<div class="version vid3247 iso6393acr" data-vid="3247" data-iso6393="acr">
   <div class="book bkGEN">
      <div class="chapter ch20" data-usfm="GEN.20">
         <div class="label">20</div><div class="s1"><span class="heading">Mam Abraham xaq i ma Abimelec</span></div><div class="p"><span class="content">  </span><span class="verse v1" data-usfm="GEN.20.1"><span class="label">1</span><span class="content">I mam Abraham xel chila ipa o wi te'eq, x-e pusuk' ulew Neguev, chila xk'iji wi chuxol i keb' tinimit Cades xaq i Shur. Are o chila Gerar, </span></span><span class="verse v2" data-usfm="GEN.20.2"><span class="label">2</span><span class="content">i mam Abraham xub'ij chi tit Sara chi rixoqil xa ranab', rumali ma Abimelec chi ajawinel re i tinimit Gerar xutaq uk'amik tit Sara man ku'an rixoqil che. </span></span><span class="verse v3" data-usfm="GEN.20.3"><span class="label">3</span><span class="content">Xwiri che a'ab' le i Dios xuk'ut rib' che ma Abimelec puwaram, xub'ij che: &#8220;Katkam na man ixoq le chi xataq uk'amik, k'ulanik.&#8221;</span></span></div><div class="p"><span class="verse v3" data-usfm="GEN.20.3"><span class="content">  </span></span><span class="verse v4" data-usfm="GEN.20.4"><span class="label">4</span><span class="content">Xwiri ma Abimelec k'amaja kumin rib' ru' tit Sara, rumali xula' uwach che i Dios: &#8220;Wajwal &#191;Xatab'a kakamsaj jun winaq chi nti umak u'anom? </span></span><span class="verse v5" data-usfm="GEN.20.5"><span class="label">5</span><span class="content">Man mam Abraham xub'ij chwe chi tit Sara xa ranab', xaq i tit Sara xub'ij chwe chi mam Abraham le lik uxib'al; rumali yin ru' ch'am laj ink'ux xintaq uk'amik ixoq le, lik nti jun utz taj xinch'ob' u'anik.&#8221; Xcha.</span></span></div><div class="p"><span class="verse v5" data-usfm="GEN.20.5"><span class="content">  </span></span><span class="verse v6" data-usfm="GEN.20.6"><span class="label">6</span><span class="content">Are uri i Dios xub'ij che puwaram: &#8220;Weta'am chi xa'an ile ru' ch'am laj ak'ux, rumali xinya ti chawe chi kamin awib' ru' man keje ile katmakun ti chinwach. </span></span><span class="verse v7" data-usfm="GEN.20.7"><span class="label">7</span><span class="content">Xwiri wo'or su' chataqa uya'ik ixoq le che mam Abraham chi rachijil, man ire profeta xaq kutz'onoj ni pawi man keje ile katk'asi'ik. We ka'an taj lik chawetamaj uri chi lik katkam na junam ku' awinaq.&#8221; Keje ile xub'ij i Dios che ma Abimelec.</span></span></div><div class="p"><span class="verse v7" data-usfm="GEN.20.7"><span class="content">  </span></span><span class="verse v8" data-usfm="GEN.20.8"><span class="label">8</span><span class="content">Are xsaqir chukab' ij, i ma Abimelec lik k'a we' xwalijik, xutaq kisik'ixik konojel umokom, man kraj kulap chke ronojel wach taq xrachik'aj cha'ab'. Are xkita umokom ile wach xrachik'aj lik konojel xe'ok il. </span></span><span class="verse v9" data-usfm="GEN.20.9"><span class="label">9</span><span class="content">Are uri ma Abimelec xutaq usik'ixik mam Abraham, xub'ij che:</span></span></div><div class="p"><span class="verse v9" data-usfm="GEN.20.9"><span class="content">&#8212;&#161;Wach usuk' i xa'an chwe le! &#191;Wach in maktajnaq wi chawach, chi xak'am li nim laj mak atzalal le pinwi, xaq pkiwi i winaq chi je o pin-ab'? I xa'ano le lik kmajaw taj chi k-anik. </span></span><span class="verse v10" data-usfm="GEN.20.10"><span class="label">10</span><span class="content">&#191;Wach taq kattijin chuch'ob'ik are xa'an i t'oronik le chwe?