atua katoa, he whakamīharo anō āna whakapehapeha mō te Atua o ngā atua. Ka kake anō ia, taea noatia te whakapōtonga o te riri. Ka mahia hoki te mea i whakaritea. E kore anō ia e whai whakaaro ki ngā atua o ōna mātua, e hiahia rānei ki te wahine, e kore anō e whai whakaaro ki tētahi atua. Nō te mea ko ia tāna e whakanui ai ki runga ake i te katoa. Otiia, i tōna wāhi anō ka whakahōnoretia e ia te atua o ngā wāhi kaha; he atua kīhai i mōhiotia e ōna mātua tāna e whakahōnore ai ki te kōura, ki te hiriwa, ki te kōhatu utu nui, ki ngā mea e matenuitia ana. Ko tāna tēnei e mea ai i ngā wāhi tino kaha, ā, ko tōna hoa ko tētahi atua kē. Ko te tangata e whakaae ana ki a ia ka whakanuia e ia ki te korōria. Ā, ka meinga rātou e ia hei kāwana mō ngā tāngata tokomaha ka wehewehea anō hoki e ia te whenua mō tētahi utu.”

“Ā, i ngā wā o te mutunga ka whawhai te kīngi o te tonga ki a ia; ā, ka kōkiri mai te kīngi o te raki ānō he paroro te rite, me ngā hāriata, me ngā kaieke hōiho, me ngā kaipuke maha; ā, ka tomo ia ki ngā whenua, ka pāha me te waipuke, ā, tika tonu atu. Ka tae anō ia ki te whenua ātaahua, ā, he maha ngā whenua e hinga. Ko ēnei ia e mawhiti i roto i tōna ringa, ko Ēroma, ko Moapa, ko ngā upoko o ngā tama a Āmona. Ka totoro anō tōna ringa ki ngā whenua; e kore anō te whenua o Īhipa e mawhiti. Otiia, ka noho ko ia hei rangatira mō ngā taonga, arā mō te kōura, mō te hiriwa, mō ngā mea katoa o Īhipa e matenuitia ana; ā, ka whai ngā Rūpimi me ngā Etiopiana i ōna takahanga. Otiia, ka raruraru ia i ngā kōrero i te rāwhiti, i te raki; nā, he nui te riri e puta mai ai ia, ā, he tokomaha ana e whakangaro ai, e huna ai. Ā, ka whakatūria e ia ngā tēneti o tōna whare kīngi, ki waenganui o te moana, o te maunga tapu ātaahua; otiia ka tae ia ki tōna mutunga, kāhore hoki he āwhina mōna.”

සවන් දෙන්න Raniera 11