</span></span></div><div class="p"><span class="verse v10" data-usfm="GEN.20.10"><span class="content">Keje ile xub'ij ma Abimelec che mam Abraham.</span></span></div><div class="p"><span class="verse v10" data-usfm="GEN.20.10"><span class="content">  </span></span><span class="verse v11" data-usfm="GEN.20.11"><span class="label">11</span><span class="content">Are uri mam Abraham xula' uwach che:</span></span></div><div class="p"><span class="verse v11" data-usfm="GEN.20.11"><span class="content">&#8212;Xinch'ob' yin, i winaq chi je o waral che i tinimiti kkixij ti kib' che i Dios, lik kinkikamsaj uri rumal i wixoqil kinb'ij yin. </span></span><span class="verse v12" data-usfm="GEN.20.12"><span class="label">12</span><span class="content">Xwiri xaq lik qatzij chi ixoq le wanab', man umi'al inqajaw, tupu xaqjun ti qachuch ru'; rumali xin-an wixoqil che. </span></span><span class="verse v13" data-usfm="GEN.20.13"><span class="label">13</span><span class="content">Man i Dios are xub'ij chwe chi kwo'taj kan kachoch inqajaw inchuch man kin-e b'i chwach i jyub' ta'aj, are uri xinb'ij iri che wixoqil: Are utzil iri chi kwaj ka'an chwe xaipa koj-e wi, arewi chab'ij chi yin in axib'al, xincha che.</span></span></div><div class="p"><span class="verse v13" data-usfm="GEN.20.13"><span class="content">  </span></span><span class="verse v14" data-usfm="GEN.20.14"><span class="label">14</span><span class="content">Are uri ma Abimelec xuya b'i uchij, uchikop, rajchakib' xaq i rajke'elab' mam Abraham xaq xutzalij b'i rixoqil che chi tit Sara. </span></span><span class="verse v15" data-usfm="GEN.20.15"><span class="label">15</span><span class="content">Xaq xub'ij che mam Abraham:</span></span></div><div class="p"><span class="verse v15" data-usfm="GEN.20.15"><span class="content">&#8212;Wo'or o ronojel wulew chawach; chatjeqel uri ipa mer kumaj wi awach yet &#8212;xcha. </span></span><span class="verse v16" data-usfm="GEN.20.16"><span class="label">16</span><span class="content">Xaq xub'ij che tit Sara:</span></span></div><div class="p"><span class="verse v16" data-usfm="GEN.20.16"><span class="content">&#8212;Xinya b'i lajujwinaq kamo' (1,000) saqpwaq che axib'al tojb'al re ni'pa i k'ix chi xatik'aw chupam, keje ile katkiyo'ya ti winaq chi je o awu' &#8212;xcha.</span></span></div><div class="p"><span class="verse v16" data-usfm="GEN.20.16"><span class="content">  </span></span><span class="verse v17" data-usfm="GEN.20.17"><span class="label">17</span><span class="content">Are uri mam Abraham xutz'onoj che i Dios puwi ma Abimelec; rumali i Dios xrutzirsaj xaq xu'ano chi i rixoqil xaq i rajke'elab' kealan tan chik, </span></span><span class="verse v18" data-usfm="GEN.20.18"><span class="label">18</span><span class="content">man i Ajwal xu'an te'eq chke konojel ixoqib' chi je o prachoch ma Abimelec chi kealan taj, rumal ni'pa i xuk'ulmaj tit Sara chi rixoqil mam Abraham.</span></span></div>
      </div>
   </div>
</div>

I mam Abraham xel chila ipa o wi te'eq, x-e pusuk' ulew Neguev, chila xk'iji wi chuxol i keb' tinimit Cades xaq i Shur. Are o chila Gerar, i mam Abraham xub'ij chi tit Sara chi rixoqil xa ranab', rumali ma Abimelec chi ajawinel re i tinimit Gerar xutaq uk'amik tit Sara man ku'an rixoqil che. Xwiri che a'ab' le i Dios xuk'ut rib' che ma Abimelec puwaram, xub'ij che: “Katkam na man ixoq le chi xataq uk'amik, k'ulanik.”
Xwiri ma Abimelec k'amaja kumin rib' ru' tit Sara, rumali xula' uwach che i Dios: “Wajwal ¿Xatab'a kakamsaj jun winaq chi nti umak u'anom? Man mam Abraham xub'ij chwe chi tit Sara xa ranab', xaq i tit Sara xub'ij chwe chi mam Abraham le lik uxib'al; rumali yin ru' ch'am laj ink'ux xintaq uk'amik ixoq le, lik nti jun utz taj xinch'ob' u'anik.” Xcha.
Are uri i Dios xub'ij che puwaram: “Weta'am chi xa'an ile ru' ch'am laj ak'ux, rumali xinya ti chawe chi kamin awib' ru' man keje ile katmakun ti chinwach. Xwiri wo'or su' chataqa uya'ik ixoq le che mam Abraham chi rachijil, man ire profeta xaq kutz'onoj ni pawi man keje ile katk'asi'ik. We ka'an taj lik chawetamaj uri chi lik katkam na junam ku' awinaq.” Keje ile xub'ij i Dios che ma Abimelec.
Are xsaqir chukab' ij, i ma Abimelec lik k'a we' xwalijik, xutaq kisik'ixik konojel umokom, man kraj kulap chke ronojel wach taq xrachik'aj cha'ab'. Are xkita umokom ile wach xrachik'aj lik konojel xe'ok il. Are uri ma Abimelec xutaq usik'ixik mam Abraham, xub'ij che:
—¡Wach usuk' i xa'an chwe le! ¿Wach in maktajnaq wi chawach, chi xak'am li nim laj mak atzalal le pinwi, xaq pkiwi i winaq chi je o pin-ab'? I xa'ano le lik kmajaw taj chi k-anik. ¿Wach taq kattijin chuch'ob'ik are xa'an i t'oronik le chwe?
Keje ile xub'ij ma Abimelec che mam Abraham.
Are uri mam Abraham xula' uwach che:
—Xinch'ob' yin, i winaq chi je o waral che i tinimiti kkixij ti kib' che i Dios, lik kinkikamsaj uri rumal i wixoqil kinb'ij yin. Xwiri xaq lik qatzij chi ixoq le wanab', man umi'al inqajaw, tupu xaqjun ti qachuch ru'; rumali xin-an wixoqil che. Man i Dios are xub'ij chwe chi kwo'taj kan kachoch inqajaw inchuch man kin-e b'i chwach i jyub' ta'aj, are uri xinb'ij iri che wixoqil: Are utzil iri chi kwaj ka'an chwe xaipa koj-e wi, arewi chab'ij chi yin in axib'al, xincha che.
Are uri ma Abimelec xuya b'i uchij, uchikop, rajchakib' xaq i rajke'elab' mam Abraham xaq xutzalij b'i rixoqil che chi tit Sara. Xaq xub'ij che mam Abraham:
—Wo'or o ronojel wulew chawach; chatjeqel uri ipa mer kumaj wi awach yet —xcha. Xaq xub'ij che tit Sara:
—Xinya b'i lajujwinaq kamo' (1,000) saqpwaq che axib'al tojb'al re ni'pa i k'ix chi xatik'aw chupam, keje ile katkiyo'ya ti winaq chi je o awu' —xcha.
Are uri mam Abraham xutz'onoj che i Dios puwi ma Abimelec; rumali i Dios xrutzirsaj xaq xu'ano chi i rixoqil xaq i rajke'elab' kealan tan chik, man i Ajwal xu'an te'eq chke konojel ixoqib' chi je o prachoch ma Abimelec chi kealan taj, rumal ni'pa i xuk'ulmaj tit Sara chi rixoqil mam Abraham.

සවන් දෙන්න G%E9nesis 20